نرحّب بجميع محبي الشعر في صفحتهم ملفى القصيد، ستجدون بإذن الله التنوّع في الطرح وحرصنا على رسمكم أجمل اللوحات الشعرية والتي تمنح الجمال لملفاكم.. ملفى القصيد. لمراسلة الصفحة: mohdalmanna3i@gmail.com تابعوا مجموعة ملفى القصيد على موقع facebook بادخال عبارة «ملفى القصيد» بمحرك البحث في الموقع ، وعلى تويتر : :malfaelge9eed@ * السنين العجاف الشاعر / عبدالرحمن آل مغني الشهراني حي السنين العجاف وكبوة حصاني ?صرت ماني بطيق الطيب والمده الطيب موروث من بويه وعماني رفيق دربي واخوي الثاني اعده وان جات للمده الجزله فلا امداني أصير حاتم فلابه حاتمن قده اعز لحية رفيق الطيب لا جاني أخذت منه الجميل وعقبه أرده أفخر ليا صرت له مسنده والعاني يرتاح له خافقي ويبيح ما سده ياصاحبي لاهفيت ابمنطق اللساني فأدمح خطا صاحبك لاشك ما وده يامسندي وان غدت ساقي ماتقواني أعدك الساق وقت الضيق والشده وأنا مثل منت خابرني وتهقاني خويك ان طالت الأيام والمده لايغرك ان الدروب العوج تعصاني والحظ الاقشر كسرني نعنبو جده اجود باللي معي وازبن الجاني مسلم وأصلي ولاني من هل الرده اصبر على كل مخطي واقبل أعاني اقبل مدام الخطا ماقد وصل حده الا غياب الغلا اللي ما حشم شاني ماني بحمل الجفا ياصاحب الصده وش كان ذنبي نسى ولا تناساني ؟ قطع كفوف الوصل وش باقي أمده؟ كم سقت لجله فريد القاف باللحاني كم قد بنيت الحلم واشوفه ايهده روح واخذ فرحة اسنيني وخلااني روح عساه الغياب اللي بلا رده وإن كان أباروح له فالله ينعاني عساني افقد وصال الطيب والمده * الجوكر الشاعر / خلف المشعان العنزي مادمت تنشد يارفيقي .. عن الحال مالي على .. كتمانها عنك .. حيله الصبر عن بوح الاحاسيس .. قتال والبوح في بعض المواقف ، فشيله لو كل مايطري على البال ينقال ماكنت أحس ان الثقيله .. ثقيله ابطيت اكافح ضيقة البال بالبال وادفع بلا .. هاجوسها كل .. ليله لين اقبلت مثل .. السحابه بهمال تشفي غليل اللي .. تزايد غليـله رعادها خيلاً تدابك وتختال وبراقها لمع السيوف الصقيله طاحت ، ولاْوفق من حناياك منزال وسع فضى صدرك ( لـ فيض ) المخيله يابدر .. ماني عال .. لو صحتي عال شفني من الصدمات نفسي عليله اشيل حملٍ .. لو يشيلنه .. جبال الله ، وامانه .. غير تصبح نثيله أرمي .. من هموم الزمن .. واسحب أدبال وانزل عن ( الجوكر ) وغيري يشيله من كثر ماشفت بحياتي من انذال بديت اشك ان النذاله ... فضيله !! ماطاح من عيني رجل ..!! طاحوا .. رجال ورجال ( يابن حنيف ) ماهي قليله اقرب من اللي قالهم ضمن ماقال .. راكان بن حثلين .. راعي الجزيله ( هذا .. ولد عمٍ ، وهذا .. ولد خال وهذا .. رفيقٍ مالقينا .. بديله) سبحان منهو يابدر غيّر الحال!! وحط الجفا بين الخليل .. وخليله هذا الزمن يبغاله .. لسان دلاّل! من يستحي هالوقت .. واعزتي له وقتٍ به ( الراعي ) غدى .. راعي دلال كلٍ على طاريه .. ينفض شليله!! ومن كان ساسه للردى مضرب امثال اليوم .. يحسب من كبار القبيله!! المال .. يابن حنيف ملعون .. ابو المال ذل العزيز .. وعز .. ناسٍ ذليله! * طال الصيف الشاعر / جابر الدحابيب يا منصور طال الصيف والقيض قل حلاه و ترى سهيل باقي له حوالي ثلاث شهور أشوف العرب كلن يجهز يخلي حماه نووا للمصيّف وكل واحد غدى له شور حدٍ جهز شناطه و عجّل وتل خطاه يبي الصيف في باريس ولا كوالامبور وانا وسط زامي بيني وبينه مخاواه إذا غبت يفقدني وإلى رحت له مجبور وانا موتري من كثر ما أسرح حفظ ممشاه من أباب لين دخان ولبعدت رحت الخور ربطني معه ربطة كريم ٍ وضيفه جاه حلف ما يروح إلا يقدم له الميسور