نرحّب بجميع محبي الشعر في صفحتهم ملفى القصيد، ستجدون بإذن الله التنوّع في الطرح وحرصنا على رسمكم أجمل اللوحات الشعرية والتي تمنح الجمال لملفاكم.. ملفى القصيد. لمراسلة الصفحة: mohdalmanna3i@gmail.com تابعوا مجموعة ملفى القصيد على موقع facebook بادخال عبارة «ملفى القصيد» بمحرك البحث في الموقع ، وعلى twitter: malfaelge9eed@ .......................................................... سادح ومسدوح ! الشاعر / مبارك آل خليفه ارسلت من روحي لروحي رسايل ومانيب متعافي ولانيب مجروح في صدر صدري قصر الاحساس مايل ما صدّعه غير المحاتاة والبوح والله مدري ويش انا معه قايل لا عمّت الفرحه ولا وقّف النوح يشع تاريخه بكسب الجمايل ومستقبله غامض ومكتوب في لوح أزف احاسيسه شعوب وقبايل وأكبر خطا في دورة الوقت مدموح ولو إنّي مخيّر بسوّي الهوايل وأشري دول واعمّر ابراج وصروح تخطيطي لروحي لا فكّرت هايل وعندي دليل وبالتفاصيل مشروح مثبّت ويبري الكبود الغلايل ومشرّف ويفخر معه كل طحطوح والله ماغير المراجل بدايل لو تنقص الصمله ولو يقصر الشوح دام الوفا منهج عيال الحمايل عزّة الاثم منها سنا المجد مطروح والوقت ورّانا نجوم القوايل وقمنا نشوف الناس سادح ومسدوح وماني بناشد لو تشب الفتايل الا انت .. مالك فالمقاريد مصلوح تعال دونك يا طويل الجدايل وعطني من اللذّه ما تطرب له الروح أثبت حبي لك بشتّى الوسايل ماهوب حبٍ ياخذ شوي ويروح يشهد على حبي خليفه ووايل وعدنان واكثر مارثة سام بن نوح تسلسل اجدادي عطاك الدلايل وان قلت ما صدّقت ما اقول مسموح ركّز معي واسمع وبرّق وخايل رسالةٍ ترسل من الروح للروح مخزنٍ لك بين الاضلاع فايل عنوانه أحبك يا حالي يا مملوح .......................................................... حالتي.. صعبه ! الشاعرة / نوف المالكي على الله حالتي صعبة واذا بترجع ترى يمديك قبل ما صير ملكه و اشتبك به يا معذبني على خبرك تراني أعشق عيونك واحب طاريك ولين الحين مطفوقة ولا غيرك مهذبني عسى تذكر ليا حان الكرى آتي حلم واجيك واسولف لك عن الشوق و ضميري لك يأنبني غلاتك واجبة من أوّلك لاخر حلا تاليك وتركّك يالغلا لو بفعله نفسي تعاتبني واذا تدري ترى عندي كلام يهدمك يبنيك وتفعل ما أقوله وبغلا أمّك واذا تحبني أبيك تعيش من دوني ولكنّي أنا أبغيك وانا أدعي عسا تفرح تفرّحني وتسعدني لك التّوفيق من ربّي وربّي يرزقك يعطيك وروح ابعد فانا مقدر أصاحبك و تصاحبني .......................................................... شرق .. برلين ! الشاعر / عايد مرزوق العويس - ألمانيا كل ما نويت اكتب غزل يا مهاوي واغض طرفي عـن دماء المصلـّـين و انزّل اشعار الوله و الغنــــاوي و اسد أذاني عن (دْموع ) الضعيفين واقول وش دخلـْي بهاوي وغاوي ما دام انا متواجد ٍ شرق برلين !!! ارجع لعقلي و ألعن اهل الرخاوي و اشن ثوراتي ف ْ وجه الشياطين ابليـّـا كرامه عــمـرنا غار خاوي و لأجل الوطن بتْهون روح العزيزين الـعــز درب ٍ له نسوق الخطاوي حنا عرب ما نرتضي عيشة الشّين الجرح بعض احيان ماله مــداوي و لا