تابعوا مجموعة ملفى القصيد على موقع facebook بادخال عبارة "ملفى القصيد" بمحرك البحث في الموقع mohdalmanna3i@gmail.com نرحّب بجميع محبي الشعر في صفحتهم ملفى القصيد ، ستجدون باذن الله التنوّع في الطرح ، وحرصنا على رسمكم اجمل اللوحات الشعرية ، والتي تمنح الجمال لملفاكم .. ملفى القصيد. والله ما أعيّد ! أهدانا الشاعر النجم حمد البريدي أجمل عيدية وهي قصيدة خاصة بمناسبة العيد السعيد الشاعر حمد البريدي من عايد العيـد يا من حُبه اضناني والفرحـه الغاليـه .. ما تكتمل دونك ما في ضحى العيد شيء يرضي اعياني الا تكون بـ مكان اللي يشوفونك ولو يثر الحزن في كبدي .. ويبلاني تبري جروح الحشا من ماطر مزونك سوالفك تذكره .. لـ العالم الثاني للعالم اللي ما فيه الا انت وجنونك اجمل ما فالعيد .. صوتك يوم هناني حتى تحفاك غيرّ .. ان قلت ؛ وش لونك لو ينطق الدم في قلبي وشرياني ماهو بقايل سوى : آحبك .. ويا عونك للعيد في شوفتك طعم وشكل ثاني يسكب حلا فرحتـه في قلب مضنونك وان كان ربي عطاني عمر .. واحياني والله ما آعيدّ .. الين اشاهـد عيونـك حضن أمي أهدتنا الشاعرة القديرة هنادي الجودر قصيدة حصرية بالعيد ، ومضمونها أن ليس الكل فرح بالعيد بل هناك من تجتاحه مشاعر أخرى .. الشاعرة القديرة هنادي الجودر العيد عاد و عادك الله مع العيد يا فقد يا طعم الألم و المراره حيّا الله مرسال الحزن و التناهيد حيّاك في قلبٍ لقى فيك داره اقلط تقهوى من عنا شيخة الغيد خلّ الحزن ياخذ من القلب ثاره سلّم على ( مريم ) سلام المفاقيد سابع سنة يا الغالية و الخساره نصيبنا من قلّ وصْل و عناء قيد و لا اربحت من بعد فقدك تجاره و قبل الرحيل اوصيك بالله و اعيد وصيةٍ من قلب ساق اعتذاره للوقت ، و الاصحاب و احبابٍ اتعيد طعم الصبا و اتذوق اجمل ثماره سلّم على ( مريم ) و خلّ المواعيد في خانة التأجيل تكتب عباره من بين زين الناس و الشين ما اريد الا حضن امٍ مُحال انتظاره أصبح صباح العيد و احضانج بعيد لا اريد ثوب جديد و لا ابي زياره الامور الثمينة الشاعر عبدالعزيز الحادي الحمدلله والثنى له على الخير اللي دركنا بالامور الثمينه واللي ركايبها حمولة شهر سير واللي دركها صار ضمن السفينه الفيت يا شهر المودة بلا ضير مثل الذي عوّد لروحه السكينه لان الجوارح في حضورك بها غير ترقى لو الشيطان كثّر زنينه ولان النهار اكبر وأجره بالكثير طوقت نفسي عن دورب المشينه ولا المسا خالط مع الريق تكفير من الذنوب اللي تحطها سنينه ولان الليالي ذكر بي وتدابير ايقنت انه بالوتر لي حنينه للصوم لذّه ولذّة الطوع تيسير للي يوفق بين دنيا ودينه واللي يبي يرتاح من دون تعسير هذا رمضان بْكل حوله وبينه أغرف من أعمال الشهر ولزْم البير اللي على مسقى التقى وارثينه يالله عسى الريان مهد التباشير واكتب لنا من كل بيتٍ مدينه وعتق رقابٍ من شرار المناكير في كل ليله عاتقٍ به سجينه وان صبْت في قولي من الله لفا الخير اللي بفضله كم دركنا الثمينه وان جات زله او بدا لي بتقصير استغفر الله والعفو من يدينه كل عيدي الشاعر ياسر العتيق كل عيــــدي مخـتزل فــي شـفتك أضحكي لي خلي عــــــيدي يـبتدي ياه.. يا نضج الكرز في بسمتك و اذكر الله وانحر اشواقي فـــدي و لـ ارتوى توت الخجل في وجنتك أســمــحي لي آكل التوت النـدي من كثر شوق العيون لـ رمــشتك للمعانق هالجفون .. بتهتـــدي واتلعثم فــي شهيقـــك كلمتـك واسمع الزفرات: (يا بنت اشـردي) و امسك اطرافك، يا لبى رقــتك ليه ترحل قبل تمطر موعـــدي؟! كم عطشتك لا تشح بـقطـرتك عشت ادور لك بداخل جـرهدي ألتفت لي نفسي اشرب طلتك في هطولك يهتف القلب ارعــدي كيف برقك