نرحّب بجميع محبي الشعر في صفحتهم ملفى القصيد، ستجدون بإذن الله التنوّع في الطرح وحرصنا على رسمكم أجمل اللوحات الشعرية والتي تمنح الجمال لملفاكم.. ملفى القصيد. لمراسلة الصفحة: mohdalmanna3i@gmail.com تابعوا مجموعة ملفى القصيد على موقع facebook بادخال عبارة «ملفى القصيد» بمحرك البحث في الموقع ، وعلى twitter: malfaelge9eed@ الحمد لله الشاعر / علي الاشول الدهمي يا الــربــع عنــدي قصيده ودي أكتبها قريحة الشعر هاجسها معذبني قالت لي اكتب حلا القيفان وأعذبها وإختار من سلسبيلك مايناسبني لاجل الجماهير منك اليوم تطلبها وتشوف أخر جديدك يوم تطلبني عذب المعاني تبرّد كبد شاربها من يرتوي من قراحي مايعاتبني مادامني عشت ضامي في مناكبها وأنا من الشوق للقيفان تشربني بالله يااهل المحبه في تجاربها من ذاق نار الهوى مثلي يصاحبني ويضم صوته لصوتي لايخربها ونعالج الوضع قبل الحظ يندبني واللي مولع بدنيا المال يحسبها ويترك الحب لأهله لايجاوبني ما ابي جوابه ودنياه ومكاسبها أبي السعاده تولع بي وتخطبني وأعيش عمري مع روحي واداعبها وأرتاح في حضنها لحظة تداعبني حبيبة القلب تضحك لي والأعبها أعشق دلعها وهي دايم تلاعبني الحب قصه جميله من يجربها ويحب بإخلاص مايمكن يكذبني لو يطلب الخل نفسي ما أشح بها أعطيه روحي هدية قبل يطلبني تمر ساعات عمري ما احس بها في وصل لأحباب كن الوقت غيبني غايب وحاضر وساعة وقتي أحسبها وأحيان ما أشعر بوقتي يوم يحسبني بالذات للروح في حضرت معزبها إللي بلقياه روحي ماتحاسبني والعين ترتاح لاشافت حبايبها إللي هواهم سلب عقلي وناهبني مشاعر الشوق تطلب شوف غايبها وأنا من الشوق سيف الهم يصلبني وأسج في داخلي ونة وأجاوبها وأصيح وأسمع صدى الونة تجاوبني تشكي لي أوجاعها والهم شاحبها وأحس كنها على الملة تقلبني كني على جمرها وأشعر بلاهبها جمر الغضى فوق نار الشوق يحطبني والفاس في غابة الوجدان يحطبها وأهل الشماته بعين الحقد ترقبني وإن شفت منهم إشاعة قمت أكذبها وأسايرالوقت وجروحي تعذبني وأخفي جروحٍ عميقة مايحس بها غيري واكابرولا العذال ترهبني والمدرسة لوشكت فقدان طالبها فأنا أشتكي هم داخل خاطري مبني كم يامعاناة ماتحصى لكاتبها في داخل القلب تمسحني وتكتبني لكن مع الصبر باتحمل مصاعبها وأصبرعسى الله بعد الصبر يوهبني ويحقق آمال ماغيره يعل بها يارب من شوف خلي لاتغيبني ياالله لي فيك دعوة لاتخيبها لاقمت أناديك ياالله لاتخيبني حقق مرادي بحاجة منك راغبها ياغافر الذنب ماغيرك يحاسبني الحمد لك حمد مايحصى لحاسبها من قلب مخلص ولاغيرك يجاوبني والختم صليت ماهبت هبايبها على النبي المصطفى حبه يقربني والآل والصحب ذي قادوا كتايبها صلاة ربي من الضيقة تجنبني * يونيو أحلى شهر ! الشاعر القدير / راشد شرار يا يونيو يا احلى شهر في حياتي جمّعتني باللي احبّه واريده واللي ملك حلمي وكل امنياتي قديم عمري والسنين الجديده وبيني وبينه حب فطري وذاتي ومشاعر الحب المبجل اكيده به مقدم احساس المحبه وآتي مبني بوفا على قواعد شديده على ثباته صرت ابني ثباتي وعلاقة الحب القديم المجيده انا بحبه صرت املك غناتي ويا سعد من