نرحّب بجميع محبي الشعر في صفحتهم ملفى القصيد، ستجدون بإذن الله التنوّع في الطرح وحرصنا على رسمكم أجمل اللوحات الشعرية والتي تمنح الجمال لملفاكم.. ملفى القصيد. إعداد: محمد راشد المناعي لمراسلة الصفحة: mohdalmanna3i@gmail.com تابعوا مجموعة ملفى القصيد على موقع facebook بادخال عبارة «ملفى القصيد» بمحرك البحث في الموقع ، وعلى twitter: malfaelge9eed@ * شاعر وقصيدة إعداد الشاعر والإعلامي / عبدالعزيز الشعلاني الشيخ علي بن عليبي الهجهاجي الغامدي رحمه الله شيخ قبيلة الهجاهجه من غامد متوفى قبل عدة اعوام شيخ وفارس وشاعر ورجل حكيم وحليم يمتاز رحمه الله بالدهاء والحكمه وسرعة البديهة وصاحب وجه وجاه وحلال للصعاب راس من روس غامد ومع هذا تجد فيه من التواضع ما نسال الله ان يرفعه به ويغفر له ويرحمه والبركة في أبنائه .. الشاعر المرحوم / علي بن عليبي الهجهاجي الغامدي صلاب الروس يالله انـي طالبـك ياخالـق (ن) شمسـه وغيـمـه يـارقـيـب الـعـيـن يامـعـبـود مـرتـفــع الـجـلالــي طالـبـك واعــوذ بــك مــن الشيـاطـيـن الرجـيـمـه دلنـي درب الهـدى وادخـل عليـك امـن الظـلالـي يـابـنـي عـمــي تـراكــم باهتـيـنـي بالضـلـيـمـه مـاكـفـتـكــم لــــــولات ولا فــكــرتــو فـالــتــوالــي والـضـلايـم يـابـنـي عـمــي عواقـبـهـا وخـيـمـه كم بيوت(ن)عامره راحت كما جرف(ن)هيالي انـشـد النـمـام هــو وش فايـدتـه امــن النميـمـه احـرمـه ربــي مــن الـجـنـه ورفـقــة كـــل غـالــي مـارزتـنـي نـمـتـه مــــادام لــــي نــيــه سـلـيـمـه علـمـوه ايـقـاطـع الـسـاقـه ويصفـيلـه مـجـالـي اخبره يوم اسحب الرخصـه ونعطيـه القسيمـه لايباري الاتـحـاد ولايـــباري للهلالـي ذكرتـنـي قـاعـة الـسـدره عـلـى شـــان الولـيـمـه يوم قمتو صف واحد واما انا صف(ن) لحالي يـوم قلـتـو سـلـم السلـطـه وروحــك لــك غنيـمـه والكـلام الــي تقولـونـه كــلام (ن) مستحـالـي لعنبـوكـم بينـكـم كـنـي مـســوي لـــي جـريـمـه كم صبرت (ل) مركم وعطيكـم بـدل المـر حالـي والله لـولا موقفـي وبعـد معـي بالـراس شيـمـه ان يطـلـع ماكليـتـو مـــن حـــرام ومـــن حـلالــي ياصلاب الروس لامن قابـل الخصـم الخصيمـه والله انكم درع جنبي لاصفق جـال(ن) لجالـي والله انكـم عزوتـي ميـر انـكـر الجـنـدي زعيـمـه اشتـورتـو بـالــردى تبـغـونـي اشـــد الـرحـالـي وعتزيـت ابمنصـف المضلـوم مـن راع الضليمـه لـيـن حــال الـمـر مــن كـبــدي وزال الـهــم زالـــي الله اعطاني سعه وبعد معي في الراس شيمه حد راسي حـي بحمـى موقفـي والحـظ عالـي والله ماهـو شيـخ مـن يرضـى لروحـه بالهزيمـه مـايـولــع نــارهــا والــــروح تـالـيـهـا الــزوالــي والله مايـصـفـي لـكــم جـــوي وعلـتـكـم مقـيـمـه ليـن نعـرف قيـمـة القصـديـر مــن وزن الريـالـي * أصبح الصبح ! الشاعر / نواف البداح بك أصبح الصبح يا مولاي فإغفر لي إغفر ذنوبي و يسر لي مسرّاتي ومن ضيقةٍ بالحشا يارب وسع لي يا خالق الكون من فوق السماواتي ويا منشي الكون درب الحق يسر لي والظلم يالعدل لا يقرب مساراتي غنيت شعري وليت الفطن يفطن لي و أبيات شعري تبيّن له معاناتي ماضي وحاضر وكل الوقت صاير لي حتى إنرسم حزن في منهج رواياتي جرحٍ على جرح ويش علاجهم قلي وضيقٍ على ضيق ربك يصلح الآتي أسلا عن الهم و لاني منه متسلي وألقا عنا عنوتي لو كنت فسباتي الحيل باد ومنه الضيق حاصل لي والبعد ريحٍ صريرٍ بردها عاتي ماكني اللي قبل لاضاق يزهم لي واليا فرح فرحته من ضمن فرحاتي أول غرامه (عيونه لو تناظر لي) وأخر