ينطوي في ظلمتك وانت تشعل جــذوتك في موقدي؟! آتـسـامـر بك ليالي قمرتــك وآتقهوى من شعورٍ سرمدي أطربي روحي مـــن اعذب نغمتك كَمْ أقَضَّ الشَــوْقُ رَاحَةَ مَرْقَدِي صح أحرجتك ؟! يـــبان بـلثمتك من ثنايا غرتك لاح الجـــدي خاطري أسمع نسايم همستك هاه غمضت بيدينـــي غرّدي حتى فجري ينتظر عـيديّتك بس قولي كل وعامي يهتدي كل ألـــوان النهـــار برمستـــك لوّني لوحة صباحي و اشردي أوف .. بالعيد ! الشاعر بخيت الهاجري ‏اللي (دوامه) ماصدف (أوف) بالعيـد خــلـه يـعايـد و الـعرب مــادروبـه جعله على راس العمل عيده أسعيد فرحة وحيدٍ .. ماحدٍ لـد صووبـه دامه على (زامه) .. وعن ربعه أبعيد ماينفعه قرشن .. دخـل فـي جيوبـه صرنا عبيدٍ للعمـل .. مالنـا إيـد حكم العمل (طاغـي) وحنـا شعوبـه نرضى .. ولو مافيـه للحكـم تأييـد مثل(المذلـه) فـي عيـون العروبـه الشفـت .. نسانـا الوفـى بالتقاليـد و(قطع الوصل بالرحم) أكبر عيوبـه حكمه علينا دون (وصل العرب) قيـد وضيمه على (كثر المتاعب) عقووبـه نصبر ولو ما أشوف للصبـر تحديـد وأيامنا بالماضيـات .. أمحسووبـه عيدٍ على راس العمل ماهو بـ عيد عزي لنفسٍ في ضحاه أمغصوبــه إشراقة العيد الشاعر عبدالله الحديبي يا "بسمـة الاطفال" يا "شيخة الغيد" يا غيمــــةٍ تشفـي جــراح الامــاكن يا " فتنة السلسال" لاعانق الجـيد يا ام )الجديل( اللي كما الليل داكن قطعة حلا كومة غنج بنت اجاويد غيض العذارى كم عليك ايتحاكن محتار ويش اهديك فـ اشراقة العيد كل الهــــدايا مـا توفّــيــك .. لكــن هذا خفوقـي بين ايـاديـك . و ازيد كم : قطعــةٍ : بيـن الحنــايا تــراكن تقبّــليــها و اطــــربينــي زغــــاريد وضمي كيانٍ في هوا العذل سـاكن كل عام و( انا وانتي) انسافر بعيد نبعد عن زْحـــام البشـر والمساكن في عالـــمٍ ما فيه دمــع وتنــاهيد فيه الغـرام وطير الاحباب واكن نتبادل الاشــواق رعشة وتغــريد وجرح الشفاة اللي فيَ الخد ماكن عشـاق نتحدى ظروف المواعيد ونخلي عيــون العــواذل تبـاكن جرحك .. مبارك الشاعر عبادي الزهراني من عقْب .. ما طوّل غيابه .. وعانيت ..! جانـي ! .. واقول ارحب ترى الدار دارك واقول له .. في غيبتك .. صدق ملّيت !! قضيت .. ايام السهر ..)فـ انتظارك ( ! )عـ العيد ( .. جيت ومثل ما نا .. تمنيت فرحة رجعت .. وفرحه اكثر .. بـ ابارك ! ) عيدك مبارك ( .. قلتها لي .. وقفّيت ..! لا والله الا صدق ..)عيدي مُبارك ( ! بـ الجرح .. عايد فرحتي .. زين سوّيت ! شكرا ..)على .. عيديّتك ( .. واحتقارك انشهد انّك .. في جروحـي .. توصّيت ! الصدّ ؟ .. بيتك .. والقسى كان .. جارك ) وامّا غيابك ؟( .. ضقت منْه .. وتعنّيت القرب ؟ .. جنّة .. لكن البعْد ؟ .. نارك ! مَ تلاحظ انّك .. في جروحك .. تماديت ! ) والدمع طـاح ( .. وفيه كان انتصارك ! ماظنّ به اقسى .. من انّك ..)تخلّيت ( الا اذا ..)طال السهر ( .. فِــ انتظارك ! لا تعتذر بكرة .. تجي اتقول .. اخطيت ! بـ آلله قلّـي .. وش يفيد ..)اعتذارك ؟ ( )عايدتني ( .. في ليلة العيد .. واقفيت ! عايدتني بِـ الجرْح ..)جرحك مُبارك ( عــــاد عــيـــده الشاعر محمد بن شرهان عـاد عيد اللي عن عيوني بعيد والـعرب قامـت تهنتي بالـعيـاد عاد عيده وأن نشد مابه جـديد عقب مـادبر حياتي فــي جـهاد العرب قامت تهني بالـقصـيـد واعذب الكلمات صاغوها جداد والله اني أصـخـر القاف العنيد لين يـذعن في طواريقٍ تشـاد بس بغيابه أنـا عفت الـنـشـيـد لوّ أجامل بالشعر كل الـعــبــاد ودام عيدي عاد والـغـالـي بعيد والـعرب قامـت تهنتي بالـعيـاد عاد عيده وإن غدى حالي زهيد فرحـة الأعـيـاد في عيوني حداد