نرحّب بجميع محبي الشعر في صفحتهم ملفى القصيد، ستجدون بإذن الله التنوّع في الطرح وحرصنا على رسمكم أجمل اللوحات الشعرية والتي تمنح الجمال لملفاكم.. ملفى القصيد. لمراسلة الصفحة: mohdalmanna3i@gmail.com تابعوا مجموعة ملفى القصيد على موقع facebook بادخال عبارة «ملفى القصيد» بمحرك البحث في الموقع ، وعلى twitter: malfaelge9eed@ * محاورة شعرية مساجلة إبداعية بين الشاعر القدير راشد شرار والشاعر الشاب مصبح بن محمد ، ننقلها لكم هنا .. بو سعود ما بين الاسامي لمحتك يا حيّه اسمك بين كل الاسامي انت الذي مهما ،، ومهما مدحتك يا سيّدي تبقى عن المدح سامي ? ? ? ? يالعز لو بأعلام عزّك جمعتك ماأظن يرقى كل علم في مرامي إلا مع بوسعود بإسمه رفعتك وأدعي عسى ويّاه يعلى مقامي ? ? ? ? تدري عرفت الشعر ساعة عرفتك لأن الشعر وظـّفني عندك محامي انت الذي تامر وفالقلب ضفتك قاضي بحكمك ع القصايد وحامي ? ? ? ? قل للشعر بأعداد ماني نشرتك اني وصلت أهديك كل إحترامي وبعد التحية هل بشعري حشرتك من وقت نومك بلـّغ اني حرامي ؟؟ ? ? ? ? يا رب يا رحمن يـيت وطلبتك انْ يوصله بوسعود باقي سلامي وان تحفظه يالله ساعة سألتك وعقب الدعاء للشعر موعد ختامي مصبّح بن محمد وأقول يا مصبّح انا من عرفتك أخذت بأبياتـك كبير إهتمامي بالطيب والمعنى اذا انا وصفتك هذاك حق ولا أزوّر كلامي ? ? ? ? اكبر شرف لي يوم إني أكتشفتك وسعد البخت جابك بلحظه أمامي كنـّـك ثمار الخير وأنا قطفتك شاعر فهيم ومستقيم ونظامي ? ? ? ? ان كان شفت اني بودي نصحتك حيّاك قرّب لك مقام بـْمقامي لو ما أنا في الشعر بالعين شفتك شاعر مهذّب ما بلغت اهتمامي ? ? ? ? في قائمة الإبداع بيدي كتبتك شاعر وشعرك بأعمق الشعر نامي أرجوك تعذرني وتراني عذرتك في الوقت هذا حان موعد منامي ? ? ? ? ما دمت فاهمني وانا اللي فهمتك أبلغك مني جزيل احترامي حط المخده واغتنم طيب وقتك اهجع وانا خلني أصارع ظلامي راشد شرار * غياب وبعاد نوف المالكي والغياب الذي بنى هذه القصيدة الجميلة... نترككم معها .. الشاعرة / نوف المالكي بتغيب عادي كمّل غياب و بعاد الظاهر انك شايف(ن) مني عنا و الله ما تخسر خفوقك باعتياد ترى خفوقك ما خسر إلّا أنا ماعاد عندك لا دواء و لا ضماد أو من يداوي علّتك سعد وهنا ياللي تبختر بالجفا مالمستفاد؟ مردّ قلبك يندم اللي ينجنا إن الجفا كلّه غياب و إفتقاد وان الجفا كلّه حطام اللي بنا و فراقنا والله فلا منّه مفاد و راحت اعوام(ن) وحبي لك فنا إلى متى والقلب ماله أي سناد إلى متى والقلب فاقد حبّنا ياللي غيابك ليلته سهر و وهاد أتعبت من حبِّك و قَرَّب بعدنا أصبح على دلّة بلا بُنُّ و قناد واصبح على صبح(ن) يهدّم له منا ياصاحبي وفراقنا ليس اعتقاد فان الخسارة للذي هيّض لنا جفا يورّد له غياب و إبتعاد عاد النهاية ما خسرت الّا أنا ! * يسمح