أكشاك للفتوى بمحطات مترو الأنفاق في مصر
محليات
20 يوليو 2017 , 02:39م
العرب
في إطار جهوده لمكافحة الإرهاب "المزعوم" أنشأ النظام المصري الحالي أكشاكا خشبية داخل محطات مترو الأنفاق لاستقبال المواطنين، للاستماع إلى أسئلتهم والإجابة عليها من عناصر تابعة للجنة الفتوى.
وسخر نشطاء التواصل الاجتماعي من خطوة إنشاء مثل هذه الأكشاك معتبرين إياها خطوة لإلهاء الشعب في أمور فرعية ليست ذات جدوى في الوقت الراهن.
وقال حساب باسم الحكمدار: "تفتكر يعني ان دا الحل لمشكلة الارهاب في مصر وبعدين فين كشك الفتاوي المسيحي بقا".
وكتب مستر هريدي @elmaskh: "ده كشك الفتوي.. وهتلاقي فيه كل انواع الفتاوي وكل المقاسات والالوان والأحجام.. كل اللي عليك انك تختار فتوتك".
وأضاف ezdeen radwan: "بأفكر لما أفتح مشروع كُشك الفتاوي أغلف الفتوي في طبق فوم وبلاستيك
أيه رأيكم ؟ صحيح هاتكلف بس مع الوقت ها أكسب".
وسخرت JULIA MILAD بالقول: "هو كشك الفتاوي الي في المترو منفذ بيع طازه ولا مجمد ؟".
وكتب احدهُمْ @Eslam_3rafa: "رسالة للقائمين على هيئة مترو الانفاق: والله لو عملتوا حمامات عمومية ولو بنص جنيه هتفيد الناس اكتر من كشك الفتاوي وهتمنع امراض وبلاوي كتير".
وأضاف: "تقريبا كشك الفتاوي ده هيبقى الكشك الوحيد اللي حرام البلدية تشيله او تاخد منه اتاوة".
وتوقع ذكي بشكها @bashtkha2 زيادة سعر التذكرة قائلا: "كده بقي نقدر نزود تمن تذكره #المترو
2جنيه ركوب و 2جنيه #فتوي #كشك_الفتاوي".
وقال محيى على: "اقسم بالله اكشاك الفتاوى دى ماحتفيد مسلم واحد الا العمم اللى بتديرة حايقبضو بدل كشك - عيب هو اى حد تطق فكرة ينفذها حتى لو مهينة هو فية اية؟".
وأضافت حنون @Haneen__Mohamed: "جاءتنا فتوى من كشك الفتاوى بتحريم عدم وضع مزيل العرق قبل استخدام وسيلة مواصلات مترو الانفاق جزانا وإياكم الخير".
وكتب M.shanah: "متخيل نفسي وأنا معدي على كشك الفتاوى.. اقوله ماعندكش فتوتين فرط يا عمنا".
وقال Mohammed Saeed:"ونظرا لكثرة الطلب علي الفتاوي هيفتحوا كشك للفتوي في محطة المترو وبيشتغل ورديتين حتي الثامنة مساء لتلبية الطلب المتزايد ولو نجحت التجربة هيعمموها في كل المحطات".
