نرحّب بجميع محبي الشعر في صفحتهم ملفى القصيد، ستجدون بإذن الله التنوّع في الطرح وحرصنا على رسمكم أجمل اللوحات الشعرية والتي تمنح الجمال لملفاكم.. ملفى القصيد. لمراسلة الصفحة: mohdalmanna3i@gmail.com تابعوا مجموعة ملفى القصيد على موقع facebook بادخال عبارة «ملفى القصيد» بمحرك البحث في الموقع ، وعلى تويتر : :malfaelge9eed@ * عيد الحب عبّر حمد ال عذبه عما في قلوبنا ورد ردًا وافيًا لما يسمى بعيد الحب ! الشاعر والإعلامي / حمد آل عذبه بعـض البشـر راسـه من المـخ خالي مايحسب حساب الشريعه والاحكـام ان شفت فكـره قلـت يـاهـم ملالـي مسكـيـن جـاهـل والله انـه مـاينــلام الــحــب لــه عـيــدٍ ومـنـهـو يبـالـي غيــر اليهــود اللـي بـلا دين واسـلام ويـاللأسف شفـت النـسـا والعيالــي تـاخــذ هــداياهــا وتكتب بــالاقــلام اخــذو النصيحه وافهموا وش مقالـي مــن قبــل لا ننــدم وناخــذ لنـا آثام اعيــادنــا عيــديــن مــابـه جـدالـي الفطــر والاضحــى تجينـا بكـل عام * بعض .. الأماني ! الشاعر / أحمد إبراهيم البدو صباح الخير يا بعض الاماني من احلامي إلى حد الحقيقه أنا باقي هنا عند المواني ادوّر للفرح درب و طريقه هنا وحدي وأسالف للثواني واخون الثانيه لجل الدقيقه أنا مهما قسى فيني زماني ولو عاقت بي اجروحٍ عتيقه ابرسم للامل درب التفاني واعيش بواقعي لو ما اطيقه اصالح جفني بنومٍ جفاني وابوس ايد الشقاوي لا تعيقه واحاول امسك بنفسي عشاني أجنب داركم وانسى طريقه عطشت و صرت في بحرك اناني الي ما صارت اضلوعي غريقه مهط يوفي ، كسر عزمي ، شقاني بعادك ، واشعل بقلبي حريقه و خيالك صحبته تبهج كياني وانا لولاه ماصنت الدقيقه * أرفع الصوت في كل مرة يفاجئنا عبدالله المريخي بإبداعاته الشعرية , وهو يعدكم مستقبلا بمفاجآت أخرى .. ترقبوه فلديه المزيد ! الشاعر / عبدالله سعيد المريخي ايا وقت مالي في غلاي نصيب ولا اظن لي بعد الحبيب حبيب ولااظن يوم انه توالف مع العدا جروحي من اسباب الفراق تطيب تناسا الين انه نسا كل مامضا ولااهتم باللي من غلاه صوييب اناديه باسمه وارفع الصوت لاطرا ولاهو على كثرة نداي مجيب الا واعوين اللي من الحب مبتلى ولاشاف لعلاج الفراق طبييب علاجه بوصل اللي حرم عنه الكرا وطبه بغيره للهموم صعيب ولو هو سبب بلوى الخفوق ومصيبته ولو هو شعل وسط الخفوق لهيب كما قيل بالامثال هو داي والدوا وهو اضماد جرحٍ من سببه عطيب عزي لمن مثلي تغربل مع الهوا وعزي لمن فارق وصاال صحيب وعزي لمنهو عقب مانال حبهم فارق وليفٍ للخفوق نديب درب الهوا يبدا بسهالات وبيسر وينقلب عقب اليسير عصيب ياكم شقوا منه هل الخير والوفا امر الهوا عند الرجال غريب دربٍ يضيم ولا ولا منه منفعه حتى لو اقلوب المشاه صليب تلقا به اهل القال والقيل والوشا اللي سبايبهم تجر نحيب هذي دروب الحب