نرحّب بجميع محبي الشعر في صفحتهم ملفى القصيد، ستجدون بإذن الله التنوّع في الطرح
وحرصنا على رسمكم أجمل اللوحات الشعرية والتي تمنح الجمال لملفاكم.. ملفى القصيد.
لمراسلة الصفحة: mohdalmanna3i@gmail.com
تابعوا مجموعة ملفى القصيد على موقع facebook بادخال عبارة «ملفى القصيد» بمحرك البحث في الموقع ، وعلى twitter:
شهر حب
الشاعر القدير / راشد شرار
رْمضان اقبل علينا وامتلا هالكون نور
وفرحة المسلم كبيره كل ما هل ارمضان
شهر حب وشهر جود وغير عن كل الشهور
نزل القران فيه بأمر ربٍ مستعان
هو شهر من كل عامٍ يلفي مْحمّل سرور
فيه خيرٍ للشعوب وللزمان وللمكان
نزل القران فيه وصار منهاج العصور
فيه للمسلم مناهج فيه من سحر البيان
وليلة القدر العظيمة لي بها أسمى الشعو
يحلم بها كل مسلم .. فضل ربٍ مستعان
نقيب .. المحبة !
الشاعر / ناجي حليس الضيفلي
نقيب المحبة بو نجوم على الكتفين
ودورات ضابط منحته جات جوية
سجني بزنزانه صغيرة لها حرفين
وشل الحروف الباقية في مخابية
ومن ذاك لا ذلحين مسجون لي عامين
دموعي تسجل كل يومين برقية
وحاكم علي ظالم مجازى بعشر سنين
ولاعند ناجي له ملفات امنيه
وبشكية للقاضي وبشكيه لهل الدين
وبدعي علية اللي رفع سبع مبنيه
دعاء لطف يالله لاتصيبه بعوق شين
وعسا تلهمه يارب بالقلب حنيه
ورأفه بحال ترتجي منه عطف ولين
خيوط العناكب داخل السجن مطوية
لها مدة ماشافت النور يوم يبين
وعبير الصباح اللي تنفس امانيه
مسيطرعليها حب باراك في لينين
وماركس ميت بس عنده صلاحية.
شيوعيته تلعب على الرأس ماليين
حطام العظام أصبح دراسات علمية
ولكن أنا مسلم يصلي يقول آمين
وراء شيخ هلت عينه الدمع عصرية
بكا ماشكا من هم دنيا ولامن دين
تلوب الذنوب اللي لها أعوام منسية
دعاء مبتهل لله وهو رافع اليدين
عسا فتنة الدنيا بذا العام منهية
وساع اكتشفت اني طليق معافى زين
وعامين عدت في معاناة وهمية
ندمت وسئمت وهل دمعي من العينين
الين ارتوى نبت النفل دمع عينيه
وايقنت باني ساجن الروح في حرفين
بلا ثم ( لا ) واللا رسالة نهائية
وراجعت ماضي حب هتلر لملك الصين
ومأساة حبه خالفت واقع النية
حسافة على ماراح ياناجي المسكين
تجمع فتات الروح في قاع صينية
توكل وخذ روحك وسرلك مع الماشين
وغني مع فيروز عن الحب غنية
وتحزم بصبر يدمح الحب والغالين
عسا ياعسا تنسى زعيم النجومية
حقك علي
الشاعر / طاهر علي الشطف
خيبت ضنّك أنا أسف وحقك علي
ماكان قصدي غلاتي والله الا الضروف
كسر الخواطر صعيبه بس لا تزعلي
هذا أنا عاقبيني صفح والا كفوف
ما يقدر القلب تزعيلك جعل لك ولي
رضا من الله وحباً فاق كل الوصوف
وأعوضك في الكبيرات امري وازهلي
عند الضروره تلاقيني وعينك تشوف
طلبت بسمة رضا يا علّها تنجلي
صديت واقفيت وادميت الفؤاد الشغوف
واتبدلت بسمتي عبره من أغلا هلي
وفي عيوني غشاوه مثل وقت الخسوف
ماتدري اني بنار الشوق أغلي غلي
والقلب يخفق لشوفك مثل خفق الدفوف
الصبر يا الغاليه أرجوك لا تعجلي
أنا رهينك وتحت أمرك مذله وخوف
مطيع خاضع ومتواضع وهل يعقلي
ازعلك وانتي الجنه وكل الوصوف
والعفو ثم السموحه بس لا تزعلي
ياجنتي لأجل عينك جئت احدى الضروف
علاّم سر الغيوب !
