نرحّب بجميع محبي الشعر في صفحتهم ملفى القصيد، ستجدون بإذن الله التنوّع في الطرح وحرصنا على رسمكم أجمل اللوحات الشعرية والتي تمنح الجمال لملفاكم.. ملفى القصيد. للمراسلة: mohdalmanna3i@gmail.com تابعوا مجموعة ملفى القصيد على موقع بادخال عبارة «ملفى القصيد» بمحرك البحث في الموقع twitter: @mohdalmanna3i * «أخط و امحي لشموخك» أهدي هذه القصيدة إلى مقام صاحبة السمو الشيخة موزا بنت ناصر شعر: حصة مهنا علي البوعينين برقـك ثـَـنَى الألماس يا ساسك الجَوْهـَر والفعل مجرى النَبـِع متـْضمّخ ابعنبَرْ قدّها يا بنت الشيوخ مظهَرْ على مخبَرْ بيارق الياقوت عنابي تتبختـَرْ تضحك بيدّك فرح يوم الجهد أثمر يا العاليه «موزا» صيتك بكل منبَرْ علم وعمل وانجاز سعيك نجح وأزْهر مرّي علينا بضوى دربك تراه أخضرْ لو شعري يجزي سخاك أقلامي تتكسرْ هذي حروفي بدتْ للساميه تقصـَرْ اقسم بربٍ يراني في الغيب والمحْضَر أَكنّ لك في ضميري لو سطري ما فسَّـرْ أخط وامحي لشموخك شهرين لو أكثرْ احترت وين ابتدي؟ كيف أوفي، كيف أقدرْ؟! لو ببتدي في صفاتك غيري شدا وقصـّرْ وين الحروف التي توفي الذي عـبـّرْ ؟! تبقى في قلبي مشاعر تذهلني بكْ واسهـَرْ نشوف فيك الوطن علمْ بقطر يزخرْ وتشوف فيك النسا عضدٍ ولا يقهرْ واشوف جيلٍ وراك بالمجد يتدثـَرْ يغطـّني لك وفا بحرٍ نما ويغزرْ واللي يضمّه ضفافك لا شك ما يخسَرْ هذي مشاعر دفينه من قبل ما تظهر للي طلبني طمع للمدح والمنظر ما قط منحته مرامه لو ساق لي جوهر تشهد عليَّ المحابر ما ظن تتستر الشعر دفقة عروقي دمـّي على المحبر وأنا بسجية قصيدي ما اسومها واغـتـرْ لكنّ فعلك بهرني قد فاض بي واجهر فعلٍ لنجمة ثريا في مزنها تبْهـَر هـزّتْ بشعري رعدها واخضلّ بي و امطـْر و ادري اللي مني بذلته لا شك ما عبـّر لكنها من فؤادي بعض اللذي يذخر قبليها مني هدية بيميني تتسطـّر أما في دوحة مقامك كل الحكي يصغر. * قومي قطر الشاعر /حمد الهـــدفـــه الـعـذبـه قومي قطر غني وزفي تغاريد غني لبو مشعل على كل ساري يـامـرحـبـآ ياعـيـد دار الأجاويد يـامـرحـبآ يـاعـيـد صرحٍ حـضاري ذا عـيـد منهـو خلد المجد تخليد ذا عـيـد مـن بـسـمـه يحق إفتخاري ذا عيد من ياقف له الشعر تمجيد عـيـد الـوطـن ذكـرى إتخاذ القراري قـرار خـلى أيـامـنـا كلـهـا عـيـد حـط الـبـلـد فـوق الـنجـوم السواري تـسـلـسـلـت لمجاد باقرب مواعيد مـتـواصل سير الضحى بالـمساري يـوم إستـلـمها إلـلي يـربي لـواليد والـعـلـم حطـه فـوق كل إعـتـباري إلـلي بـنـا لـمجـاد مـن غير تحديد يـاويـش بأمـثـل عـديـم الـمـواري لا عـنتر العـبسي ولا أقول ابوزيد ذا عندي اكبر من جميع الطواري هـذا الـذي نـبـدع