نرحّب بجميع محبي الشعر في صفحتهم ملفى القصيد، ستجدون بإذن الله التنوّع في الطرح وحرصنا على رسمكم أجمل اللوحات الشعرية والتي تمنح الجمال لملفاكم.. ملفى القصيد. لمراسلة الصفحة: mohdalmanna3i@gmail.com تابعوا مجموعة ملفى القصيد على موقع facebook بادخال عبارة «ملفى القصيد» بمحرك البحث في الموقع ، وعلى twitter: malfaelge9eed@ * منبع الأحرار علي عبيد الغيثاني الا يا موطني يا منبع الاحرار والشجعان مشاعرنا تجاهك ما به اقوى من دوافعها مشاعر صادقه فيها المحبه والولا عنوان من رجالٍ يدور الوقت ما غير طبايعها رجالٍ يحتمونك كان ثار العج و الدخان و عن ميقافها حتى العواصف ما تزعزعها اهل نخوه و فزعه لا عبس وجه الزمان و شان وصار الموت يزهم ضدك جيوشه و يجمعها واهل شيمه و قيمه واتزان و معرفه وايمان و حبك يا وطن وحّد بيارقها و جمّعها تحت بيرق هل العليا ذرى المضيوم و المنهان مقابيس الوغى اللي شعلة النخوه تولّعها رجال من تميم و منهم الحكام و الشيخان جبلها الله على كسب العلا والطيب منبعها ملاذ المستجير اليا شكى من دورة الأزمان وريف اللي زمنها بعد شبعتها مجوّعها ومنهم قايد التطوير والنهضه عزيز الشان حمد واسمه يكفي عن كتبنا مع مراجعها حمد تاريخ حافل بالكرم والطيب والإحسان وبذل الروح لجل الروح تتحقق مطامعها تميميٍ تبنى نهضة التعليم والعمران و سخر للكوادر كل طاقاته وشجعها وقال ان التطور هو تطور قدرة الانسان جهوده تصنع بلاده و تنفعها و ترفعها ملاذ الخايف و ستر الهنوف اللي بدون اخوان و عون اللي عيونه ما بعد جفت مدامعها و من شعبه ينال الشكر والتقدير والعرفان الين اللي خلف شمس الضحى من الغرب يطلعها ترجل عن جواده فارسٍ من خيرة الفرسان و سلم ديرته للي يموت و لا يضيعها تسلمها تميم و حطها في داخل الأعيان حفظها واحتماها واحتمى شعبه بعد معها ولا فيها غرابه من تميميٍ وسيع بطان ليا جات الأمور معقده في ساع سنعها تميميٍ فهل يمناه يكسر شوكة العدوان فعل يمناه يفرق جمعها ويقض مضجعها تميم اصدق من الصارم تميم اعدل من الميزان عدوه تاقف حروفه ببلعومه ويبلعها قوي الباس محمود الخصال مشيّد البنيان جبال المعضلات إليا بدت شمسه تميعها والا يا موطني يا درة البلدان والأوطان ترابك من ذهب وحزومك الفضه ترصعها * بالدما نرويها راشد ال سالمين يا دارنا اللي بالدما نرويها نعشق حضارتها معى ما ضيها ونموت لجل حدودها المنتله شبر شبر من برها لشاطيها بعيون أهلها كبرها ما يوصف و وقفاتها بين الدول تكفيها البحر حاصرها وقال انتي لي واليابسة عيت تفرط فيها من عادها بنتٍ صغيره جدا وهي غايةٍ والكون ذا يبغيها واليوم صارت بالبها والزينة عروسةٍ خطابها تفديها رملٍ ذهب للي ما يجهل قدره وشواطيٍ كل الجواهر فيها حره وتبقى للأعالي حره والخير من فضل الولي كاسيها أبراجها تحضن سماها طربه وغيومها بامطارها تلاحيها هذي قطر أجمل دول هالعالم في عيون شعب كلمته لبيها الدولة اللي اعيادها تتسابق اما تصبحها او تمسيها الحمدلله والثنا والمنه والفضل بعده للذي واليها وحن أمنها باذن الولي سبحانه ورجالها اللي في اللقا تشريها ما حن ندق بريك لا دعتنا نقدم على الموت الحمر ونجيها شمالها غازل جنوب الوكرة وريانها من حبها يسقيها وعديدها لعريقها تعشقها وبروق نسمات الفخر تبديها ودخانها يرسل جزيل اشواقة الى الزبارة والغلا يهديها من آخر الدنيا الى دوحتنا ارسل سلاماتي وانا مبديها والى قطر عمومها وارجاها سلام يا داري ويا طاريها والى الامير الوالد ابو مشعل اللي مواقيفه محد يحصيها شيخ الشيوخ معربين المجنا ارسل سلامتي وله بثنيها ولحاكم الدولة تميم الوافي امرينا اللي كلمته نصخيها اميرنا اللي كل حاجه عنده لا استصعبت باذن الولي يقضيها الطيب راسه والمكارم طبعه وانا اشهد انه سيدي راعيها ابو حمد الأرض الجفاف البليا لو سار فيها خطوته تحييها تميم جزل المد نعم القايد يمناه في المدات ما يوصيها تعودت تعطي عطا ما يوصف ومدات كفه ما حد يعيطها هذا تميم المجد راعي العليا قصايدي اسمه بها يثريها كتبتها وانا هنا بأمريكا لكن قطر واجب علي أهديها حروف شعرٍ صغتها من قلبي لاغلى بلاد احبها واغليها * يـابـلدنا عبدالله بن حمد بن عبدالله بن حذيف النعيمي يـابـلدنا تـغني يـالحـروف الجـميله والبـسي كل بـشت يـنومسك بالجدايد دام راعـيك معنى للعـطايا الجـزيله طيرك اليوم عوّد وابشري الطير صايد من شمال الديار و جيت ابهديك شيله كيف ابوفي حقوقك وانتي ام الفرايد ياتميم العطايا مهرتك ذي اصيله ياتميم الجزاله وانت ذخر الشدايد حن سيوف الملاقا لا غشا الدرب ميله نعطي الحق حقه ذي تراها عوايد كم هبيلٍ نوانا وكم هبيل وهبيله ثم تبدد مراده في دروب البدايد وكم دخيلٍ زبننا وكم كسيرٍ نشيله يشهد الوقت صيتٍ في ذرا العز كايد وانت قايد وطنّا ترتكي للثقيله وانت والله منّا وبيرق العز رايد لاح برقٍ شمالي واختفى من مخيله وانفجر ما خفيته من جديد القصايد * بلاد وعنوان الشاعر جابر بن عنان المري الناس كلن له بلاد وعنوان وكلن يحب ويفتخر في دياره وداري قطر تاج على روس الاوطان دار الحرار اللي تعشق الصداره من عصر جاسم لين وصلت كحيلان اميرنا اللي يستحق الاماره وهي في نمو وفي تطور وعمران حتى اصبحت رمز الرخا والحضاره وتميم جاته طايعه طير حوران الله يطول عمر منهو قراره الباسم الحاسم إلى كان ما كان يامر ويلقانا برسم الاشاره اهل قطر ربع وبني عم واخوان البدو واهل البحر واهل التجاره واميرنا الوالد نحبه وله شان حقه علينا مانغير مساره