mohdalmanna3i@gmail.com تابعوا مجموعة ملفى القصيد على موقع facebook بادخال عبارة "ملفى القصيد" بمحرك البحث في الموقع نرحّب بجميع محبي الشعر في صفحتهم ملفى القصيد ، ستجدون باذن الله التنوّع في الطرح ، وحرصنا على رسمكم اجمل اللوحات الشعرية ، والتي تمنح الجمال لملفاكم .. ملفى القصيد. منقشة الكفوف الشاعر / عبدالكريم جدوع الشراري تعالي يامنقشة الكفوف ولا عليك قصور أنا قلبي تعب يصبر .. أحسه مات ماهو حي توارى نور وجناتك .. فـ ليله كلها ديجور وانا رحت أتبع دروبك .. واقدي ناظري بـ ايدي على غفله رحلتي ما تركتيها تجي بالدور عشان اشوف لي درباً .. نهاياته براد وفي يا أم عيون خدريه .. وثغر يشع منه نور !! أنا تطويني الوحشه لشوفك والمعانق طي أذا جيت أوْصف غيابك يطيح الدمع دون شعور !! على حالي وانا حالي .. تفتفت له جمود الطي لك الله بعد ماغبتي .. وكملت العمر مكسور عرفت انه كذب قولة ( مصير الحي يلقى الحي ) تعبت ارقب سما حلمي .. أدور من يمد الشور !! وصدراً يشكي غيابك أظنه مانسى لك شي اجل .. ليه الغياب اللي قتل حلمي وانا مسرور وانا مديت لك كفً عطاها لك مهو بشوي انا صبري وصل حده معاك ولا بقي مقدور ياكم حاولت اجيبك لكن اوضاعك ( مثل ما هي ) ماقول الا عسى ربي .. يحفظك عن رفيق الزور ويحفظ باقي ايامك .. عن صدوف الزمان السي واذا ضاقت بك الدنيا وخطواتك لحقها عثور !! تعالي .. عادني لك عن غياهيب الليالي ضي نفس .. المصير الشاعر / مشعل بن عنان البصير اللي عمى قلبه ياشبهه للضرير يعجل الخطوه على رزقه ويسبقه الأجل والضرير اللي بعقله يازن افعاله بصير ينصح أصحابه وقلبه من ذكر ربه ؤجل كل معنى للحياه يموت لا مات الضمير وكل بسمه طاهره تبقى وراوجه الخجل ياطويل العمر لاتفرح ترى عمرك قصير دورة الأيام عجله وانت من خلقك عجل الخًطى متشابهه ودروبنا نفس المصير دنيةٍ ماهي تورث لا حفيد ولا نجل يعمه الانسان فالدنيا وله ربً بصير والله اللي يدرك الابصاريه عز وجل ضحية احساس الشاعر / وليد العبدالله في زحمة الأقدار شفته ! قبالي هيّض جروحٍ ساكنة يوم شفته تمسك يمينه طفلته بالحلالي ويهلّ دمعه من غلاته لمرته من شافني قال انقذي قلب غالي قلبي فدا للي لها الدمع سحته قلت ابشر ابشر والغلا لا يزالي داخل حنايا الصدر رسمه ونحته وادخلت مرته من غلاته وحالي يبكي على حالي ودمعي ذرفته والناس تسأل منهو سيد الرجالي وأقول من ذلي وضعفي أنا اخته أزفر وأشهق والحمولة ثقالي من جور ما بي متّ والهم صحته امسكت بنته والشبه راس مالي ودي أبوّس بالغلا خدّ بنته جاني وهو يضحك وصدره شمالي ايقول جاني طفْل مثلك ،، وبسته قلت اسكت اسكت والألم صاح عالي وشلون هان الحب وشلون اهنته تسرح وتمرح والصدر دوني سالي وانا على جمر القهر ما نزحته ابكي وانوح العمر طول الليالي قلي وش اللي في صميمي طرحته ضيعتني ما بين روحي وتعالي ما فيه بابٍ للأمل ما طرقته ضاعت سنيني اتبعك في خيالي والكذب واضح وسط عيني لمحته ضحيت بإحساسي بسبّة هبالي ودي تشوف احساسي اللي جرحته يا كيف جالك هالقسا والتعالي اعدمت قلبي بالجفا واستبحته روح ابتعد عني وشدّ الرحالي ما فيه