بـه المدح ونزيد هـذا بـنـاء ارقى دولـةٍ بالصحاري هـذا الـذي شـيـد لـنـا الـمـجد تشيد حـتى عـن الـدوحة قراء كل قاري * نسل .. الأبطال الشاعر / عايض بن غيده القحطاني بسمك اللهم رب عليك الاعتماد مطعمٍ في مهمه البيد جايعة الوحوش والف صلى الله على المصطفى خير العباد وآل بيته عد ما راع جول وطار حوش في بحر الاشعار والنظم تجعل لي سناد لين اجيب الدر من بين حوته والقروش هبت النكبا ودن الرعد والغيث جاد وارتوى زرعً من القيظ والشمس امحروش ياسلامي ياذرى المجد يا نور البلاد يالجناب العذب يالصادق الوجه البشوش يأكريم النفس يالطاهر العف الجواد يا مسيد قمة من بغاها ما ينوش يا زعيم العرب في كل صخر وكل واد يا محرر باسم الإسلام رايات الجيوش ياحمد يا نسل الأبطال مسرجة الجياد لعنبوا رأسً على طارئ اسمك ما يشوش أنت محيي العلم والعلم فرض كالجهاد وأنت حماي الحمى ستر زاهية النقوش كل عام نلبس الجوخ و ثيابٍ جداد وكل شهرٍ ننثر الورد ونرش الرشوش شوفتك عيدً لنا غير عن كل العياد ترفع العرضات وتزهب أمات القفوش في رضاتك نشتعل لو يحل بنا النفاد وان حضرنا للملاقا على الهايش نهوش ثابتين في قطر محتمين للطراد ما ترف قلوبنا من تصاريح البلوش نحتمي بمصقلاتٍ عوايرها حداد لا مشت فالعظم تجعل مصاليبه هشوش ولو يهدد بو عمامه وتبع الاستراد عارفين أكثر الأقاويل من ضرب العيوش حن وقود المعركه وأنت يمناك الزناد ننتظر منك الآشارة ونجتاح العروش أمرنا بالله ثم بالنبي ثم الاجتهاد و أن زعل منا (.....) مهوب أغلى الطروش يأولي العهد يالصيرمي طير الهداد يا صليب العظم والاسم يالسبع النهوش يا موثق يا معتق شذى عنبر و كاد يالفحل مرغي الفحل شوق عاكفة الرموش من مضر تدعيك هامة مفاخرها تلاد ومن سلف مذحج لك اوراق عزً ما تكوش فيك تحقيق الأماني ومنك الخير زاد من يمينك مكرماتٍ مواردها نشوش اعتلينا بك على الكور من فوق الشداد لين مات بجمرة الحقد ذو القلب الأروش لك ولانا و الثنا و الوفى و الانقياد اشتريته بالوفى ما شريته بالقروش خطة التطوير تبغي سواعدنا عماد وابشر بقومً ما فيهم هبيل ولا ربوش الموارد وافره والنوايا باتحاد والهمم للعز والمركز الاول تحوش غير كاس الفين واثنين والعشرين عاد عندنا الرغبه بما لا حلم به قاراقوش الخلود بذاكرات الامم اكبر مراد ولا تخلد ذكر بيتً على ساس مغشوش ينذكر بني على العز لو قفّى و باد وكل بنيً من على الذل مخذل وامهموش مولد الافكار يحتاج هجمه وانفراد بين موجات التقدم واحياء القشوش الهدف تجديد وانشاء وابهار السواد ألعظيم اللي يراقب وهو كنه طنوش والله ان حتى اصدقانا لها عين انتقاد والخساره توجع اصيل ما توجع اكدوش جعل عالي سهمنا من علو