نرحّب بجميع محبي الشعر في صفحتهم ملفى القصيد، ستجدون بإذن الله التنوّع في الطرح وحرصنا على رسمكم أجمل اللوحات الشعرية والتي تمنح الجمال لملفاكم.. ملفى القصيد. لمراسلة الصفحة: mohdalmanna3i@gmail.com تابعوا مجموعة ملفى القصيد على موقع facebook بادخال عبارة «ملفى القصيد» بمحرك البحث في الموقع ، وعلى تويتر : : malfaelge9eed@ * مقدّر وجودك الشاعر المبدع محمد عبدالهادي في أوّل مشاركة له في ملفى القصيد يعطّر سماء الملفى بالإبداع في قصيدته التي نترك لكم متعة قراءتها .. الشاعر / محمد عبدالهادي وعدتني بانك معي طول الايام! لكن خساره صرت تخلف وعودك! صدّقت كذبة حبّك وحبْك الافلام لين اسْتبدّيت وتعدّت حدودك! وخذيت ماودّك وصدّرت الاحكام بان الخطا كلّه علي يا جحودك! ومع ذلك اقبل ظلمك وزود الاتهام من شان عشرة عمر اعدّي صدودك صمتي قتلني واتقن الصمت بحكام من قال يامحمد قتلنا برودك اعرف ترا جرحي تبيّنْه الاقلام واعرف صمودي مايشابه صمودك انا ارتقي بالصدق واحطّم ارقام ياللي على كتف المصالح صعودك اوّل عليك يقودني شوق وهيام وانت المصالح كانت اللي تقودك اوّل اضيق ان غبت واشتاق وانضام واليوم والله ماحسبت لوجودك ماتت ورودي من جفا وصلك اعدام وانا تعب يسقي وصالي ورودك ان كنت ظالمني عفو قبل مانام والى ظلمتك لاتحنّ بسجودك اهديتني جرحٍ من العام للعام واشبعتني بالحزن يا كثر جودك شكرا على غدرك وتحطيم الاحلام انا ترا من جدّ اقدّر جهودك! * أوطان وأوطان ! الشاعر / حمزه الهاشمي الله وكيلك عيشتي هم واحزان في دار غربه ما أذوق السعاده .. ذقت الجروح اشكال وانواع والوان و الحظ يا بعدي و غادي قراده .. في دار ما فيها من الطيب عنوان مع ناس ما فيهم سواة البلاده .. عفت الكلام و شب فالصدر نيران و الكون زايد في عيوني سواده .. أوضاع زادتني مع الكبت كتمان و البعد زود في سكوتي زياده .. أحيان ودي هلة الدمع و احيان اطلق هجوسي والقوافي جواده .. مابيننا أدري كم اوطان و اوطان مبعد عشان الجامعه والشهاده .. لا اتزيدني شرهه ترا الحال تعبان والضيق وقت النوم صاير وساده .. قدرك كما هو لو على الناس ما بان شاعرك يا منعة خوافي فواده .. ما بيحه يا فلان سده ولو كان ضايق و طالت غيبته عن بلاده .. همة هديب الشام و للا بليهان صبره غدا شلفا ذياب اعتماده .. و الله لو قلبي غدا اليوم بلسان : ان كان قلي روح لفلان ناده .. ما غير خوف فلان ما عاده فلان وارجع واجر الصوت عقب انخماده .. واكسر رجا خفاق ما عمره انهان !! بدري علي ألحق شوية وداده .. أدري أحبك يا بعد كل فتان لاكن كثير الهرج ما منه فاده .. اقصر و روق دامه الحب منصان لاترك ابو هالجامعه و الشهاده .. * حــزن مـــلك الشاعر والإعلامي / إياد المريسي ‏ما قلت لك ؟!..... اني رغم حزني ملك.... اشتاق لك و اوله اجيك ... واخاف من شوقي عليك... لي شفتك بشوق اقتلك.... ما قلت لك؟!..... ما قلت لك؟!.... يا اجمل احزاني معاي... تعال واشرب من وفاي... واسقيني افراحي معك... ابشربك لين اثملك.... ما قلت لك؟!..... خلينا نقسم هالحزن.. مره علي ومره علي.. وخلينا نقسم هالفرح.. مره عليك ..