نرحّب بجميع محبي الشعر في صفحتهم ملفى القصيد، ستجدون بإذن الله التنوّع في الطرح وحرصنا على رسمكم أجمل اللوحات الشعرية والتي تمنح الجمال لملفاكم.. ملفى القصيد. إعداد: محمد راشد المناعي لمراسلة الصفحة: mohdalmanna3i@gmail.com تابعوا مجموعة ملفى القصيد على موقع facebook بادخال عبارة «ملفى القصيد» بمحرك البحث في الموقع ، وعلى twitter: malfaelge9eed@
العيب فيكم

الشاعر / عبدالرحمن الحمادي
العيــب فيكم مدري العيب فينا؟
كل الحكي نقراه (تنسيق توسيط)
ونظـن خير(ن) بالبشر مادرينا
بأن النوايا ســود فيها تخابيط
الزيـن دايم نتبعه في مشينا
مو امعه لكن ( نوايا ) وتظبيط
نبغي نعين الناس دوم بسعينا
عله يشوف الغير ويجيه تشطيط
بعض البشر تكره تناغم حكينا
اتقول (مال اول) وصاروا خرابيط
وبعض الاسامي تنفرض ماعلينا
ومن كثرة التكرار ، متماسك الخيط
والبعض الآخر مايصافح يدينا
اعتفست الساحه ورا خيطٍ وبيط
يامحمد انت تشوف وتحس فينا
يابوتميم الشعْر ، يحتاج تمشيط
مستشعرٍ جايب قصيد ايهجينا؟؟
لو تسأله شمقيط؟ مايعرف امقيط!
جينا ورحنا ، ذاك رحنا وجينا.!!
كلمه بلا معنى وصوره وتخطيط
نهر الفرات ايصب في بحر سينا!!
لعبو على الساحه شويت فطافيط
ويقول ليه الناس تضحك علينا.!!
واللاش ماخلا من الضو تسليط
الشعر لا ساحــل ولا فيه مينا
لاتبحر فبحر(ن) ، قبل تاخذ الحيط
يوم الشعر صاير تبيع ؟ وشرينا
لغو(ن) حشو ، تطبيل كله خرابيط
نبغي نعين الناس دوم بسعينا
لكِنْ بعض الناس تحتاج تربيط

استلام الشهاده
الشاعر / حمد محسن النعيمي

مبروك يا سيد الرعابيب مبروك
على التفوّق واستلام الشهاده
لا واهني اللي بالاسفار خاووك
حظيوا بشوفك والهناء والسعاده
ولا واهني اللي تعنّوا وهنّوك
في داركم شرقٍ جنوب العياده
ولا واهني اللي من القرب ناجوك
واصغوا لشخصك لاستماع الإفاده
ولا واهني اللي على الفوز كافوك
يا سعد منهو قلّدك بالقلاده
ولا واهني اللي بالأخماس حييوك
قربك منى قلبٍ تزايد نكاده
ليتي ولد عمّك قريبك من ابوك
وّليت ياحظ الشقاء والقراده
من دون شوفك عاجز الحظ مربوك
عذّبني الحظ الشقي في جهاده
تعاونوا حظّي مع من تحدّوك
ولجلك بعون الله قوي الإراده
واثني التهاني بالسعاده ومبروك
على التفوق واستلام الشهاده

