نرحّب بجميع محبي الشعر في صفحتهم ملفى القصيد، ستجدون بإذن الله التنوّع في الطرح وحرصنا على رسمكم أجمل اللوحات الشعرية والتي تمنح الجمال لملفاكم.. ملفى القصيد. لمراسلة الصفحة: mohdalmanna3i@gmail.com تابعوا مجموعة ملفى القصيد على موقع facebook بادخال عبارة «ملفى القصيد» بمحرك البحث في الموقع ، وعلى تويتر : :malfaelge9eed@ * قال .. الكبيسي المبدع والجزل دائما أحمد بن معلاي الكبيسي يصر على أن يبهرنا في كل قصيدة ترسمها أقلامه ففي هذه المرة يهدينا قصيدة تصل المائة بيت حصريا لمتابعيه في ملفى القصيد الشاعر القدير / أحمد بن معلاي الكبيسي قال الكبيسي بادعٍ له تلاحين من عيلمٍ تسقي البداه وحضرها وانشيت من فكري حسين التفانين من ما بغى وقتي وفكري حضرها أبدي واحلل للتماثيل قافين واختار من حلو المعاني صورها طبيت هيرٍ ما معي غير ديين واجني من المحار غالي دررها وافلق على الفنه قماشٍ مثامين يك وحصابي سعد منهو نظرها يا ما حلا فلقٍ يشوق النظيرين يكات لولو يمتغص من خسرها قيلي طرب دايم يشوق الشليين وأهل الردى ما همني وش عذرها أبدي واصور بدعت القاف وأزين طرسٍ به المبري ييسّر عسرها واقول قافي كل لحظه وكل حين من لب فكرٍ وحده اللي حصرها ومجاريٍ بالعون قافٍ من سنين أقوال ابن شلهوب ربي عمرها قافٍ تغنوا به كثير المسلمين لله دره حيث هو مبتكرها واليوم أنا جريت فنٍ وانا أبين قيلٍ وانا الأقوال رافع قدرها أنقى خيار القيل فوق الموازين واصوغها صوغ الذهب من كثرها تأتي على القرطاس سفطٍ بلا دين من جاش صدرٍ حين هجسي ومرها أبيات شعرٍ كنها من براكين تطحن بجوفي لين أخفف حررها لولاي أخفف ما بديته بتهوين خطرٍ على الكتاب نفسه نكرها مثلي إلا من جر له قيل بيتين شفت النشاما تنتشي من خبرها قيلي تغنوا به شيوخ وسلاطين ما ردده وألله يومٍ بزرها تشدي لك الله من حلاها بساتين في فيّها قد طاب لذة ثمرها وإلا نجومٍ سيّرت للشياطين وإلا كما شمس النهار وقمرها ما همني هرجة قفى من رديين ما يلتفت زير العرين لجعرها طود المثل ما زحزحوه الضعيفين ياللي تناطح بالجبال وصخرها منهو حكى من غير حق وبراهين عساه بالدنيا يعاني كدرها ما كل هرجٍ لو تزينه تلاوين يلقى مسامع تأخذ اللي ذكرها ما يستمع هرج الضعوف الخبالين غير الذي عينه تناظر حدرها كم من شليٍ ما لقى له من معين الله الأحد دنياه دوم يحقرها ما كل عليلٍ صاح يلقى مداوين لو كان تحت أمره أطبة بشرها دنيا العنى كم نصبت من ذليلين واهل الشجاعه هججت من ديرها يوم الحصيني ما يهاب السراحين شفت الثعاله ربعت من دهرها والحر الأشقر في كفوف الكراوين روّح نسيرٍ في محابل غدرها ما يشتري كسد البضاعه فهيمين ما باعها غير الذي قد خسرها بعض الرجال اليوم مثل النساوين غير السوالف ما لفى من خدرها ياللي تظن الناس ماهم بدارين لا تحسب الدعوه سواتي غفرها مشيتها لك دون ما يلحقك شين حشمة ربوعٍ لك رفيعٍ قدرها الذيب ما همه جموع السلاقين اللي تنابح كل يوم