هو كان مثله رصيده حبه كسى بالنور اربع جهاتي ولي افقده على ضياه استعيده صحوي بعينه لا وفيها مباتي رمشه يذوّب في فوادي جليده وبسمة شفاته لي رمت في شفاتي ضحكه توصّلني الاماني البعيده على شعاعه اشدو باغنياتي حلو الغنا اهل المحبه تعيده تعطّر الدنيا معه ذكرياتي وسوالف الحب العظيم الفريده يا اجمل سنين العمر اخذي وهاتي فيك الهنا والحب دايم احيده بوصيك يا دهري واسمع وصاتي لا تضيم خلي والحذر لا تكيده خله يسوي ما يشا ولا تحاتي انا حياتي بفعل خلي سعيده غالي واحبه لين ساعة مماتي شعور حب وله أتوق وأعيده ادعو واتوسّل انا في صلاتي يا رب ارجو عمر خلّي تزيده سعد المحب اللي حصل له شراتي ولي الشرف آعيش خاتم بإيده ويا يونيو كل ما تمر بحياتي قلبي يلاقي فيك ايام عيده * ماغيره بشر ..! الشاعرة / نوف المالكي ربي اللي ماخلق مثله شبيه كن ماغيره بشر في مستواه الجميل اللي يحدني له واجيه وانثر الورد المعطر في لقاه وجهي المنور بريقه في يديه واجمل اشعاري اذا قال بشفاه الحلا كله بنظره من عنيه والجمال عناد له يمشي وراه ياقصير القام يا ترفٍ نبيه يا جميل الوجه لو قالو حلاه ياطريق النور يله نبتديه مثل ماوصّى نبينا في وصاه لو طريقه في هلاكي بحتديه واسلك الدرب المؤجج من سواه كان روفي في حياته يرتويه واحمدالله راح عنّي مامداه وان بقى راح الحنان وهمت فيه هو سلب منّي جميع اللي بغاه ياخذ ايّامي على كيفه وليه؟ يكفي ان ؛ حبّ امتلاكه يا قواه الله اكبر يوم ناداني يا هيه قلت له آمر ويا محلا نداه واعتقد بالمختصر إنّي أبيه ويهبا غيري ولو إنّه يباه اشهد ان ما له أحد مثله شبيه واشهد ان تبطي الخلايق في حلاه * همسات الوله ! الشاعر / محمد ابن مدعث يا حلو همسات الوله من شفايفك و يا حظ من فك الكدر من شفاتك ما الوم شعري لو هذا في وصايفك و لا الوم قلبن تاه بك و بصفاتك خشف تتل القلب هنفة رعايفك في فزتك و بمشيتك و التفاتك لك بالحلا ما ميزك عن ولايفك غير البياض اللي يشعشع بذاتك ايه اعشقك و اعشق طوايف طوايفك ولا هز ريح البعد شجرة غلاتك لا لافني قيظك فزعت لمصايفك وعن بردك اتلحف سما ذكرياتك مشاعري تضما و احبك و خايفك مدري متاي اشاركك في حياتك انا ادري اني غير و اسكن نوايفك و ادري بما تخفيه نبرة سكاتك و لو عيفوني فيك ماني ب عايفك ابيعهم و اشري غرور امنياتك * صمت وسكات الشاعر / عزيز السباعي إن مرت الأيام في صمت وسكات واصبـح سواد الليل لشوق ينمد وشفنــا لصدتكم تبيّـن علامـات وصارت علاقتنــا اتوتـر وتشتـد مـاراح استغرب وقولك سلامات؟ ولا راح آخذ غيبتك محمل الجـد ما انته بأول من تركني فلحضات لكـن انـا ما اجازي الصد بالصد يا كـم واحد قبل ما اعرفك فات وكنيت له في خاطري صادق الود تغيب ولا ترد فـي كـل حالات قلبي علـى كثر المواجع تعـود ولا تحسبي بعدك حرمني الملذات الحمدلله اليوم عن امس اسعد والله لو قالو بأن صاحبك مات؟! عيني على فرقاك ما اظن ترمد اؤمن بأنه للبدايــه نهـايــات حتى ولـو اجلتهـا بدايتــك غد وانتي نهيتي مـا بدا فـ البدايات وأنا وقلبي ما نقف عند ذا الحد اواصل ولو طال دربي مسافات والمبتغى اوصله لابد لابد