نرحّب بجميع محبي الشعر في صفحتهم ملفى القصيد، ستجدون بإذن الله التنوّع في الطرح وحرصنا على رسمكم أجمل اللوحات الشعرية والتي تمنح الجمال لملفاكم.. ملفى القصيد. لمراسلة الصفحة: mohdalmanna3i@gmail.com تابعوا مجموعة ملفى القصيد على موقع facebook بادخال عبارة «ملفى القصيد» بمحرك البحث في الموقع ، وعلى تويتر : :malfaelge9eed@ * حزن الراعبيه الشاعر القدير / جهز سيف العتيبي المـدى تغريدتين وجرهديــه والقلق يملا زوايــا هالمكان قلت ابغلب هالجموع التغلبيه مسرجِ خيل الحروف بلا عنان من ســعه ماضاقت الدنيا عليـه جعل مابعـدي براكين ودخـان وش تقول ام الدواهي للغبيه همهمة خايف وتكشيرة مهان لا اســتباح الصوت حزن الراعبيـه وش بقي للشـــعر من سحر البيان الغلط عـم الخطا وابن الخطيه ركضـة الرجلي على درب الحصان ان ترجل قالوا الناس الـرديه لاغدير ولاربيع ولاحسـان والوفا طبع الرجال المستحيه ماتخون الملح في طيش الزمان * حالتي .. حاله ! الشاعر / عبدالله آل عفيفه أي واللـه أنـي مـريـض وحـالـتـي حاله مـن شوفت أركابهم مـن يوم ما قفّت أحـاول أنـسـى وقـلـبـي شانت أحواله ودمـوع عيني من اللي شفت ما جفّت أصــارع الـهــم والـهـاجـوس يــبــراله تـكـاتـفـت وأقبلـت فالدرب ثـم صفّت مـن شوفـت البيت والجـدران والصاله والغرفه الـلـي لـهـا الأقـدام قـد حفّت هـذا مـكـانـه وهــذي حــطــت أعقاله الـلـي لـه أرمـوش عيني مـا بعد رفّت وذي صورة أمـي فداها الكون وأهواله الـلـي لـهـا الـروح لا مــن جيتها خفّت هــذا مـكـان عـلـى الــطــاعـه تعّناله وسجادةٌ لا أخلصت من فرضها أنلفّت الـبـيـت مـن دونـهـم مـا تنـفـع أطلاله والـنـفـس مـنّـه تـراها شامت وعفّت يـا بـيـت عــود عـلـيـه الــنــاس نزّاله اللـي عليه الشتوت أن جـاتـه أنضفّت لـجـلـه دمـوعـي عـلـى الخدين هماله وهـمـوم صـدرٍ مـع الأحزان ما انكفّت ويــارب أنــا ضـيـقـتـي بـالصدر قتّاله هـوّن عـلـي دامـهـا شهرين مـا كفّت وتـمّـد فـي عمـر شيباني على الطاله وتـعـيـن مـن دمـعـتـه ما كفّت ووفّت * المسلّمي في مثايله شاعر قادم بقوّة في فضاء الساحة الشعرية ، يصافحنا بهذه القصيدة الهلالية الجزلة، إنه فهد المسلم .. ترقبوه ! الشاعر / فهد بن محمد آل مسلم قال الفتى المسلّمي في مثايله وارد ضميرٍ من هواجيس قايله جبت العسر دون اليسر من جزيلها وعلقت رمحٍ فيه بانت جزايله من هد فعل الطيب ثم شد للردا قد الرجا يومه عجز عن ثقايله تجمل مع اللي ينقل الحمل لاثقل طول الدهر حمله على الكتف شايله واصبر ترى صبرك لذيذٍ غنايمه والرزق مكتوبٍ على اللوح نايله راعي البلى مهما سلى ضاع مالقى دنيا العنى في ساعة الحق زايله اوصيك يا عبيّد وصاةٍ من الغلا العمر فان وسنة الكون نايله يامسندي لا ضاق جاشي من الورى جاتك وصاة اللي