مره معك.. مدام اكبر همي لي.. كيف اسعدك........ ما قلت لك ؟!..... لو كان بيدي اجرحك... تدري جرحتك من زمان... ولو كان بيدي افرحك... ما كنت ببخل بالامان... لاني ملك ما امتلك غيرك وحزني واشواق لك...... ماقلت لك ؟!.... إِني رغم حزنِي ملك!! أَحن لَك.... وَأَشَتَاق لَك..... واخاف بالشوق أقتلك.!!.... * موجز حصري ‏الشاعر / محمد بن علوش كنت احسب ان المحبة دربها مغري كنت اجهل انه يعذربها مفارقها عقب الموده وحبٍ فالحشا يجري قفت وروحي تخطراها وتسبقها اصبحت انا للمفارق موجزٍ حصري يذيعها الهجر وطعونك تنسقها ماهي سوا انك تبيع الحب او تشري لكن بع الصد والفاتوره احرقها هاجوس فكري بحزة نومكم يسري يوصل مغارب الاراضي مع مشارقها يافاهم الحب شف لي حل في امري حتى حروف الكلام احيان ألفقها اعز الاحباب حط سهومه بصدري بالسيف والخنجر وشلفاه تلحقها انشهد انها استوت دنياي مع قبري ضاقت عليّه و تدري وش مضيقها يالله طالبك مد العون في صبري وتبدل الحال بأطلقها من امحقها * اشتقت .. لك ! المبدع ناصر المري ، يرسم لنا لوحات شعرية جزينة في مرثيّته الإبداعية .. الشاعر / ناصر القوز المري اشتقت لك وانا من الشوق ملهوف افز لك لامن لفيت بهواجيس درجت خطواتي وانا شبهه ملقوف أبيك من عقب الليالي المناحيس ولفيت مسكانك ولاشفت انا ضيوف البيت خالي لو بغيت المجاليس مسكت روحي والرجا زاله حسوف يومِ ذكرت ودمع عيني محابيس ذكرت بأنك ميتٍ وارتمى الخوف في وسط صدرٍ بالمحاني المقاويس جريت ونة من توطوه بسيوف والدمع من عيني تعدى المقاييس رجعت انا وآصفق كفوفي على كفوف والله يلعن وسوسات الآباليس موتت حمد تلت معاليق بالجوف وكفوف من عقبه تباكت مفاليس * شاعر المعنى 3 شارك الشاعر القطري علي بن حمد الدحابيب المري في المرحلة الثالثة - مرحلة الـ 12 شاعر – والتي شهدت تنافسا قويا بين الشعراء وقد تحصّل شاعرنا من لجنة التحكيم على 56.33 درجة ، علما أنه في حالة تأهله من مرحلة الـ 12 شاعر سيصل إلى المرحلة الختامية ، مرحلة الـ 6 شعراء والسيف. دعواتنا للشاعر علي المري بالتوفيق وندعوكم إلى مساندته ودعمه فهو الشاعر القطري الوحيد المتبقي في المسابقة وذلك بإرسال رسالة نصية تحتوي على رقم 12 على الرقم 92464 كيوتل * أمسية محاورة اليوم العالمي للشعر أقام مجلس شعراء المحاورة القطري في حديقة أسباير يوم الخميس الماضي الموافق 2132013 م أمسية محاورة وذلك بمناسبة اليوم العالمي للشعر ، وشارك في الأمسية العديد من شعراء قطر وأيضا احتوت الأمسية على فقرات أخرى من نظم و شيلات ، وقد حازت الأمسية على إشادة وثناء جمهور الشعر والمتواجدين في حديقة أسباير.