بجحرها اللوم مايلحق أرجالٍ أصيلين ياللي خبيثات السوالف تبرها حنا خلقنا لجل بلم المعادين أما حياة العز وإلا قبرها اصهل صهيل حصان وسط الدياوين عند الوجيه اللي يشعشع سفرها يوم أن ولد اللاش ما فارق الشين نفسه على كسب الرذايل عمرها أحدٍ بلا همه ولا عارفٍ دين مثل الكديشه زايداتٍ حسرها الله لا يسقي رخومٍ ملاعين اللي على السيات زايد فشرها يالله يا محيي رميم الجثامين يا منجيٍ يونس بلجة بحرها تفرج همومٍ في ضميري طواحين ادعت تناهيدي تزايد زفرها البارحه نومي بعيدٍ عن العين سهرٍ الين الشمس بين سفرها ونيت من قاصي ضلوعٍ مطاحين آهٍ وزفراتٍ تزايد ضجرها بعض الحكي ما غير مثل البوالين فقاعةٍ بفواه من يبتكرها من زاد هرجه ذل وسط الميادين تقصر يمينه عن فعايل خطرها ياما حذورٍ بالوغى والاكاوين ما فاد به لو كان ضامن حذرها أقول في دنيا الشقى والمداهين ماني من اللي غرته من زهرها أشوم عن درب الخنا والسفيهين نفسي عزيزه رافع الله قدرها ما جيت يومٍ في دروب الرديين كلا ولا عيني تناظر نظرها أسعى لطلاب العلا والعزيزين اللي تسجل بالصفايح ذكرها أهل الوفى والطيب والمذهب الزين عز الدريك وعون منهو ذخرها ما خاب من خلا بصفه عريبين اللي تبيّن بالطويلات ثرها لا حانت القالات تاتي محامين فزاعةٍ محدٍ لك الله قدرها لاد الكبيسي من سلالة قحاطين قبيلةٍ تاطى على من زقرها هم محزمي وقت الشدايد بلا لين درعي وطاسي هم وأيضا فخرها كم هيّةٍ فيها كسرنا كراعين زحول ما قد زحزح الوقت شرها يا مبتلي ناسٍ مريحه وغافين كف الهروج اللي تطاير شررها بعض الظنون اللي وراها خبيثين تسل حال اللي يصدق خبرها قالوا حكوا بك قبل ليلٍ بزارين قلت البلا في اللي سمعها وسرها وجهي طويلٍ ما لحقني خبر شين محشوم وعلومي نظيفٍ سيرها يا ذا الوجيه اللي سوات الطواعين لا بيض الله وجه منهو يبرها ما شفتها يومٍ تأم المصلين إلا وخبث أنفوسها في صدرها أشكي إلى اللي خالق الناس من طين اللي عبيده بالدعاوي نصرها يالله يا المعبود يا حافظ الدين أنك تزيل اللي تزايد مكرها شين الوجيه اللي توّد المضلين يالله عساها في جهنم دهرها يا الله لا تجزي القلوب المغلين إلا من السيات يوم تحشرها من لا يوقر جملة الناس ويعين عليه لاتنشد خلايق بشرها واللي حقر أهل الوفى والموالين عده من اللي واجباتٍ احقرها يا لعنبو ذيك البزور الملاسين اللي بلا حشمه تشيّن صورها لا لا يغرك منصبك والملايين يا الآدمي لابد تسكن أحفرها أما تعمرها بورد ورياحين من كل طيبٍ زان لجلك عطرها وإلا تشوف أبها هوام وثعابين أن كان ربك حالتك ماسترها واعلم ترا في يوم عرض الموازين ما ينفعك غير الفروض وخيرها ناظر ملوك الأرض تحت الأراضين من عقب ماهي عمرت في ديرها كم شرعت فوق الأراضي قوانين واليوم قد طمست ولا أحدٍ ذكرها ياجاهلٍ بأهل الأدب والميامين كب الهروج اللي مديم تهذرها أما تجي تنطح صناديد ذربين وألا تكف هروجك اللي تصرها بسك نميمه في العيال الوفيين اللي ينومسها