لازدياد وجعل هيبتنا لها الصلب ينحاش امخروش * هذي قطر الشاعرة / سعاد الكواري الله يا بلادي جميلة اشــــــــــوفج مثل القمر صرتي ترى في عيوني كللج حـــــــلا والعز يسبق سيوفج هذي قطر هي جنتي هي شجوني حلـــوة ومزيونة ولا في وصوفج متـــــولع قلبي بهـــــا صدقــوني بازرع أنا روحي براحة كفوفـــج بذرة عشق تسكن دهر في جفوني ياللي الحسن كــــله يزين حروفج يا ديـــــرتي يا جـــنتي يا جنوني ليت الفرح دايم يلامس كفـــــوفج وابقى وفية لـــــــج ولو يذبحوني * بنت أبو مشعل الشاعرة / أنثى جموح ياهي قطر كفّة زَهَر في فصلها نتعطّر؟ او هو عطر فصلٍ حوى كفّة قطر بِزْهوره؟ لا هبّت أنسام الهوى كلٍ لها يتذكر؟ وللا بِذِكْراها تهبّ النسمة المسروره؟ معمورةٍ فيها قطر : فيها الضيا يتنثّر؟ وللا نضارة حسنها تعكس ضيا المعموره؟ لا مرّت امزون الغلا من فوقها تتكبّر؟ وللا حفاوة أرضها ترفع مزن مغروره؟ ديسمبر المحظوظ من سيرة قطر يتأثر؟ وللا الشهور اللي مضت بقلوبها مأسوره؟ هي بنت أبو مشعل مَعَه في طيبته تتستّر والشعب كله فدوةٍ لعيون أبو المستوره هي دار كل من له فِقَد دارٍ بها يتبشّر من قبل ما يقبل إهي تستقبله وتْزوره وان ما حصل تقصير جت تستسمح وْ تتعذّر من دون ما تتأسف وْ نعذر : إهي مشكوره ما نوفي لـْ بيض النوايا والوفا يتعسّر عنّابي الدمّ الأصيل وْ راحته موفوره ياربّ تجعل عزّها واقع معه نتفسّر وبـْ مجدها نحيا وهي تحيا بنا منصوره ! * عاشت قطر الشاعرة / نورة سلمان الخاطر ياسيدة وجه الخليج العربي ياشيخة العصر الأبي المرحبي هذي قطر وعيالها فرسانها وخيالها المعروف شيخ الملعبي حمد وموزا حاملين همومها وأعوانهم في كل وقت مشربي والكل منهم لعتزى (عاشت قطر) وإن ضاع عمره مايبيعه لأجنبي هذي قطر وشيوخها وكل شعبها لو صاحت من الضيم صاح اليعربي حنا عيالك ياقطر نفدي التراب لا مانبيع ولا يهون المنسبي بني تميم أسود حكام وقروم من خيرة الأنساب ياصحف كتبي ياموطن الشجعان وعيال الكرام ياهامة الفخر العزيز الأصعبي ياديرة علوم العرب في شرقها يالابسة تاج الوسام الذهبي خيالة العليا بني عم العلا ياملحمة شرق البلد والمغربي * سكة قطر الشاعر/ خالد علي الكثيري يامحمد شوف لي سكة قطر للديار اللي بها الشيخ الكبير والحياة اللي بها كل العبر والرِجال اللي تقدم كل خير والكرم فيها كهمّال المطر والعزايم ابركايبها نفير جيت ابوصفها - يواقيت الدرر - هي رجالن في الوغى دايم تثير من نصاها كل ماوده ظفر ومن تيمم في (حمد) حث المسير ذاك شيخن طاعته ماهي أمر طاعته بالحب "مو طاعة أمير" لو على يمناه تجري كالنهر في رضا شعبه حلف مايستشير اخطب الود بقصيدي ياقمر شوف لي سكة تنوّر للضرير