واذا حلل المحرم حرامه بـ ذبح الشاه غدى للقنص طاري وانا ماني بـ معذور بـ حرك على موتر يعجب الصبي ممشاه انا وجهتي للبكر والريش قبل أم زور معي ربع لولاهم ما كان القنص أهواه ولا غاب أصغرهم ترى ماني بـ مسرور ندوج ونوجه كل واحد على مشهاه و وقت الهدد رتب وكل طير جايه دور وانا محتزم بالي ينومس وانا لولاه ما سبرتها في الجو والجو فيه طيور و إلى راحت العازم وجا دوره مخالاه سمعتوا الجهاز يقول منصور يا منصور ولا تسمع إلا قول بيصيد ما شاء الله وأنا ماني بـ هايب ولو هي تعبر بحور وإلى غاب عن عين المسبر وعقب أخفاه بشغل جهاز الطير وانا ماني بـ مذعور أبا أعينه صايد وهو ما وصل لـ أقصاه و حولت له من غير دسه بدون شعور وذا الحين يا منصور ذا القيض قل حلاه أنا خلني فـ دخان ولبعدت رحت الخور * عليه السلام الشاعر/ محمد بن شرهان ادور مــنــامـي وآتــقـلــب ولابــــه نــــوم لـعـل ان مـنـامـي عـن عنى الــهم يعفيني وإلى من ضوى ليلي غرس بالضمير سهوم تهاوى بــوســطــه والـهواجـيـس تشقـيني عـلـى واحـد لــولا كــلام الـعرب واللــــوم سـكـنـت بـمـنـازل لابـتـه بـاقـي سـنـيـنـي يـتـل الـضـمـايـر تـلـة الـعايــدي شـغـمـوم إلــى مــن تـســنــد رمــلـــةٍ رده ثـنـيـنـي يــتـلــه بـحـمـلـه لـيـن يـهـوي مـعـا درثـوم فـقـد راحـتـه فـي لاهــب القيض والشيـني وأنـا خـابرٍ بـعـده وفــرقــاه لـي مـقـسـوم لاشـك الـطـواري فـــي وصـالـه تـسـريـني ومـن غـيـر حـبـه مـبـطـيٍ والخفوق يـشوم رضـيـت بـحـزونــي والـروابــع تـمـنــيـنــي عـلـيـه الـسـلام عداد مـاقد مضى مــن يوم وعسى وان تمادى الهجر ماتـفـقــده عــيني * أجمل الأطفال الشاعر / ياسر العتيق أنا لا زهمت الشعر جاني علىاستعجـال يجاوب: أنا لك سـمّ لبّيـه يـا الغالـي يقدم جميل الحرف منقـوشبالأشكـال طبيعي يكون الحـرف وافـي و يهنالـي بيهنى لأنّه ملك طفلـه خـذت هالبـال أنا و القصيد الجـزل صرنـا لهـا مالـي أبملك /بتملكني/نعم؟! هاه؟! وش ذا الحال تلخبط نظام العقـل بـك دالـهٍ سالـي تجيني رنيمـي بالدلـع و الدلـع لا زال يذوّب قلوب الناس مو بسّ أنـا الحالـي عليك الدلع لايق وغيرك عليـههبـال جنونك غرورك مـرّك الشيـن يحلالـي يحلوه سكنتِ القلب يا أجمـلالأطفـال عفيفه بريئه حيل تخجـل مـناظلالـي تجيني وانا مهدود مـن زحمـة الأشغـال تسبق صرير الباب تـروي ظمـا حالـي تنادي رنيم القلب:. بابا. أجـي منهـال بصـدري ألملمهـا ويـدّي لهـا شالـي ألاعب تخاصمني، أخاصم علـيتحتـال تنسّي هموم القلـب بالضحـك تحتالـي أهوجس/أفكّر/(آه) رجعنا لـذاالمـوّال أقفّل بيـوت الشعـر أبـرك و أولالـي * يا .. هيه ! الشاعر / سالم علي الكعبي يـا هـيـه أصحـى وأسـمع الحكي ذا اليوم مـا هـو مـؤلــف مِـنْ حـزاوي الـروايـات خــلك ف حـالك وأتـرك الـعـذل واللـوم لا تـجـيب لـي مِـنْ جـعـبتـك والـحكايات مـا أسـتـمـع لـو شـاعـت عـلوم وعلـوم مـانـي مِـنْ إلـي يـهـتــوّن الإشـــاعـات في حـزت الشـده عَلَـىَ عـزم وعـزوم مـا هـي عـزومـي للـسذج والـتفـاهات عَلَىَ الـمـعـالي طـيري يشوم ويـحـوم فـوق الـكـواكـب والـقـمر والـمـجرات سـيف الـمعانـي ورث مِـنْ لابة قـروم مـا ينـكسر سـيفـي وأنا شـلت رايـات عـادات ربـعـي أصلها سلوم ف سلوم والـحمد للـه مـنتشـي ضـمـن عـادات يـا جـاهـل الـمكـتوب أشبـع من الـنوم حـنـا ذيـابــه مـا سـلـكـنا إنــحـرافـات والصاحب الغالي على الخشم محشوم أمـشي عَلَىَ شـأنـه دروب ومـسـافات أنــا عــضــيـده لا بــدا لـــزم ولــزوم عـهـدن عـليه وأكـتبه ضـمـن الأبيـات