فعايل عصرها وان عودت لعصورها وألازامين تبطي تواريخ العرب في حصرها انظر أدبها في سجل الدواوين ياللي عيونك تشتكي من بصرها حن روسنا ماهي لك الله مدافين مشرافنا فوق الطويله شهرها ومقدمينٍ حين صب ألفناجين تكرم الحانا عن مخازي أعيرها أخير يا كوبان تلبس فساتين تفصال للي في سواتك حكرها ما حن على مثلك لك الله شرهين وعلوم مثلك كاشف الله سترها تسهر سوات البوم والناس ممسين لاهي مع شلة عفون وسهرها عفنٍ وتاخذ من عفونك عرابين وفلوس مثلك ربي اللي دمرها واليوم مثلك لو يقدم غرابين ما تنقبل حيث الخباثه تقرها من زود عصيانك تضد المساكين وبيوت ربي حالفٍ ما تمرها خمار ملعونٍ بوسط الفراقين عند الخلايق شينتك وش كبرها واللي سواتي لا ذكر قيل نعمين طويل وجهٍ والخلايق شكرها بشوش للضيفان بالضيق واللين حتى ولو الأيام زايد عسرها من جودنا حنا غدينا مدايين يوم أن ولد اللاش كفه قصرها ما نعتبي لو قيل حنا مجانين موايد الضيفان حنا عمرها نجزي هل المعروف بالطيب والزين وسلومنا وألله محدٍ نكرها بيضٍ صحايفنا من عصور وسنين في ظل حكامٍ وحن تحت أمرها جندٍ لابن ثاني نهار الهوالين درع الوطن لا حان يومٍ خطرها ناطى على كبد المعادين وانهين زيزومها كان الأراضي عبرها حنا سيوفٍ للحرايب مسانين في حدها بيّن مخاطر خبرها هيضتني يا اللاش واخذ التلاحين من عيلمٍ تسقي البداه وحضرها * بوح الصورة انتهت مسابقة بوح صورة النسائية من إعداد قروب انكسار المشاعر على البلاك بيري بإدارة الشاعر بندر الرشيدي PIN:29179619 ونضع لكم المشاركات والمراكز حسب التصويت 1 تعبت يا دنيا ،، و طاحت حمولي أمسك عصاتي واتسّند على باب شايب ضعيف ولابقى شخص حولي محتاج والحاجه على العود تنعاب لـ الشاعرة فيض المشاعر 2 يلطف ابحاله جدار و شارعين عن قلوب الناس له أرض وفضا ! عاش خاوي وانهشت فيه السنين ومابقى بالعمر كثر اللي مضى لـ الشاعرة إيمان السليم 3 شايب حكت لي صورته جوع الأيتام على رصيف الياس والوجه خايب شوف الفقر وشلون مع سود الايام ماترحم المحتاج .. لو كان شايـب لـ الشاعرة وهج الوطن 4 الحزن .. وآلام السـنين وتعبها والشوق وصنوف العذاب ومواريه شبّت وسط عينه لهايب غضبها واستنفدت عمـره جروح ومشاريه لـ الشاعرة زهره آل ظافر 5 أبستند على الصخر و الحجاره لعلها ارحم من الناس لـ الناس الشيب لشعور الأوادم وقاره والشيب لي ذل و تناهيد و افلاس لـ الشاعرة آلصيد اللعوب 6 فقير بـ عيونه دموع و مآسي عصاه قدامه وترسم طريقه حده زمانه والزمن حيل قاسي شوفوا بريق الدمع شوفوا بريقه لـ الشاعرة الكاتمه المطيري 7 الضعف للمودمي هو آخر أحواله يولد ضعيفٍ ويقوى فمنتصف طوره ثم يكبر وبعدها ترجع له الحاله يضعف وتقضي حياته وتنتهي الدوره لـ الشاعرة شجون الدوسري 8 صبري نفذ وانا انتظر واقف على باب الأمل! أمد ايدي لكل حلمٍ عابرٍ! ... عندي يمر حتى الألم من كثر ماني شاربه حسّي ثمل! واحلامي امست كالسراب وأتبعه طول العمر لـ الشاعرة عسجد