نرحّب بجميع محبي الشعر في صفحتهم ملفى القصيد، ستجدون بإذن الله التنوّع في الطرح وحرصنا على رسمكم أجمل اللوحات الشعرية والتي تمنح الجمال لملفاكم.. ملفى القصيد. لمراسلة الصفحة: mohdalmanna3i@gmail.com تابعوا مجموعة ملفى القصيد على موقع facebook بادخال عبارة «ملفى القصيد» بمحرك البحث في الموقع ، وعلى تويتر : :malfaelge9eed@ * صوت وصدى مساجلة شعرية إبداعية بين الشاعرين فهد المسلم وخليفة الرميحي، نترككم مع إبداعهم... - صوت الشاعر / فهد بن مـحمد المسلم سمـاح الخد يملى في زهوره على غصن الوله ناحت طيوره اردد قول شطرٍ قد عجبـني و ادله من عنا سبب خطوره غـريب الـدار ومـناي التـسلي طربـني يـوم غنـاها بو نوره في دارٍ مابهـا شيٍ يسـلي بدعت القاف في نقوة سطوره من الضامر اهجد كل معنى ولا خـان المثل في لعب دوره وعسفت من الغلا مهرة قصيدي بـلا عنـانٍ وبان الوقت جوره وانصى للشلي راع الجميلي «خليفة بن محمد» في حضوره من « البورميح « مروين الهنادي هل الوقفات للناخي وثورة سلامٍ قالـها ولـد «المســلّم» تحيات العرب واشرف نذوره ترى بي علةٍ منـها صويبي علـى رماقتي ازرت صبورة عن العلم المخيب و نار حسرة اشوم النفس الى اخذ المشورة خليلي صار في وصله شحيحي واقفى عن محبٍ بـاح سوره مليح الوصف ذو الرمش الطويلي خذى قلبي وقطع لي جذوره شفيعه مبسمٍ غر الثنايا كما لـولـو ربيبٍ لاح نوره دواي وداي يجلي ضيم حالي يرد الروح من نظرة سروره وراح البال لعيـونٍ همـيلة علـى خدي حفا كثرة نثوره هواجيس النيا دكـت علـى اللي هشيمٍ ويش يجبر له كسوره الا يا بن محمد مـا بلاني ظلومٍ اسرف بحالي غروره - صدى الشاعر / خليـفة بن مـحمد الرميحي جزيل القاف قد غصنا بحوره و من الدانات مبنيه اشطوره اوصّف فـ البيوت و من سمعها يحسب ان الشعر صوتٍ وصوره حبكت القيل للي باح سدّه وبيت القاف لجله شيد سوره ألا يامرحبا باللي لفاني هلا باللي طويلاتٍ شبوره عدد ماهل همّال الغمامه وماغاب القمر ثم بان نوره وقصدي بـ المقال ابن « المسلّم « بن محمد يشرفنا حضوره نسل قومٍ يردون المعادي وسعد اللي دخل يشكي عسوره قصدني بن محمد في قصيده ورد القاف للصاحب ضروره شكا لي من خليلٍ له مجافي وعلى من يعشقه بانت شروره ترا ذي عادة الدنيا تغيّر كما الكوره لها لفّه ودوره وانا قبلك مجافيني وليفي من العاذل .. اخذ رايه وشوره خشيفٍ حاكمٍ قلب «الرميحي» فـ وسط القلب مبنيه قصوره احس الوقت عقبه ما يعدّي لكن ابـ قعدته عجلٍ مروره وليا جاني شرح صدري.. وغيره مَـ هو يفرق مجيّه من دبوره جفاني يا « فهد « من دون سبّه وانا اللي شايله حزة عثوره هجر منهو على شوفتْه ضامي ونشف من طول هجره ريق زوره ولا لي غير رب العالمينا رحيم وحكمته في كل سوره وتمّ الرد ياراعِ الجزاله وبغيت العذر لا بانت قصوره * على .. مركاي ! يصافحنا سلطان الفريدي لأول مره بهذه القصيدة الجميلة ، ونتمنى منه استمرار التواصل معنا في صفحته ملفى القصيد .. الشاعر / سلطان الفريدي جالس على مركاي في تالي الليل ضايق وأدور فـ/ التلفزون قصاد ولقيت أبو نوره يجر المواويل (وقف ترالي مع شفايفك ميعاد) وطرى علي أم الرموش المظاليل اللي غلاها داخل القلب يزداد الفاتنه .. أم الحلا صفوة الجيل هاجوس شعري لأجلها صار وقاد عيونها مكحولةٍ ماتبي ميل وبرموشها لا سلهمت تذبح أجواد شفاتها مثل العسل طعمه يزيل سمٍ سطابي هم من فوق الأكباد وجناتها مثل القمر نص أبريل تكفيك شوفتها عن النوم والزاد وضحكاتها أحلى موسيقى