عدد المقالات 1
المولات والمجمعات التجارية مكان راقٍ ويجمع الكبير والصغير وعيالنا صاروا متعلقين في هذي الأماكن؛ لأنها تحتوي على مطاعم وسينمات وقهاوي ومحلات تجارية فيها من كل نمونه وشكل تحت سقف واحد وفي البراد بعيد عن لواهيب القيض. لكن في بعض إخوانا من الغربتيه عرب وأجانب الله يصلحهم نشوفهم يتمشون في هذي الأماكن تقول الواحد فيهم صاحي من السرير ونازل المجمع التجاري!! يا لابس فانيلة وشورت ولا تلقاها الله يصلحه لابسه قطعة توقل قميص نوم مهب لبس ينفع لبلادنا ويتوافق مع عادات وتقاليد قطر مثل ما احنا نحترم الغير يوم نروح بلادينهم وهذا حق وواجب. إذاعاتنا الأجنبية وسفاراتهم ومجالس الجاليات لهم دور في توعيتهم وإرشادهم لأننا ما نقبل على عيالنا وحريمنا يشوفون هذي المناظر في الأماكن العامة، ونقول مره ثانية ونأكد أنهم بعض أو قلة من الوافدين الي نحترم جهودهم وعطائهم في مسيرة بناء بلادنا. *بودرياه*