ينــدمل لو بالبكا تنعما عين يا شام لا تبكين اهل الهقــاوي و لا تنشدين المعتصم ديرته وين !! في هالزمن شعوبنا بالتساوي ما عندهم يا دوب حكـْـي البزارين بغداد يا نور ٍبه العمر ضاوي يا جرح ينزف في قلوب الملايين باالامس هـولاكو عمل بك بلاوي قطّعك يــا درة عيون السلاطيـــن واليوم بين الفرس و اهل الرشاوي وما بين واشنطن ضحيّه تونّين !!! ضعنا و غير الموت ما من مخاوي نحيا بكفن و الغير وسط الرياحين شبابنا عاطـل و يملأ القـهاوي و من خيرنا تحيا كلاب الكثيرين الجوع بالصومــال شابع و راوي و تجارنا فسادهم غرّق الصين والقلب ع الروهينجا ما عاد قاوي و ارقابهم تقطع لأنهم مسلمين و ربيعنا من جــاء جانا حياوي مسروقه للافلاس كل البلادين ما دمرونا غير اهل الفتاوي و لولا الخيانه ما خسرنا فلسطين خل نتفق نمسك جميع العراوي و نصير من شيعة عمر سنّة حـْـسين ونبني وطنــّـا بحب قلب ٍ سماوي و نحفر طريق المجد ف ْ طاهر ايدين عمر ٍ بــلا اوطان عمر الفداوي ذل و أحــاسيس الألم بالشرايين حرّمــْت اشعار الغزل و الغناوي ما دام دق الموت باب المسلمين .......................................................... الغيرة الشاعر والإعلامي القدير / راشد شرار بعدك علي اتخاف يا زين وتغار غيرة محب وخوف بعض المحبين لو شفت يالغالي محبيني اكثار ماحد غيرك يسكن القلب والعين انا شرار وانت يامحبي الحار حتى اشتعل شمع الهوى بين الاثنين مابين دورات الزمن صار ماصار ماخلّفت الا الغلا بين قلبين اكبار لكن شكلنا نبيّن اصغار ما كن مرّت بيننا سنين وسنين حلو العشق مادام يغلي على نار ارجو دخيلك زيدها النار نارين .......................................................... عطش فرقاي ! الشاعر والإعلامي / حمد الدليهي تلذذ عطش فرقاي واضما هجر وابعاد بودعـك كـفّـن عشـرتـي مـعـك وادفنـهـا شهـادة وفـاة الحـب فـي خانـة المـيـلاد علـى قفايتـي واخــر ممـراتـي اعلنـهـا ولاعادنـي فــي يمـتـك عـاشـق ٍ نـشـاد حجبت المشاعر عنْك والنفس ضامنهـا قطعت الحبال اللي لْوصلك علي تنقـاد قفلت الجهات اللي هبوبك يجـي منْهـا وعد .. خذ وعد ياسيرتـك سـر ماتنعـاد مداهـا علـى نبضـات قلبـي وصاينـهـا يعوضك وقتـك والزمـن معطـي وجحـاد الايـــام تـثـبـت لـــك وتـظْـهِـر بواطـنـهـا على وضعك المعتاد ماني معـك معتـاد عبرتـك علـى جلـود الثعابـيـن والَسنـهـا حياتـي دروس وعشتهـا مستفيـد وفـاد بعيـد المـدى والنـاس كاشـف معادنهـا ........................................ لا باع ولا شرى الشاعر / شاهر القثامي يالليل وين الحبيب اللي عليه طرى من عقب ذيك الليالي فاقدن طلته احيان اهوجس وترجع بي هجوسي ورا واعيش واقع خيال اموت من حسرته ياليل انا وانت في موت الضمير اخشرى اصدوف الايام تظهر حادثة موتته لوتنتهي صفحة الماضي ومحدن درى في جوف الاعماق مابعد انتهت قصته ايسوقني مع هبوب النود ريح الثرى واعيش في مملكة قلبك وفي دولته الخاسر اللي من لبوس الضفاف اعترى والكاسب اللي عزومه للسعد ودته واللي بسوق الشيم لاباع ولا شرى يسلك طريق غلط ماتنعرف وجهته