غرامه ( دموع الحزن وسكاتي) ومابينهن شي فوق الوصف ياخلي و مـاخرّبه كود زلاته و زلاتي و للحب عُذال ومِـلي قلوبها غلّي وقامت تحرث الخطا وإن كان قد فاتي ياللي غرامك بحكم القلب متولي وياللي فراقك يخرّب كل ميزاتي إسمع كلام الذي منك انت ما ملّي الحُب كنت أحسبه قصة حكواتي وأضحك ليا قالوا إن الشوق متعلّي وأضحك على الحب وماني فيّه بمحاتي وأقول درب الهوى ما أظن يحصل لي شهوه و ماني إمتبْع للشهواتي وحتى ولو هو وصل حولي ماياصل لي والله بلاني بحب إن مت ما ماتي و فرقاك لغزٍ عتيد و ماله بحلّي والله يَعْلَم خشرتك في صلاواتي ويا ربي الله تغفر له وتغفر لي إغفر خطاه وتجاوز عن خطياتي * سهر عيني ! منبع الإبداع، محمد آل مبارك لا تخط انامله إلا الإبداع ! نترككم مع هذه القصيدة الرائعة .. الشاعر/ محمد آل مبارك أشتاق .. لا مرّ بالذكرى سهر عيني وانزاح وجه الستار .. وبيّن المخفي.. واتذكر القلب.. من ما كان بيديني .. لا جيت يمه .. هرب .. بإحساسه المطفي تعبت اناديه من برد الجفا .. ليني .. عجزت احصل دفاه .. وشي ما يكفي بالشارقة كان يرسم لي عناويني .. وهو لعناوين غيري بالخفا يقفي اجيه .. والحق وراه .. وبيني وبيني اقول عله يحس .. من قبل ما يجفي أكيد .. لالا .. احسه حس .. لا .. ويني ضيعت نفسي وراه .. وجبت بي حتفي معقول ما حس باللي في شرايني .. يقول اسمه.. و حتى صار هو نصفي؟ قبله من الغيد ما طبت دواويني .. وبعده هجرت المشاعر .. وابتدى نزفي * ينام.. الحب ينام الحب في قصيدة ياسر العتيق، ولكن إبداعه لا ينام أبدا ! الشاعر / ياسر العتيق ينام الحب في صدر الورق يتكفن الأحلام توسد فكري الهايم يبي ينسى ديار الغم يمر الحلم في عين الليالي يسدل الأيام و يرسم في سما الماضي دموعي من سحابة هم تحت زخاتها عاجز يبللني شقى الاوهام نبت في وجهي الشاحب تجاعيد المنافي ذم أبعثر هالملامح في زوايا وحدتي أكوام يذريني على رف الكتب أحساسي المرغم وحيدٍ داخلي فوضة شعور وسكرة الإلهام وحرفي يخرج المعنى درر من طلمة المنجم أحاول كم أجمعني مشاعر داخل الأقلام ولكن ما لقيت الا بعض من شعري الأبكم والملم غربتي داخل شعورٍ يكتم الآلام وقبل ما اطلع على العالم الثم وجهي المغرم أباري ساس جدران القصايد مستظل انغام رغم كتماني انوار المدينة تعرب المعجم وجيه الناس تلفظني وطيح بعثرة الأقدام تجي روح الأمل تحظن يديني: يلا قم يا عم أقطّع هالشوارع في متاهات الطموح اعوام ولاقيني مكاني واسأل احلامي: قطعنا كم؟ * أبكي الأطلال قصة إبداع جمعت عادل النزال بأوراق الحنين، نترككم معها.. الشاعر / عادل النزال ياوجودي كل ماناديت لأوراق الحنين والحزن في داخلي موغل ومتعبني معه اه واويلاه من جرحي ومن صبر السنين ملت الايام من حزني وملت تجمعه لمتي غايب وانا مالي ابد غير الانين أبكي الاطلال وانادي وكلاٍ يسمعه قلبي اللي مل من فرقاك يامقفي لوين يابري حالي وياقلبي وكيف ابقنعه انك معود ولكن ظرف وايام وتبين لحظة رجوعك علي قلبي وشفها مسرعه لهفتي نادتك باشواق وله ودموع عين جيش بعدك هزني ياهيه شلي يمنعه أقبل وخلا الليالي تفرح بصلح اليدين وعاهد انحائي بلاش من السفر والامتعه انت تسكني هنا ومن البطين اليا البطين وانت تسكني هنا ياحي شوقي ومطمعه وانت حالة عشق متفرد ولاتشبه اثنين يابري حالي علي شوفك علي الرحب السعه وانت مجلس امه وأعضاء أدت لليمين عاهدت باخلاص والباغي لزوما نردعه وانت عيني وشوفها وشلون عيني ماتزين قد لي اناديك اقبل والحكي عنك دعه وش بلاك تغيب وتتركني حديث المغرضين وتترك اوراقي حكاية ذنب محدا يردعه