نرحّب بجميع محبي الشعر في صفحتهم ملفى القصيد، ستجدون بإذن الله التنوّع في الطرح وحرصنا على رسمكم أجمل اللوحات الشعرية والتي تمنح الجمال لملفاكم.. ملفى القصيد. لمراسلة الصفحة: mohdalmanna3i@gmail.com تابعوا مجموعة ملفى القصيد على موقع facebook بادخال عبارة «ملفى القصيد» بمحرك البحث في الموقع ، وعلى twitter: malfaelge9eed@ * تويتريات.. شعرية @hamedzaidq8 الضعف ما اطيقه ولا اطيق طاريه ‏‏والدمع مايــرقا.. ولا ينرقا بــه ‏ ‏ ? ? ? ? ? ? ? ? ? ? ‏لي صار بعدي عن رفيقي بيرضيه ‏‏نذرٍ علي اني فلا اطـــق بابـه حامد زيد @mbfalmarri غرك جمالك يا خسارة حلاتك،، ‏ما تدري ان ماغير طبعك يحليك.. ‏ ? ? ? ? ? ? ? ? ? ? ‏بـتقول زينك يشفع لسيئاتك !؟ ‏الحسن ماهو عن وفا الحب يعفيك.. محمد بن فطيس @ahmedbinm3lay مالي مع أهل النميمه مكاني جنبتها من طيب ساسي وذوقي ‏ ? ? ? ? ? ? ? ? ? ? أشوم عن درب الخنى والطماني و أدي حقوق الناس واخذ حقوقي أحمد بن معلاي @ShabeebArar من كثر ماصادفت فالعالم أجناس عرفت من بحر الحكم والتجارب ‏ ? ? ? ? ? ? ? ? ? ? ناسٍ لها بالمرجله فعلٍ وساس وناسٍ فقط تصنيف لحيه وشارب شبيب بن عرار * ما سمح قلبي الشاعر المرحوم / محمد عبدالوهاب الفيحاني ماسمح قلبي يروح ولا يرى زول محبوبه ولو هو من بعيد اه واويلاه ياليته درى كيف حبه في حشا روحي يزيد او درى اني منه قد حالي برى ذايب بالي عقب ماهو حديد وان من الابعاد موحي المقبرى يحفرونه لي وموقن بالوعيد يا لزيمي قول للي يحفرا يوسع الملحد علشان اللحيد ويحجز بيني ومابين الثرى عن عظام ناحلات كالجريد وانت يادفان ياللي تقبرا يامهيل الترب بالسرعه مجيد يعرفون القبر من جا ينظرا يعرفونه قبر مذبوح الوديد قبر من صان الموده واسترا قبر من لاخان عهد للعهيد من صبر للحب حتى بترا زرع قلبه واودعه حب حصيد تم عامين بجوفي ينسرا نسر ملهوف الضواري في المصيد كود ليمن جاه علمي يذكرا وانعتوا قبري لمعلوقي وكيد ياتي لقبري ويذكر ماجرى يوم انا وياه في الدنيا عضيد ويترحم بالدعا ليمن قرا يوم خلاني وسط قبري وحيد وان سمح بالدمع ودي ينثرا فوق قبري عبرة مثل الوليد اه منه لين صد ودبرا رايح عني وخلاني فريد كيف قلبه ساعته ثم اصيرا كيف رجله له مشت فوق الصعيد والذي هو غادي دونه ذرا فدوة عن كل من جاله ضديد كيف اجل لو مات وانا ارى كان طريت السلب طر عنيد واحترقت وكان قلبي قد ورى شب نار كنها نار الوعيد تحتطم وسط الضمير وتسعرا مايبردها لو الثلج الجميد ثم تلقاني على روس الذرى نايح مع كل قمري يشيد لين غرد طال نوحي واطهرا وان هجع جريت انا نوحي سهيد وانهمل وانهل دمعي وامطرا مقلتين العين وادعاها هميد ماهقا اني عقب موته في الورى عايش الا وانا مثله فقيد * الطير ! الشاعر / راشد جليميد الطير لو لا هدته ماشريناه ‏ مالي بزينة كان ما هوب صايد ‏ أبغيه لامني حذفته مخالاه ‏ يلحق وصيده باالمخالا عوايد لاختلفوا احدٍ شاف والثاني أخفاه ‏ وصار الهدد للغير مآبه فوايد صوت المواتر والهرن كل موحاه ‏ قام يتفرع للهدد والمصايد هو كنه ينخا ني وانا كنّي انخاه ‏ سبقه علومه ماضيات وجدايد ‏ القاع وعره بين وادي ومجراه ‏ والخرب محدٍ يثبته باالوكايد وناديت خلوها لهذا وشرواه ‏ اللي ينومسني نهار الوعايد ‏ وشلته من يميني ولا به مداراه ‏ وخذيت عنه وقلت يا بالعوايد يا لله يالليّ كل خلقه ترجاه ‏ بأمرك يبكّر للوسامي قلايد ‏ انك تعينه في لحوقه وتاقاه ‏ طيري ولكن من وساع البنا يد ومني طياره ركز ما شفت حلياه ‏ يعجبك في وقت الرخا والشدايد ‏ يصعد صعود وكنه دلوٍ مدلاه ‏ يلحق سما وللي على الأرض بايد ضّيع نواياها بصامل نواياه ‏ رقا وصار الغيم دونه بدايد ‏ وبانت عقب ماهي ورى الغيم مخفاه ‏ الرايده جاها من الجو رايد عز الله ان مثله طروقه مخلاه ‏ وزينٍ بليا فعل ماهوب فايد ‏ وان جاك يجمع كل شئٍ تمناه ‏ من غير زينه مال صيده شرايد هذا هو اللي كل صّقار يبغاه ‏ اللي عن دروب الولع مايحايد ‏ والطير لولا هدته ماشريناه ‏ زينه لحاله مايجي به فوايد * تشويش ! الشاعر / ياسين الشميري برمجت أفكار القصيدة ... بتشويــش واحس تبكي ... وسـط الأضلاع طفله عثرت حظوظ وحــال خايب وتطنيش وجذوع يبّس ... ترفع اغصــــــان ذبّله والهمّ قصرٍ ... والحــزن سور تحويش والضيم يقرع في حشا الجوف طبلــه وجدار قلبي ... حاصلٍ فيــــه تخديش جور الزمان ... اللــي بعد ما نصف له بعض البشر .. لا ساعدك ما يقل ليش طبعه كريم ... وطيب أصله .. وفصله وبعض البشر لا ساعدك قال بخشيش حتى ولو ساعدك ... بأمــــــور سهله وإلا الردئ ... طيرٍ جناحــــه بلا ريش الجاذبية .... لاعنــــــــه ... فيه شكله إمن السعف .. نصنع حصير ومفاريش أمّا الحقيقة ... بـــارزٍ فيــــه ... نصله وما كل من له ... أرجلٍ قـــال بيعيش ما يمشي الكرسي علـى طرف رجله وما تخضع الرجـــال هي لقمة العيش يا بخت منهـــو ... صافيا ... كان دخله يا صاحبي ... مُر الزمن .. فيه تكريش وقرص العسل معـــدوم لو مات نحله وادماني اللي لك تـرى موب تحشيش ولا تفتكرنــــي فيك ... مجنــون وابله وإلا حبيبك ... لو بغاهــــــا على ويش والله محدٍ ... قُدم عيينه ... وقف لــه