نرحّب بجميع محبي الشعر في صفحتهم ملفى القصيد، ستجدون بإذن الله التنوّع في الطرح وحرصنا على رسمكم أجمل اللوحات الشعرية والتي تمنح الجمال لملفاكم.. ملفى القصيد. لمراسلة الصفحة: mohdalmanna3i@gmail.com تابعوا مجموعة ملفى القصيد على موقع facebook بادخال عبارة «ملفى القصيد» بمحرك البحث في الموقع ، وعلى twitter: malfaelge9eed@ * شكرا ياوقت القسا الشاعر / محمد عبدالهادي الغامدي ياسنيني اللي مضى من حزن مايكفي؟ من عزّة النفس ماقــد قلتــلك كافـــي صبـرت واقــول لابــدّ الزمـن يصـفــي لين اكتشفت الزمن فـي وقـتنا جافــي يشبه قلوب البشــر ماقــدّرت لطفــي وفيت لكـن لقــيت الظـلم واجـحافــي حملْت هــمّ الخــوي وأردفتــه بكتفــي وردّ الجزا طعْنته مــن بيــن الأكـتافــي ياجـرح وان زاد نزْفـــك باكــر بتشفــي ماانت اول اللي سكن في قلبي الوافي تعال قبـل الجــروح تبـتّ فــي حتفــي والعذر لاشفت مصباح الفــرح طافــي تعال شارك جروح الـقلب فــي عزفـي ولاتروح في بحْر حزني دون مجدافـي نصف الجروح القديمه تسْكن بنصفــي وين الامل ليت يسْكـن نصفــه الغافـي الله ماأوفى الجروح نصــدّ بـس تلفــي تستوطــن القلـب كنّــه بيتهــا الدافــي عكس اغلب الناس لأنْهى حاجته يقفي وان حدّه الوقت للحاجــه يجــي لافــي وان جار وقْتـك عليك وحــدّك الظرفـي يغيب عن نـــاظرك ما عــاد ينشافــــي قدر اكثر الناس مثل الدمع في طرفــي طـــاح الكثير الكثـير وضــاع بالـــسافي ملّيت كثر الخطـــا ياكثــر مـــا نــعــفي لو كــان مــاهزّني كلمــه مـن الهـــافي شكراً ياوقت القسا ساعدت في كشفي لأصعب حقايق جهلْها قلـــبي الصــافي بقْفي وأخلّي جروح الوقت من خــلفي وان رحت عـــنها كـــذا مارحت متعافي روحة كسير الزمن صعبه علـى وصــفي ياما وطــت رجلي الجمره وانا حـــافي بسكت لعلّ وعسى جرح العنا يغـــفــي مــاعدت أطيق السهــر لايبحث الخافي سطّرت كلّ الجروح بشـعر مــن نــزفي من هو وفــا بالزمن غير أنت يـــاقافــي كثْرت جــروح الزمــن ماقلتلــه يـــكفي واليوم تـــكفي طلبتك يـــازمن كــافــي * تاخذين الذكرى الشاعر / وليد الناصر ياهوه انا من غير شوفك ولا شي تعال عطني من سعادتك لحظات ليتك تجاوب صرخه الميت الحي ولا تداوي جرح مافارق الذات انا طواني البعد ياغايتي طي لاشك من بعدك فقدت المسرات تاخذني الذكرى وانا فيك مبلي مابين حزن وهم ساهر ولا بات ياليت قلبك يوم جيتك نصف لي حيث ان قلبي منك تكفيه همسات ودي بشوفك ليش ماتلتفت لي والله ماودي سوى بعض نظرات تدري بعد فرقاك مال الدهر بي ولا انت ماتدري بحجم المعانات ياما انتظرتك بالغلا تعترف لي وياما تمنيتك معي طول الاوقات لكن ضميرك مايطوعك وصلي يافرحه كنت احتريها ولا جات دنياي ماتسوى بدونك ولا شي ياليت تجمعني معك بس نظرات * المحبه.. مقادير الشاعر / مانع الوشاحي ماعيب نعشق والمحبه مقادير العيب كيف نعيش معنى المحبه اكبر خطانا تونا عادنا نسير نعثر والكن ما نطوف المطبه واتفه خطانا ان نظرنا على الغير ان ما دعيناله نرد ونسبه ياكم صغير وحكمته توزن كبير ياكم غشيمٍ ما غرق وسط غبه الوقت واحوال العرب مابها خير الصبح زل السعد والليل كبه حتى الحمام اللي على رزقه يطير اليوم ضيع وين رزقه وحبه الوضع الاول ماهو بمثل الاخير لو الغصن يثمر وريحه تهبه نظر عذوقٍ يا عساها تباشير وضاعت رجاوي حالنا دون سبه كل شي له مع ميلة الوقت تبرير لكن جهلنا عوقنا وضاع طبه رزقك على الله دوم مقسوم ياطير لاتجر صوتك جفننا ما يحبه بنام وانت ان نمت تصبح على خير ماخاب ياللي يرتقب عون ربه * الورق الشاعر / عبدالله قليح الرفاعي ياالورق نوحك من طرب يومك اتنوح ولامن اهمومك تجر النوايح انته تهيض كل عاشق ومجروح وانته سبب هيض الشعر والقرايح ومالك ورى تعذيبي اكيد مصلوح وذكرتني شئ عن البال رايح واجبرت راع السر حتى انه ايبوح ياالله دخيلك من دروب الفضايح انا تراني فاقد امعادل الروح ولولا الحياء جريت عال الصوايح وانا مفارق لي من البيض مملوح ريم الفلا كبدي عليها شلايح غلاه في جوفي له ابراج واصروح وفي وسط قلبي يشتغل كالشرايح والصوت من فرقاه بايح ومبحوح والصدرمن كثر الهواجيس فايح ودرب الهوى يتعب ترى كل طحطوح واهله ترى مايسمعون النصايح وباب الامل مقفل ولاهو بمفتوح والوقت جوره جور والحظ طايح لكن يسامحني وانا اقول مسموح ولاغلى المجمول ماهو ببايح * يالسميّ الشاعر / خالد علي الكثيري يسعد صباحك يالسميّ لاتنام إن كان ودك ما أنام المحبة اتعبت قلبي رمي سهٌرتني شوق في حبّ وهيام وش بلا قلبي من العشقا ضمي كنّه الحيران في وسط الظلام اتعبتني واتركتني احتمي حيّرتني نظرة البدر التمام كلما قلت لحمامة سلّمي ع الحبيب الي تركني ياحمام بلغيه انّي على الذكرى حمي والعشق لازاد عن حده حرام جاوبتني والدمع يهمي همي الحبيب يبادلك نفس الغرام ثم قالت ياحمامه ارسمي قلبْ وامليه بسلاسل وابسهام والرسالة اختميها بـ مبسمي ثم روحي ياحمامه في سلام حيّرتني نظرة القلب العَمي هي رسالة شوق والا هي ختام؟ يشهد الله حبها يجري بدمي الظروف لحبنا .. ماهي تمام