شيءٍ في العمر ما خسرته أم .. الخلاخيل الشاعر / فيصل الرشيدي الله من قلب لفته الغرابيل بأسباب منهو بالمحبة تغلا امن اول وياه ضحك وتعاليل ومشروبنا سكر وفنجال د? ماغير انا وياه ونسامر اليل وليا نطق نطقه عسل مايملا ودار الزمن بيني مع ام الخلاخيل وصبحت في جوال معه اتسلا وحاولت في قربه وشفت البهاذيل وامسيت كني عن حبيبي مجلا واليوم يالمندوب روح بمنديل للي على وكر الرجوله تعلا ياعياده ابن شعيل نسل الرجاجيل فيصل ترا بالوضع ملزمك حلا ليل .. السهارى الشاعر / خالد القصيّري من قبل ليل السهارى يُرخي سُدُوله والكون اشعّة غروب الشمس يرسلها شايف عيون السماء بالغيم مكحولة وعيوني الشوق والاحساس كاحلها معشوقتي والغلا له صولة وجولة وطيوفك الغيم ينقضها ويفتلها اوصافك الفارقة ماهي ب معقولة اموت في صعبها واموت فاسهلها يا وردة الماء ربيع العُمر وفصوله واحلى سنين الغرام العذب واوّلها شفاه الايام من طلّتك معسولة وابواب الاحزان في بسمتك تقفلها ووجيه الاحلام من لمستك مغسولة وانفاس الامال تحييها وتقتلها عاشق قبل يلتقيك الشعر ما يقوله واليوم شاعر حروفه فيك ما اجملها موهوب ما قال لك بيتين مقيُولة دوزن حروفه على صوتك ورتّلها جمالك السرّ فابداعه وفي قوله يعسف لك المستحيلة قبل يُوصلها لا شافك من الوله ما كنّ احد حوله كنّ السّعادة على كفّيه شايلها ان كان للزين دولة فانتي الدولة وان كان للعُمر رحلة فانتي اجملها قـصـه ! الشاعر / أحمد بن سارح للحلم نبرة حنين وللسهر قصّه اجمل تفاصيلها بالصبح ننساها البارحه راح من ليل الشقى نصّه ابحث عن الذات في وجهه ولا القاها يابنت الابطال يااخت الحزن ياحصّه اقدارنا بــ انفس الايمان نرضاها ودي ابوح بحروفي واشعر بغصّه مايدرك اللي سلى خاطرْه فحواها ليت السنين اوقفت في مبتدا الحصّه ولا حفظت الدروس ومرّ مغزاها من خاتم العمر طاح بغفلتي فصّه وسوارتك شوهت الايام معناها ياحلمنا اللي تسلل خلفنا لصّه في ساعةٍ ماتزل القوس مرماها مهما جيوش الندم بالصدر مرتصّه باقي لنا فرصةٍ مابعْد اخذناها ياليل ظلمك علي باللي تبي وصّه وصّاة اخوها لها من يوم وصّاها هذا الظلام الكئيب الحالك اش خصّه يستفرس نفوس شروانا ويبلاها مايدري ان الصبر لو طال يمتصّه واما طوتنا يد الغاره طويناها مادام باقي نفَس والخالق اختصّه باسراره اللي سكن بالروح مبداها ابختصر لك امل فيما يلي نصّه شمعتك هذي بعدنا ماضويناها الدروب الخوالي الشاعر / جطلي بن فهد آل سفران العجمي ليل الحزين يصير عنده ليالي ياطوله بعينه لو الوقت يجري ويازين ممشىَ فالدروب الخوالي يلقابها مكسور الايام جبري لاضاق من غالي وايلا حس غالي وماعنده لشرهين ماصار عذري ويازين طاري نوف يومه طرالي في هجعة النيام ماهوب بدري الجادل اللي ماتعدت خيالي ودايم طواريها على البال تطري ولا مر طاريها وجاله مجالي غنيت دون شعور ماهوب بصري وأشغلت فكري في هواها وبالي وجددت ذكرى حبٍ ايقيم صدري مافيه شوفة زول ولا اتصالي عن هرجة الهراج حشّمت قدري ومافيه لا هجرٍ ولا به وصالي وان قيل لي وشلون بقول مدري حبٍ شريف وفيه كلش محالي لا الناس تدريبيه ولا نوف تدري