نرحّب بجميع محبي الشعر في صفحتهم ملفى القصيد، ستجدون بإذن الله التنوّع في الطرح وحرصنا على رسمكم أجمل اللوحات الشعرية والتي تمنح الجمال لملفاكم.. ملفى القصيد. إعداد: محمد راشد المناعي لمراسلة الصفحة: mohdalmanna3i@gmail.com تابعوا مجموعة ملفى القصيد على موقع facebook بادخال عبارة «ملفى القصيد» بمحرك البحث في الموقع ، وعلى twitter: malfaelge9eed@
جبرك الزمان

الشاعر / عايض بن غيده
نصيحة وعتب بأسلوب شعري جميل من الشاعر الجزل عايض بن غيده القحطاني ..
انا يا رفيقي والله اني على باديك
واذا باح سدك سدي موثقً ما باح
تعاليت فالعالي وانا ماعرفت أدعيك
وقضيت الوصال أصيح للغافلين صياح
تحمل كلامي واستمع لي وانا احاكيك
ابمطر معك دام المشاريه برقً لاح
بلومك وألحقك العتب لا قصرت ايديك
\على شان لو إني مكانك بسطت الراح
لو إني لقيتك طايحً بين ذاك وذيك
رفعتك وقمت بعز ما كن شيً طاح
على مسلكً فيه الردى مالله بحاديك
حياة الرجال مسابقه والجميل اكفاح
غيت اتّردى والردى ما خبرته فيك
جبرك الزمان اللي لعب بك وهو مرتاح
تجمل ترى لا فاتك العز ما يمديك
وتخير مابين الباب والقفل والمفتاح

لا زل الرجل
الشاعر / بطي الححبابي
أبيات من الحكمة تخط بماء الذهب للشاعر المبدع بطي الحبابي ..
ألا واعذابي كل مادقني هوجاس
هواجيس فكري خلت النفس محتاره
معي ماتفارق في وقوفي وفالمجلاس
تصدر ويارد غيرها عقب مصداره
وانا همي أبقى في زماني رفيع الراس
مايشمت علي ناسٍ على القبر حفّاره
أحاسب خطى رجلي قبل دربها ينداس
وأداري لازل وناقدي يلفت أنظاره
ولا أسلا وابن عمي علي خاطره محتاس
أداري شعوره واعتذر وأقبل أعذاره
ولا أشذب قفا الغايب ولا أكذب على الجلاس
وجاري مالد الشوف له واكشف أجداره
وأحب الخلا وارتاح لاذعذع النسناس
ولا أخاوي إلا فالمية واحد أختاره
خويٍّ ينومسني ليا دقت الأجراس
على كل علمٍ غانمٍ طالت أشباره
ترى الربح بين أهل الوفا تكسب النوماس
ماهو مكسب التاجر رياله وديناره
يقولون  لا زل  الرجل  مرةٍ  لا باس
وأنا أقول لازل الرجل قل مقداره
أنا اشره على الطيب ولو هو من أقصى الناس
ليا أخطى طريقه ثم تعمّد لتكراره
يفرّح  عليه النذل واللاش والبلاس
حداهم لو انه يضحك السم بافكاره
ترى الله خلق والله  فرق والرجال أجناس
وحتى يمين الرجل ماتشبه يساره
ومن لا يحط بخاطره للعلوم قياس
ليا سلم تارة  ما سلم تاره وتاره
عسى كل طيب يسلم الشر والأتعاس
ونفسه من الصكات في وقته مجاره
سلامي على اللي  بان  فالموقف  الحساس
ولو إني ما عرفه  زين تعجبني أخباره
وعلم الحيا  لابد  ياتي  معا  العساس
ومن جاب علم ٍ زين يستاهل بشاره
ولا ينبني  بيت  جداره  ضعيف  الساس
ولا كل رامي لا رمى يطرح الشاره
ولاصرت  متعافي  تعوّذ   من   الوسواس
ترا النفس مهما كان بالسّوْ أمّارة

