* الدولة قطر الشاعر / سالم بن خلف المناعي الفخر ,, والعز ,, واصوات الصهيل لمعـة المصقـول والدولـه قطـر بنت مرحـومٍ بنـى مجـدٍ سليـل احتماها .. بسما .. بـر .. وبحـر جاسم ابن محمـد الشهـم الأصيـل راعي الماقف الـى شـان الدهـر الجليلـه صافحـت كـف الجلـيـل يومهـا تنشـد بـالأرواح المهـر ساق روحـه والمنايـا بـه تخيـل والقنا شفـقٍ علـى الـدم الحمـر نادرٍ لامـن هـزع راس الطويـل ينصـرم لعـداه فـجـاج النـحـر في عيونـه كـل شـيٍ مستحيـل يستوي لعيونهـا .. عـز وفخـر في عجاج الكون والحمـل الثقيـل طيـبٍ بالطيـب واقشـر بالقشـر احتضنهـا يومهـا قفـرٍ محـيـل واتجـر بالعـز خـيـر المتـجـر والعـرب تتبـع هماليـل المخيـل ماخبرنـا السيـل يـدرج بالوعـر مايظيق ان ظاق بالرجـل السبيـل بوفهد خيره على .. بدو و حضـر حاتمـيٍ كـل مايعـطـي جـزيـل يذبـح الفقـر المسمـا بالقـهـر بالمياسـم ياسـم الحـظ البخـيـل مايحول الشوك عـن جنـي الثمـر ترثتـه تعطـي علـى فعلـه دليـل شوف ابو مشعل وتلقى لـك خبـر * دار ابن ثاني الشاعر / محمد بن راشد المناعي على الشّعر أجدف في عسير بحور واحوّل لقيعان البحور وأدور على اللول والمحار من حصٍّ ودرر وارصّع بها أوراقي فكل سطور وادوّن كما ما دوّنه حدّ سرمدي ما يمحى كما نحنتٍ بصم صخور عساني أوفي حق دارٍ لها الغلا ولا أوفي ولو مرّت عليْ عصور غلا دار ابن ثاني تروّا به الحشا وإخضرّ وانبت من غلاه زهور غلا دار ابن ثاني ملا كل هاجسي وفاحت به أقلامي كريح بُخور قطر دولة العزه قطر دولة الولا قطر من وفت للشعب دون قصور قطر من تداوي من تجرح من الدهر وتطبّب على أنواع الجبور كسور قطر من تنادي كل صعيباتٍ اتهبي قطر من تيسّر كل عظيم أمور مادامه «بو مشعل» من على دارها حكم طبيعي اذا عم البلاد سرور طبيعي اذا البلدان شرقٍ وغربها تحبّه كثر مدّت يديه بنور طبيعي اذا أزهر بلدهم من العطا وحوّل أراضين القبور قصور مكارمه تهطل خير للغرب والعرب تورّ الجميع افكل دور و دور كريم و حكيم وطيب و شهم واجودي مفكر محنك فالصعاب صبور حليمٍ ومتواضع وبالمعتدي عَسِر أمينٍ بشعبه للبلاد غيور مدامه على الأجواد شامخ و معتلي ومدامه له افـ آل التميم جذور ما رد بْحياته من طلب لوّ ما طلب حميد الخصال وللولي شكور يا كثر الشعوب اللي تبي اسقاط شيخها وقامت على كل البلاد تثور ! وقطر لوّ في يدها لقامت بكبرها ! ودعت له عسى عمره يطول دهور سلامي عليه أعداد ما الناس تشكره وعدد ما احملت حبه جميع صدور وسلامي لداره عد ما هل من مطر وعدد ما شدت فوق الغصون طيور * نهج المؤسس الشاعر/ هلال بن محمد بن هلال الخليفي يبنى أساس المجد بالحزم والجد حتى يجي شاهق كما شم الأطواد ماصب ساسه كود ضرغام ينعد رجل مدى شوفه ثلاثي الأبعاد يقدم على الطولات ماهوب يرتد فزّاع ماله ند ويضد الأضداد اللي مناقب حضرته مالها حد تعجز أمامه حزة العد الأعداد نظرة سموّه فاقت اليوم والغد وغاية سموّه كيف ينهض بالبلاد غيّر مفاهيم السياسة وجدّد كل الدول خلفه بالآراء تنقاد خلا قطر في كوكب الأرض مقصد ((حمد)) عمدها والشعب حوله أوتاد غادي على نهج المؤسس وأكّد إن الفروع إتجود من جود الأجداد قاسم بن محمد ابن ثاني الجد ترثة تميم أهل الثنا صلب معضاد شيخٍ بعدله وإجتهاده مؤيـّد لم القبايل حوله عضود وسناد خطيب للأمـّه ومرجع ومسند على الطريق الحنبلي علم ٍ وكاد شاعر بليغ الوصف قافه منضّد يصوغ من فكره جزيلات الأنشاد قوله فعل وإن جاد يمناه تمتد تضرب به الأمثال مابين لعباد يقابل صروف المقادير كالسد سيد على الأسياد ويقود الأسياد يشار له في كل خطب ٍ ومشهد عون الضعيف وعوق الأرذال الأوغاد والناس تشهد والولي فوق يشهد شاد الإمارة واعتلى صرح الأمجاد يوم الفتايل من لظى النار توقد وتحالف العادين في كل مرصاد قاد الطوابير بدهاءه وحشّد جند ٍ على حوض المنيات ورّاد وعنـّز على المنعور أخو روضة أحمد مابين خيالة ورجليـّة أفراد لااستل سيفه يوم الأهوال تشتد مايغمده عند المواجه بالغماد فك النشايب بين الرجال وأخمد نارٍ غدت من حكمته كومة رماد بألفٍ من الهجن الهجاهيج أنجد وتسعين من قيد الأوابد لهم زاد مواقفه صعب إتجمع وتحصَد وبالشيخ أبومشعل مع الوقت تزداد شيخٍ على حلـّه بالأفعال أكـّد إن الفروع إتجود من جود الأجداد