نرحّب بجميع محبي الشعر في صفحتهم ملفى القصيد، ستجدون بإذن الله التنوّع في الطرح وحرصنا على رسمكم أجمل اللوحات الشعرية والتي تمنح الجمال لملفاكم.. ملفى القصيد. لمراسلة الصفحة: mohdalmanna3i@gmail.com تابعوا مجموعة ملفى القصيد على موقع facebook بادخال عبارة «ملفى القصيد» بمحرك البحث في الموقع ، وعلى twitter: malfaelge9eed@ * تويتريات.. شعرية @Hamdan_Almarri استغفرالله عدد مااستغفرو المسلمين ‏والحمدالله عدد مااستذكرو واذكرو ‏ ‏تذاكرو الله ذكرى تنفع المؤمنين ‏فسبحو واحمدو واستغفرو واشكرو ‏حمدان المري @Ali_Alkuwari3 الناس ما تاخذ على المضمون ‏تركيزها دايم عــلى الظاهـــر ‏ ‏كم واحدٍ من شيفته ملعــــون ! ‏وهو من الداخل رجل طــاهــر علي بن محمد الكواري @bnkrroz ‏انا غلطتي كفرتها والثمن فرقاك ‏على كثر ماجاء النفس ماني ملحقها ‏ ‏خلقنا بشر بعقولنا نعمة الادراك ‏وكثير الأماني تنقضي مانحققها زايد بن كروز @Nasser_Alwobair تدري ، وش أكثر شي كان اعتيادي ؟ ( حزني ) على غيابٍ تمادى ولا فات أول أشوف ان جيتك شي ( عـادي ) واليوم أشوفه ، سابع المستحيلات ! ناصر الوبير * ما قلتلي .. شي ! الشاعر القدير / متعب التركي ما قلت لي شيّ .. وش خليت ما قلته ؟ اسكت .. وخل الكلام لـ جرحي الدامي ! ولو غيرك اللي ؟ .. يسولف ما تحمّلته ! لكن ! على شان عينك .. هانت ألامي ! ( لـ الحبّ مفهوم ) .. عمرك ما تخيلته ! ما أظن يستوعبه .. ( تفكيرك السامي ) هذا : الفراق الطويل ! .. وهذي أسئلته وهذا : حصاد السنين .. ( وهذي أيامي ) ياما ، وياما .. عليك البال .. ( طولته ) !! والعمر عدى .. وأنا عايش على أوهامي حتى ( طريق الفراق ) .. اللـي تساهلته لقيته أصعب على نفسي .. من أقدامي اصبر لي .. شويّ لو : ( دمي تثاقلته ) ! بحاول ( أستوعب ) .. اللي صار قدامي الحلم : ( ضحكة ) بـ عينك بس ما طلته عمرك بهالكون شفت أبسط من احلامي القلب لو ما خفق لك ؟ .. كان ما شلته ولو ما أنت ملهم قصيدي جفت أقلامي هذا قصيدي .. بــ عينك لو .. ( تجاهلته ) ينزف على شان يروي .. قلبك الضامي العام .. ( طاري غيابك ) .. مـا تقبلته !! واليوم .. حرماني أصبح : مصدر إلهامي لا تعتذر لي .. وبـ انسى .. كل ما قلته ! وش ينفع العذر ؟ .. لا من ضاعت أيامي *الأحباب ! الشاعر / علي بن محمد بن حذيف النعيمي البارحه نوم العرب ماهنالي سهران من جور الليالي والاحباب غاب القمر من بعدها ماصفالي غير الليالي الموحشه دون الاقراب كان الوصل من بيننا بالتوالي والحين لا شفته ولا عادنا اصحاب كنا مثل ماي القراح الزلالي والحين عكر صفونا قول الاجناب يالجادل اللي عنقها سم حالي وعيون حر(ن) معتلي فوق مرقاب مهيوف خصرك والردف عزتالي والمبسم الحالي سقاني بالاطياب قلت افزعو يالابتي وياخوالي ماعاد من بعد الغضي عندي اعصاب والبارحه يوم القمر ماضوالي نوم العرب ماجازلي دون الاحباب * وش قومك؟ الشاعر /عبدالله آل عفيفه يقولون وش قومك وأنا أقول مابي شي ولــو أنـهـم طـلّـو عـلـى القلب صادوني لـك بـشـاشـة الـجـوال نـوراً سـرا ياضي ولا أشوف غيرك لـو على الشين حدوني إلا جـيـت أبـبعـد عـن حياتك وعنك شوي لـكاللّـهشـوقـيوالمـعـالـيـق ردوني تـرا أنـت الغـلا الأول ولا أظن بعدك شي حـذاري تـخـالـف هـقـوتـي فيك وظنوني سرى البارحه ليلي ودمعي غـدى له ضي وأنـا خـايـف لا أصـيـح بـأسمـك ويوحوني تجافيت من صدك ومن طول هجرك لي وشـفـنـي بـوسط ظروف الأيام مرهوني إذا طـعـتـنـي عـوّد مـا دام الوفا بي حي مـا أتـبـعـك لـو كـل الـمـخـالـيـق خلّـوني ** اختلفنا ! الشاعر / الأمير نواف الفيصل إختلفنـا ... مـن يحـب الثانـي اكـثـر واتفقنـا ..إنـك اكـثـر وانــا اكـثـر من عدد رمل الصحاري ... من المطر اكثر واكثر كيـف نخفـي حبنـا والشـوق فـاضـح وفـي ملامحنـا مـن اللهفه مـلامـح عاشقين ونبضـنـا طـفـل حـنـون لو تزاعلنا يسامح .. والهـوى شـيٍ مقـدر إختلفنـا ... مـن يحـب الثانـي اكـثـر هنـنـي يالـلـي جميـعـي لــك هـنـا حـطـنــي بــأخـــر مـــــداي طيـرك الـلـي مايـبـي غـيـرك انــا ضـمـنــي انــــت فــضـــاي صدق اني فيـك مغـرم فيـك مغـرم فيـك والحياة وش الحيـاه الا مشاهـد ناظريـك يانهـار لـو تغيـب الشـمـس واضــح كيـف نخفـي حبنـا والشـوق فـاضـح وفـي ملامحنـا مـن اللهفه مـلامـح عاشقين ونبضـنـا طـفـل حـنـون لو تزاعلنا يسامح .. والهـوى شـيٍ مقـدر يمك دروبي وكل الناس يدروبي وانـا ادري وكل قلب له حبيبه وانت محبوبـي وتـدري من عيونك .. صعب تسرقني سواليف البشر وانـا النظـر .. وانـت لعيونـي النـظـر الهيام اللي سكـن فينـا .. تعدانـا وكبـر مثـل الشـجـر ولاينحـنـي ولاينكـسـر صـــار مـثــل الـريــح جـامــح كيـف نخفـي حبنـا والشـوق فـاضـح وفـي ملامحنـا مـن العشـقـه مـلامـح عاشقيـن ونبضـنـا طـفـل حـنـون لو تزاعلنا يسامح .. والهـوى شـيٍ مقـدر اختلفنا .. من يحب الثاني أكثر !