سليمان والنمله
الشاعر / أحمد بن سارح
يهب الكلام ويكسر الصمت لين نقول ..
كلامٍ يهز الروح جمله ورى جمله ..
وانا شاعرٍ لا من حكى ينبش المجهول ..
الين السما تقراه ياشاعر العمله ..
توخى الحذر ياصاحبي وانقض المفتول ..
ودور لبيتٍ يطرب اسماعنا وامله ..
على ساحةٍ نصفٍ رعاعٍ ونصف خبول ..
يحطون ساس الراس في غبة الرمله ..
ترى السمع عن مايدبل كبودنا مشغول ..
لو ان القصايد تنزل السوق بالجمله ..
نوخّر من المنقول ونطيح في مقيول ..
وماعاد فينا من يهيجن على زمله ..
أقلك تعال نغيّر العلم قبل يطول ..
ورانا زمانٍ يتعب كتوفنا حمله ..
وجيه العرب متواريه والملك مذهول ..
يدوّر لـ امل في مجتمع ما اجتمع شمله ..
تناموا على غفلة رثاء منخر ابوالهول ..
الين احسبوا بالهول يرثى على عَمله ..
عن الناس وقبور الضحايا من المسؤول ..
رجالٍ صحاح اجساد وعقولها ثمله ..
مواكب تحف بواحدٍ ضايعٍ مخذول ..
قلوب الاوادم  من عمايله محتمله ..
وجعنا من اول حول فينا وحال الحول ..
مهو من نهار اليوم لو مادرى كم له ..
سلاح الرجال مولّم وزندها مفتول ..
تحزّم ولاتدري لمن هو تحزّم له ..
يقولون حرب ولا سمعنا لقرع طبول ..
وعشنا زمان الذل من قلة الصمله ..
وش يقول من يمشي على سكته معدول ..
ويلقى اقرب الاقراب بالغدر لغم له ..
رمينا الحجر في بركة شربها معسول ..
ومن كثر ماينبت حوالينها غمله ..
عسانا نحرك شي فالواقع المقتول ..
ولحدٍ يقول الروس ماهي بمكتمله ..
سليمان بن داوود ماقال انا مرسول ..
توقّف بجيش الله من كلمة النمله ..!!

ذاك القمر
الشاعر / راشد شرار
اسألوا لبنان عن ذاك القمر ..
لي نزل في ارضها هذا الصباح ..
هو بشر لكن يفند مالبشر ..
في عيوني فاق عن كل الملاح ..
رقّته آرق من فوع الزهر ..
دون لا يُلْمَس بعطر الطيب فاح ..
منك يا لبنان انا ميّت قهر ..
ناوي انّك تحرِم عْيوني الصباح ..
ويش أسوي دام هو حب السفر ..
خذ فوادي بين كفّينه وراح ..
راح عنّي وخلّف لعيني السهر ..
والزوايا تطعن القلب بْرماح ..
صالتي مثلي تعاني مالضجر ..
كل ركنٍ مثلي ايجر النواح ..
يا مسافر لا توردني الخطر ..
يكفي ان البعد سبب لي جراح ..
لا تطوّل خوف يكسرني الدهر ..
انا طير وما أعيش إِبلا جناح ..
انت جنحاني وارددها ابفخر ..
بك احلِق في الصباح وفي الرواح ..

تجارب

الشاعر / حمد الدليهي
خـذيـت مـن سـيـرة حـيـاتـي تجـارب
حطيـت في بنـك التجـارب لي حسـاب
مـا بيـن هجـمـه واستـراحـة محـارب
فتحـت باب اصحـاب واغلقت لـي بـاب
و الـوقـت مـاخـذ فيـه سـدد وقـارب
صمتـي كـلام وعـارف الـوقـت غـلاب
يـصيـر زيــن احيـان و احيـان خـارب
والناس تكشفـها المواقـف والاسبـاب
اصبح مقـام الـوجـه فـي ظـل غـارب
ذابـت عـروش النـايفـه والـوفـاء ذاب
وصـدقـت مـن قـال الاقـارب عقـارب
مـن قـال ما منـهـم غثـا قلـت كـذاب

بيت .. الغزل
الشاعر / عبدالله بن خشمان

بيت الغزل عقب خبري بك تناسيته
لوجيت ادوره مايطري على بالي
ياجعل يسقا تعراضي على بيته
اسرق عيوني معه وانا على فالي
في سكتي لاتعنا لي ولاجيته
وليا تلفتت كنه يتبع ضلالي
بيت الهوى لاتهيالي وغنيته
كني تعليت فوق المرقب العالي
بعدك كرهته وقربك ماتمنيته
ماودي بشرهة العاذل على الغالي
اتعب على سمعته وادرا على صيته
من خوف هرجن يشيله كل عذالي
لوكنت بطيع قلبي ماتعديته
ولاتشيمت يوم انه تهيالي
لكن من كلمة الانذال حنيته
ولايميل الضمير بميلة عقالي
واليوم شعر الغزل قفا وعزيته
ماعاد به حب ولا يابري حالي