بتسجيل من عزف أبو سارة على روس الأشهاد لكن وأمر الله مــا فـيه تبديل لا بد ينهي كل شيٍ ولو زاد راحت قبل عامين من دون تعليل وللحين أنا أرجي للقاء يوم ينعاد ياما لأجل عينه كتبت المراسيل وياما سهرت الليل ماجاني رقاد أحدٍ يقول الزين هيّف على النيل وأحدٍ يقول الزين في وسط بغداد يّ الله عساها ف الليال المقابيل ترجع قبل ? تصبح أشواقنا ارماد * وطن !! النجم المبدع محمد آل مبارك اهدانا هذه القصيدة الإبداعية التي خص بها متابعيه في ملفى القصيد .. الشاعر / محمد آل مبارك (تعبت افز ان سمعت الباب يا الغربه دوم آتحرى وطن واقف على بابي) تعبت أدور وطن .. ضايع وأفكر به يقول: وينك ؟ أفا ما اشتقت لترابي؟ طيّرت لك .. شوق .. روحي من ضمن سربه تقرا عليك السلام.. وتنقل كتابي شاعرك والله بدونك عايش بكربه أقيس همّي .. واهو يمتد برضابي ثلثين قلبي حزن والهم في غربه حاولت أخفيه، فيني شقق ثيابي.. أحزان قلبي .. كريمه .. مؤلمة .. ذربه تستاذن القلب .. خوف تأذي أحبابي .. والقلب .. مل الرحيل .. وما لقى قربه الا ظنون أمتعه .. تسأل عن غيابي يا هم .. قلبي ارتوى ما يحتمل شربه كافي تحمّلت ضيمك .. اقبل اعتابي وجهت لي .. في خفايا غربتي ضربه استنفذت قوّتي .. وانقطعوا اقرابي أهديت لك حب، وانت اهديتني حربه تمركزت بالخفوق .. وجزت اهدابي يمتد فيني وطن .. ما يحتمل غربه في غربتي ،، ما لقيته يطرق ابوابي * «ملفى القصيد» المبدع عبدالعزيز البيشي يهدينا حصرية من إبداعاته عنونها باسم الصفحة، لا تحرمنا من هكذا إبداعات يا بو سعود. الشاعر/ عبدالعزيز البيشي وينس فديتس لعنبو جد محلاس يا مُنية اللي صاينس في فؤاده أبيس وقلبي فيس بالحيل يبغاس حتى القصيده صارت أحلى قلاده حضرة جنابس أسمعي لا طريناس قلبي عشانس دَوّن ألفين إفاده شوفس خبر حصري مباشر لقيناس ومن زود حبي شفتس بكل إعاده يا مرحبا ترحيبة الشعر لرضاس ياللي عشانس قد رضينا الإباده فصلت لس شعري على كل كراس حتى لقيت القاف نال الإشاده يا حلو صوتس لا غدى بعيني نعاس كني على ما قيل بأول مهاده كتبت لس ما كن قلبي ولس جاس عبر الصحف مطبوع باسم السياده ملفى القصيد إشهد عليها بتغطراس وأحكم في صف اللي نخاك بركاده لا طال شعري فيس لا باس لا باس مدي رموشس وأبشري في رقاده * شاعر المعنى 3 انطلقت يوم الأثنين الماضي، الحلقة الأولى من مسابقة شاعر المعنى في نسختها الثالثة، وشارك فيها الشاعر القطري علي بن حمد الدحابيب، واستطاع أن ينال على إعجاب وإشادة اللجنة وتحصّل على «الشاعر الذهبي» مما يمكّنه من التأهل مباشرة عن طريق لجنة التحكيم، وأطلق عليه الشاعر القدير سلطان الهاجري عضو لجنة التحكيم لقب «صاروخ سكود الشعر». علما أن هذه النسخة يشارك فيها شاعرين قطريين وهما علي الدحابيب وبدر العتيبي ونتمنى لهما كل التوفيق بإذن الله. * الــ keek أقدّر الشاعر الذي يستطيع تسخير أشعاره في خدمة مبادئه وقضايا مجتمعه , عبادي الزهراني يناقش ظاهرة حديثة تقرأون تفاصيلها في قصيدته .. الشاعر - عبادي الزهراني بـ الحلق : شهقة وجع الله يوجعكم ! استغفر الله وجعل الله يهديكم برامج السخف بـ الشيطان تجمعكم في كلّ شيّ اصبح الشيطان يغويكم ! لا يا بنات الخليج الــ keek ضيّعكم ! ما خفتم الله ولا خفتم اهاليكم ما عاد فيه ايّ شيّ اليوم يردعكم ! ما لـ الحيا وجه من كثرة بلاويكم ! باكر تموتون والعالم تودّعكم ! الموت له وقت راح يمرّ ويجيكم ! يوم القيامه وش اللي راح ينفعكم ؟ لو طوّل الصمت تفضحكم اياديكم !