ياجاهلٍ بها لا مرها الطفل الصغير يشيب * هاك .. ذكراك ! الشاعر القدير / متعب التركي هاك ذكراك من ذكراك ويش أستفيـد كافـي أن المشاعـر هايمـه كلـهـا ودي انساك والنسيـان ماهـو اكيـد كيف ابنسى عيونٍ رمشهـا ظلهـا من هاك اليوم وانت اللي بعيني وحيـد ماخبرت العيـون تمـل مـن خلهـا مير نفسي عزيزه وانت رايـك عنيـد والنفـوس العزيـزه ماتبـي ذلـهـا ليه تعطيني الدافـع واقـول القصيـد ليه صفحـه غرامـي ترجـع تفلهـا ليه ترجع على الماضي تزيـد وتعيـد وانت من عـام الاول عاجـز تحلهـا مابرى الجرح الاول كيف يبرى الجديد شوف حالي نزيف جروحهـا سلهـا كل ماشفت لك ذكرى وربـي شهيـد كـن نـزاع روحـي بالحفـا تلهـا اندفعـت لغرامـك يالغـزال الفريـد والغـلا لـه دروب خاطـري دلهـا فرحتـي بالقـا رغـم انهـا ماتفيـد فرحـه القـاع لامـن المطـر بلهـا وش بقى يالسراب اللي قريبٍ بعيد المحبـه وراحـت وانتهـى حلـهـا لو كـل بكيفـه ياخـذ اللـي يريـد كان ماشفت ناس تمـوت فـي غلهـا هاك فرقاك خذها خـل قلبـك شديـد خلهـا ماشيـه بحمولـهـا خلـهـا كـل مـازاد تعذيبـك ذنوبـك تزيـد الله اعلـم صلاتـك باطلـه كلـهـا * بوح الصورة انتهت مسابقة بوح صورة من إعداد قروب انكسار المشاعر على البلاك بيري ونضع لكم المشاركات والمراكز حسب التصويت بإدارة الشاعر بندر الرشيدي PIN:29179619 الصورة اللي زادت الجرح جرحين ! في سوريا كلّ العرب شاهدوها طفلـه تبي تلعب سوات البزارين !! مير العساكر بـ السلاح ارعبوهـا لـ / الشاعر عناد الشيباني اعداء الانسانية اصحاب الاوثان منكم تجرعنا الالم و المهونة !! حتى الطفل صار يتشبه بحيوان و يقول انا ماني بشر تقتلونه لـ / الشاعر عبدالعزيز بن نايف يا طفلتي دام العرب مالهم صوت و دام الجروح تحدّنا بــ كلّ جانب ودّي معاك العب بعد لعبة الموت و ياليت يشاركنا جميع الارانب لـ / الشاعر نواف الفهاد طفلٍ صغير و لا درى انه محاصر يعلـم بـه المعبود ربـه و ربي ضعيف حيل وجسم وانسان قاصـر شايل فـ يده لعبته و متخبـي لـ / الشاعر عبدالعزيز السلمي على كثر الجيوش اللي تمدّ بْها مخالبها لعب طفلٍ بلبس المختبي من جور طلابه تبي مني الصراحة يا حفيد المجدّ لاعبها عسى مـ يْصيبك المكروه والا الامة منصابه لـ / الشاعر عبدالعزيز الحادي من يوم شفت انعكاس الظلم في صهيون طفلٍ تِسَنّد جدار وتحضنه دُميه صرت اترقّب عَرَبْنَا لين ما يدعون يا رب هذا الطفل سدّد بنا رميه!! لـ / الشاعر سليمان بن يويسف التميمي اي براءة تحت ضوضاء الرصاص !! اي براءة يا عـــرب يـــا مسـلمين !! كلـما حـاولــت الاقـي لـي خلاص جاوب الواقع : تراك اصغر سجين لـ / الشاعر فؤاد الزهراني الشام تنهك فيها حرمات البيوت والكلب له سنتين يقتل ويظلم من كثر ما ايشوف هالناس بـ تموت في زي الارنب هاقي انه بيسلم لـ / الشاعر عبدالعزيز المطرقه