نشر الإعلامي المصري الساخر باسم يوسف ، والدكتور عصام حجي ، مستشار رئيس الجمهورية السابق، فيديو ساخرا قالا إنه بمناسبة الذكرى الثانية لاختراع جهاز «فيروس سي المصري، والشهير إعلاميا بـ"جهاز الكفتة".

ويظهر "الفيديو"،  الحوار  الذي دار بينهما، حيث قال «باسم»: «النهارده يا جماعة معانا الدكتور عصام حجي في ذكرى مرور سنتين على جهاز الكفته اللي كان المفروض هيساعد ملايين المرضى، ويدخلنا عملة صعبة، ويطلع مصر من عثرتها، دكتور عصام حضرتك كنت قريب من دوائر صنع القرار، حضرتك شفت الجهاز».

ورد عليه «حجي» قائلا: «أيوة شفت الجهاز وفكيته وفتحته ولما تفتح الجهاز بتلاقي فيه أريال، طالع منه سلكين، متوصل بقاعدة بلاستيك، وجوة الجهاز المختصين قالولي إن الجهاز كان فيه حجر مكي بيساعد في لقط الإشارات اللي بتيجي من الفيروسات ومفيهوش أي شيء إلكتروني أو كهربي من داخله، الحجر المكي دا هو بيهدي الجهاز، أو يهدي العيانين».

ووجه له باسم يوسف عتابا ساخرا قائلا: «حان الوقت تندم على المصيبة اللي انت عملتها إنك حرمت مصر من الجهاز ده».

وأضاف باسم: «عايزين نفكر الناس إن الدكتور العظيم جمال شيحة، اللي هو عمل الجهاز ده، بقى عضو مجلس الشعب بالتعيين، مختار يعني، وطبعا الدكتور عبدالعاطي اللي إحنا مش عارفين هو فين لحد دلوقتي، أكيد بيعمل دراسات كونية».

من جانيه قال حجي: «كنت أتمنى الناس والإعلاميين يعتذروا»، فقبله باسم يوسف، وقال له: «والله انت طيب قوي».

وفي النهاية قال «باسم»: «شكرا يا جماعة وإحنا آسفين جدا بجد، وهابي كفتة تو إفري وان».

شاهد الفيديو..