الوقت ! الشاعر / نايف الحزيمي يا طير لاضاقت بك الارض تقدر تطير لـ الديره اللي تبا والضيق ! ما تعشقه مانت بسواتي ليامن ضقت غيرك وغير ادون هموم : قلبي . . كلها ، ف ورقه الحلم عهدي بحلمي يوم عمري صغير و كبرت و الي تمنيته . . عجزت الحقه ولا شك انا راضيً بـ الي كتبه المصير ( الحظ ماطاب لي و الوقت ماهو ثقه ) والوقت ياصاحبي مثل الرحا المستدير بدايته : ( ريفه ) .. ونهايته : ( ملحقه ) وماحر من جور وقتك غير حر الهجير اللي معرض .. عباد الله على المشنقه و حلم الغني راحته لكن خذاها الفقير الي دعا ، بالغناه . . ان الولي يرزقه لو يسمح الوقت مير الوقت مافيه خير كلن يبدل : رفيقه . . لجل : ما يسرقه وياصاحبي في حقوق الادمي مانغير لاكن طيع الولي . . واستغفره و اتقه حنا نشيل الحمول ، و مايشيل البعير اصبر واذا فيك خير .. الي اذوقه ذقه وانكان ماجبت الاول وش تبي فالاخير ترا القوي ! لاعزم بالصبر شي لحقه * بيع بخساره ..! من الملكة العربية السعودية تشارك معنا الشاعرة المتألقة بهذه القصيدة الرائعة .. الشاعر / فيض المشاعر مـر بحياتي ناس وفقدت لي نـاس وراحت سنـين العمر بيع بخـساره أقضي حياتـي بين ضيقه وهوجاس تاره أجـر الصـوت … واانـوح تاره أكتب شعر :وانظم قصيدي بقرطاس شـيٍ أحســه يشـعل الجــوف نـاره مير البلا لاطاحت الفاس بـ الرأس ماينــفع المديون … عــفو الامـاره مليت أمني النفس لا بـاس لابـاس يـا لايـمي مـاذقت طعــم المـراره فيـما مضى قـد قالو الناس أجناس وأجنـاس : خلتـني بكيـت بحــراره ونـاسٍ تغـنيلك … بطبـله ومـرواس واليا خلصت تحذفك حذف الزقاره ونـاسٍ تذوق الـمر كـأس ورا كأس كله مـن أفـكار البشــر وانحـداره ونـاسٍ عطـاها الله قصورٍ وحراس تطـلب يجيـها لـو تـلوح : بـ أشـاره وناس عفيفه تمشي تباري الساس واشخاص باعوها … وفازو بجداره !! ونـاسٍ تطـارد بيـن جاوه ومـكناس ضـاعت حيــاته وانتهت ياخـساره وديـره بــلا نــاسٍ فلا عـاد تـنداس هــاذي حياتــي عــشتها وبعـساره تعبـت إداري هـا العـباير والانفاس وافكـر بعمــري… واحــدد مسـاره إقــدار مـن ربــي عطـايا بمـقياس كلـــه بـدبـــره واحـــدٍ واختـــيـاره ** تويتريات.. شعرية @abdullaalmrhi قي خاطري شي يسعدني ولا يمنعش ما ردني منه الا الخوف لا تزعلين ‏ ‏ ‏ ? ? ? ? ? ? ? ? ? ? تهوري واكشفي لي شي من برقعش الى متاني وانا قلبي على اللي تبين!! عبدالله بن مرهي @alamany2008 مثل ما أحبك أبيك تحبني ‏غار واشتاق وتعلق بي واسهر ‏ ‏ ‏ ? ? ? ? ? ? ? ? ? ? ‏ولا طلبتك لا ما ابيك تردني ‏قلي آمر قلي تم وقلي ابشر الشاعرة / الأماني @Homoodjlwy الحب ما هو حرام قلوب تهوى قلوب والواحد إليا عشق وعزوبي إنزوجــه ‏ ‏ ‏ ? ? ? ? ? ? ? ? ? ? بس البلا لا غـــدا وضع الغلا مقلوب مــتزوج وطاح له في حب مـــتزوجه ! حمود جلوي