يحق لك تبكين والناس يبكون
في موت وافي تذرف دموع شيمه
يحق لك تبكين من قلب وعيون
دمعٍ يشابه جود هتان ديمه
لاصار ابو مشعل تحت الارض مدفون
مآثــره معــنــــا عليـــها مقــيمـــه
لولا البشر منها وفيها يعودون
ماله مكان الا على كفوف غيمه
يشهد له الأحسان والناس يدرون
ومن قدم الحسنات نال الغنيمه
بأحزاننا هيبة سلاطين وركون
والموت حق وللعزيــزين قـــيـــمــه
يابوحــمـــد وانت العــزا فيه والعـــون
دارٍ ضناها العود ماهي عقيمه
واللي على ليلاه يبكي ومجنون
غير الذي ليلاه دوله عظيمه