الشاعر / محمد ابن مدعث
لا ضاق صدرك و ضاقت فيك كل الدروب
و لجئت لاقرب صديق ولا لقيت طلبك
ارفع يدينك لمن تحته تخر الشعوب
و من قبل تشكي و هو عنده خبر بسببك
الواحد المعتلي علام سر الغيوب
الرافع الخافض اللي من عدمك وهبك
وافتح ملفات عمرك و اعترف بالذنوب
واحسب خطاياك دام ان الزمن ما احسبك
وابشر بطيبة حياة و طول بالٍ طروب
وان ضاق خلقك من ظروف الزمان نهبك
يالادمي دام عمرك في الحياة محسوب
وش لك بتجديد ساملها و كد تعبك
كل عام نتلو الذكر
الشاعر / علي الاشول الدهمي
كل عام وأحنا نتلوا الذكرترتيل
ونشكر عظيم الشأن معبود الأجيال
ذكر وعباده نترك القال والقيل
ونحفظ لحوم الخلق من غيبة الضال
ونترك مجالس مابها غير تضليل
فسق وضياع مصاحبة كل دجال
ونمسك بحبل الله أقوى المواصيل
ونقيم شرع الله في كل ماقال
والأمر بالمعروف محكم وتنزيل
وننهى عن المنكر قبل يوم الأهوال
من صام للرحمن يبشر بتفضيل
في جنة الفردوس له ظل وإظلال
يدخل من الريان باب التساهيل
بروضة الأبرار له خير منزال
فيهاثمر مقطوف داني بتذليل
بأمر الصمد مايطلبه جاه فالحال
جنات عدن مشكله خير تشكيل
وأنهارها عذبه مصفاه وإزلال
فيها العسل والشهد والكوثر يسيل
ونهر اللبن يجري بها انواع واشكال
وقصورتبنى من ذهب للمنازيل
والحورفيها حسنهن يشرح البال
أبكار عين خدودهن كالقناديل
أستغفر الله مالهن وصف وأمثال
الله يجعلنا مع أهل المقاييل
نسكن بجنه جعلها دار وإحلال
هذا كتابي كاتبه بالتفاصيل
وأرجو السموحه لانقص هرجي أو طال
والختم صلى الله ختام المراسيل
على النبي المختار والصحب والآل
لحظة .. تفاؤل !
الشاعر / بطي الحبابي
بديع صنع الحكيم الآمر الناهي
منظر يخلي حمام الصبح يصدح به
الغيم غطا السما في منظرٍ زاهي
والجو ياخذ نسيم الصبح من سحبه
و كلمة صباح المطر من خاطرٍ راهي
يا حلوها من صدور أصحابك الرحبه
ما فيه شيٍ يفوق المنظر الباهي
يا كود وجهٍ على الريق آتصبّح به
و كلمة صباح الغلا مع مدة الشاهي
و بسمة خجل والكلام الذرب يمزح به
ياهي جميله و ياهي روعه و ياهي
لحظة تفاؤل تشاؤمها قضى نحبه
لا صار تملك صحيبٍ ما له أشباهي
يغنيك في ذا الزمن عن باقي الصحبه
وانا بعد طاعة الله ماني بلاهي
عن طاعته ملكي آخر بيت أصرّح به
ثنتين هي راس مالي وجهي و جاهي
الوقت لو ميّل الثنتين ترجح به