جزيلٍ رسايله عين الرضى تدمح عذاريب ما مضى ولي انقضى بعد الرضى ماتحايله وعين العدا هز القنا في محاجره بيّن عليك الشوف هزة رذايله وجه الردى بيّن ولو زان ثوبهم صبغ الذهب يخفي صدا من يخايله فك عقدة الجاهل بقولٍ من العلا ورتل من المنزول نورٍ دلايله واسجد مع اللي يرتجي خالق البرا ثم ناج من سخر عظيمٍ وسايله كم من قريبٍ للوصل صك بابهم وكم من بعيدٍ ما حصينا جمايله ان كان لك خلٍ نديمٍ يصاحبك لاتحقره وامدح جمايل فضايله ولا تكثر الهرجه و تكثر عيوبهم كم من كثير الهرج لانت خصايله يالله عفوك من فعايل هل الردا وانا ارتجي ما خاب مطلوب سايله وختامها ياللي سمعتوا فـ صلوا على اللذي في الارض عمت فضايله * لا تزعل ! الشاعر / وليد الناصر لاتكبر الموضوع اكثر من اللي صار خذ ماتبي يرضيك بس انت لاتزعل كل الرضا بيديك وانا لي الاعذار دامك اعز انسان تخطي وانا اتحمل شفني انا بلياك عايش على التذكار ماقوى على النسيان لو قلت لي برحل كل مانويت انساك ارجع عليك اغار وانا معك مجنون تدريبي من اول بسٍ ترى غيبتك عني بدون اعذار وش السبب ابطيت غايب ولا تسأل وش عذرك بهجري وخليتني احتار وش فايده صبري ما دام الصبر طول لك في فؤادي حب ماعادلته اعمار كل مانويت ابوح لك عن غلاي اخجل هذي هي الايام تمشي علينا اقدار والا انت في قلبي الاروع و الاجمل * بوح الصورة انتهت مسابقة بوح صورة من إعداد قروب انكسار المشاعر على البلاك بيري ونضع لكم المشاركات والمراكز حسب التصويت بإدارة الشاعر بندر الرشيدي PIN:29179619 عآآهدت نفسي بعد صورتْك بالفرض صــوره ولا ظـنّــي عيـونــي نـسـتْهــا..!! يمكن تغيب الشمس وانا على الأرض ويمكــن تغــيب الشمــس وانــا تحتْهــا..!! لـ الشاعر محمد عبدألهادي الغامدي العمر أمانه، حفظها: صفوف الصلاه ومن شبّ في طاعه يشيب بـ طاعته يـوم القيـامه.. لا إنسأل فيما فناه؟ تشـهـد لـه : رجـوله.. معَ عكـازته ! لـ الشاعر / عبدالله الجودر شوف هالشايب .. تأمّل عن كتابك رغم عجزه اجتهد في كل طاعه يا من بـْ كامل قواك وفي شبابك خل صلاتك دائما ويّا الجماعه لـ الشاعر راشد الديحاني شـايـب وقـلـبـه عالـقٍ فـي المـسـاجد شوفوا على المعكاز في صورة العرض وكـل امـنـيـاتـه يـطّـلـب الـلـه سـاجـد انـه يـمـوت بـ سـجّـدتـه مـدّي الفرض لـ الشاعر / طالب البطين راحت حياتك بين بيتك ومسجدك تمشي على هدي النبي والصحابه ‏على مدى الأيام يبقى تواجدك في صفحة أعمالك وتُجزى ثوابه لـ الشاعر أحمد شامان وقف صامد .. لوجه الله سبحانه .. ولو إن العوائق فيه مجتمعه يا ليت إيماننا .. يشبه لإيمانه .. نضحّي بكل ما نملك : لأجل ركعه ! لـ الشاعر عبدالله الرشاش كذاب من قال الزمان يتغيّر لا ما يغيّر غير نفسٍ ضعيفه الآدمي لو في زمانه مخيّر إما طريق الحق ولا الضعيفه لـ الشاعر ماجد البلوي