ناصر الشعر
الشاعر / عبدالله عوجان
ياهجوس الشعر غنّي من الشعر الفريد
وإكتبي في صفحة الطرس من حبر الدواة
اجمل ابياتٍ لها فكره وْطلعٍ نضيد
بالسنين الماضيه والسنين المقبلات
وإعبري مع كلّ سكّه عبر بحر المديد
وإشكري ناصر وقولي بجزل المفردات
يا مواصل رحلة الشعر بالعزم الشديد
يا مسافر لأجل الابداع في كلّ الجهات
يا حكيم القول والشور والراي السديد
يا مجمّع شعر موروثنا قبل الشتات
يا مليك الشعر والفكر والعقل الرشيد
مملكة شعرك لها عيون شعبك ساهرات
تسهر عيون الخلايق لتحليل النشيد
ثم تتخاصم بمعناك وعيونك تبات
أنت ابو الطيّب يامتنبّي العصر الجديد
وْكلّ ما غامرت تصل النجوم السابحات
أنت دايم خارج السرب وتغرّد وحيد
وْموقعك بأعلى رؤوس الجبال الشاهقات
أنت شاعر أندلسنا المفارق والفقيد
به كتبت أحلى القصايد وصغت موشّحات
أنت تغرف من بحر كلّ ما تغرف يزيد
وأنت تنحت شعرك من الصخور القاسيات
إن سموت بشعرك اوصلته الأفق البعيد
وإن تواضعت اعتليت المزون العاليات
لو على الكعبه يعلّق إلى اليوم القصيد
كان شفنا اكثر قصايدْك فيها معلّقات
يوم ميلاد القصايد كأنه يوم عيد
القصايد بك تشرّف وتختال بثبات
والهجوس اللي تغنّى من الشعر الفريد
طرسها توثيق للحرف مع حبر الدواة

حلم الضمير

الشاعر / فالح العجلان الهاجري
يا أمة يحيا بها الفرد ويموت
يركض وراء حلم طوته المسافه
حلم الضمير اللي بها خلق مكبوت
يا أمة صرتي مع الوقت آفه
أطفالها ما بين صرخة وتابوت
تستجدي الشيطان عطف ومرافه
في عالم كل السمك ياكله حوت
يا أمتي لا تدعيين الخلافه
يا أمة يلعب بك الغرب ويشوت
حنا ارتوينا من نفاق الصحافه
أقسم على الزيتون والتين والتوت
كل العرب تحتاج دورة نظافه

شدو وشدينا
الشاعر / أحمد السكران
شدو وشدينا وقفو وانا اقفيت
وجروح قلبي ماقدرت احتملها
عن المكان اللي به اصبحت وامسيت
وذيك الخيام اللي تنوّر باهلها
لو التمني فايدٍ لا تمنيت
ماطعت من شال الخيام ونقلها
لا قال عاونا نهيته وعييت
وطاوعت نفسي لو تزايد جهلها
وسرحت مع ذيك الليالي وسجيت
وروحي على جمعا المواليف ولها
احرص على المعنى ولا ازويه بالبيت
وقصايدي تهدى لمن قال قلها
وهيّضت من جزل القوافي وغنيت
لا واهني اللي عن العشق يلها
وانا من دلال الموده تقهويت
ومسامعي ما اوحت لمنهو عذلها
ورحبت باللي ولعتني وهليت
وبانت ورود خدودها من خجلها
ومن عقب مازادت جروحي تشاويت
عالجتها من وردها مع عسلها
وبقت لي الذكرى ولو كان شديت
عن الخيام وكن ماحدٍ نزلها
وقلته بعد ماقفّو الربع واقفيت
وجروح قلبي ماقدرت احتملها

حجمه ومساحاته

الشاعرة / سما الكربي
ترى الظل يبقى ظل لو شعّ ديجوره
ومهما تعاظم حجمه و في مساحاته
وترى النجم ما يحتاج تعريف في دوره
في وسط المجرّه يعجزك في شعاعاته
لو ان كان لك قدره ترى الساق مبتوره
طريق النقا للنذل صعبه مساراته
وترى الطيب يبقى طيب ما يخفن جذوره
لو الكل زخرف للملا في علاقاته
وانا أقول يالفهمان للعلم دكتوره
ما فاد العمل والعلم ماهوب مرساته
ما دام الذي هذرا له ثياب ممسوره
يبي يرقّع الرقعه من ثياب جاراته
نفوسٍ من الطالات والله منهوره
مادام ان خفاها فـ الوطى بين حاناته
وفي خاتمة قولي على محمد تزوره
صلاتي وسلمّ لين ما لا نهاياته