يا مسافر

الشاعر والإعلامي / راشد شرار

ما حيلة المحب على سفر المحبوب غير أن يبدع الأشعار والألحان، وهذا ما تدل عليه قصيدة الشاعر والإعلامي المبدع راشد شرار..صباح الخير يا مسافر ..
صباح الفل والجوري ..
صباحك بالهنا سافر ..
وانا اللي مفتقد نوري ..
حبيبي هالبعد كافر .،
تعبني وأشعل اشعوري ..
فوادي مالبشر نافر ..
ويبغي خلّه الحوري ..
محبٍ في الحشا حافر ..
غلاه وممتلك شوري ..
بدونه موطني قافر ..
محيل وذبلت ازهوري ..
وانا متشتت وطافر ..
بداري فاقد احضوري ..
الهي المعطي الغافر ..
رجيتك صرّف أموري ..

الشعر
الشاعر والإعلامي / حمد الدليهي
الشعر رسالة، والشعر أدب فان انتفت هذه الصفة انتفى عنه تعريف الشعر، وهذا ما يوصله المبدع حمد الدليهي في رسالته الشعرية التالية ..

الشعر له عندي مقام ومكانه
ومنزهه عن فاسد الهرج تنزيه
فيه اتفنن واتنقى اسمانه
افرح ليامن زان وان شان اعزيه
محشوم دايم عن دروب الاهانه
من وين ماوجهت عارف مغازيه
اتعب على قدره واعلّيه شانه
ماني على سود السوالف مْقزيه
ماخذ على المد الخليجي ضمانه
وان ماعرفت الفرس عارف حوازيه
في غير ربي ماخذيت استعانه
ماصرت شاعر بالأوادم تمهزيه
حافظ مثل كلٍ  لْسانه حصانه
وكلٍ على طبعه يْواجه مْوازيه
والشاعر اللي اللي مايجوّد لسانه
على خطاه الناس تقدر تجازيه
ماهو على ماقال فارس زمانه
لابد له من يكشف امره ويخزيه

غفلة الليل
الشاعر / عبدالمحسن الخالدي
من الشعراء الجميلين المتواصلين مع ملفى القصيد ، يشاركنا في هذا العدد بهذه القصيدة التي تفيض بالإبداع..
في غفلة الليل، موعد .. خالف النيات
شريط ذكرى .. وعاد الوقت رحلاتي
ومابين ذيك المواني وخيبة الوقفات
رحلت لين النهايه في بداياتي
رحلت و زادي مشاريهٍ مع هقوات
رحلت ادوّر بقايا .. أول شتاتي
مريت كل الزوايا انشد الوجهات
اتبع ملامح تشابهني بعثراتي !
و المح وجيه الدروب تعاتب النظرات
حتى الصدى بحّ صوته ، مل صرخاتي
ولسان حالي يقول ابنثني بثْبات
وابجمع اللي تبقّى من طموحاتي
نفثت عين الرماد القّط الجمرات
لا لذّةٍ للحنين .. بدون غلطاتي
لا ما اتوب وفي صدري موطن الآهات
عربيد ذكرى .. و دور الأمس حاناتي
طفت اترنّح دليلي ضحْك معْ همسات
و ابيات تنطق بها جدران ساحاتي
لقيت ذيك الشوراع تنعي الساحات
واشياء تشبه فصولٍ من رواياتي
سطّرتها عاشقٍ .. ما نكّس الرايات
سطّرتها شاعرٍ .. ترجم خيالاتي
وعقارب الليل: تعلن فجرْها.. تكّات
و قبل ما تعانق الغفله صباحاتي !
وقبل ربكة وداع المشهد بـدمعات
لملمت بعضْ .. وتبقّى بعضْ من ذاتي
ودّعت ذيك المواني، ثمْل بالشرهات
و عودت ملي اليدين بفيض هقواتي
هذا انا .. في مجون الليل و الغفلات
كل ما انتهى بي ، بديته من نهاياتي


عذبه و صافيه
الشاعر / عبدالله بن ابراهيم ال مهنا النعيمي
شاعر من الزمن الجميل يحلّق في سماء الإبداع ويخط لنا من أصالة الشعر وجزالته التي افتقدناها في هذا الجيل..
يـقـول مــن عــدا عـلى راس مـشرف
راس الـطـويل الـلـي عـسـيرة مـنابيه
غـنـيـت بـالـلـحن الـعـذيـب الـمـشـنف
مـن عوق باقصى القلب شلع عراويه
غـنـيـت والــحـظ الـسـقيم يـتـخطرف
يـرمـي عـلـي مــن الـعـسامة بـلاويـه
الـقـلـب يـقـدح فـيـه لاهــب تـرضـف
والــجــوف مــنــه مــوقــدات مـثـانـيه
غــنــيــت قــيـفـانـي بــلــيـا تــكــلـف
تـنـهـل هـــل الــوبـل عـذبـه وصـافـيه
فـيـها الـجواهر والـصريف الـمزخرف
والـتـبـر والـعـسـجد زخــيـر ونـرهـيـه
وفـيـها مــن الــدر الـثـمين الـمـصنف
مــن فـاخـر الـمنظوم مـن تـاج غـاليه
نـجهد عـلى الـذكر الـحميد الـمشرف
ونجفل من اللي يخزي الناس طاريه
والا تـسـبب بـالـحكي مــن يـخـذرف
الــهــزل بــيـن مـــن تـــردي مـعـانـيه
هـــذا الـثـرا وهــذي الـثـريا ويـعـرف
فـــرق الـمـقـام وواطــيـه غـيـر عـالـيه
نــصـد عــن قــول الـنـميمة ونـخـلف
بـيـحـوق بـالـنمام ذنــب سـعـى فـيـه
والـلي سـعى بـالسوء والـلي تصرف
لا بــد مــا يـسـقى جـرايـر مـساعيه
هــذي مـناظيمي مـن جـمل واحـرف
عـلـى لـحـن ورق الا ضـقـت الاحـيه
الانـجـيـل والــتـوراة فـيـهـا الـمـحـرف
امـــا كــتـاب الله مـــا فــيـه تـشـويـه
وانـا بـشر قـولي بـعض نـوب يخلف
بـعـض الـصواب ومـا غـترني بـخليه
تــم الـخـطاب وخـير الـقيل مـا عـف
واغـناه عـن قـول الـتباغض تـساميه
صـــلاة ربــي عــد مـالـنور يـكـشف
داجــي ظــلام عـقـب مـاقـفت لـياليه
وعـــداد ذرات بــهـا الــريـح تـشـعف
عـلـى الـنـبي وازكــى الـتحيه بـتاليه

فقد الرجال
الشاعر / محمد عبدالهادي الغامدي
كم ودعنا من محبين من قبل؟
وكم سنودع من بعد؟
حتى تودعنا الناس عن هذه الدنيا ..
لا  اله الاّ  الله   اللي  سامعٍ  شكوانا
العليم   المطلّع  في   كلّ  ما  يخفانا
الغفور  اللي  يغفْر  الذنب  لا  جينابه
والقدير اللي  خلقنا  من  عدم  سوانا
والرحيم  اللي  نلوذ  ونرتجي رحماته
نطلبه  من  رحمته  فالعفو  والغفرانا
الكريم  الهادي..  اللي  قابلٍ  بالتوبه
كل مانخطي  نعود  ونعترف  باخطانا
بعدهاوالحزن في صدري ركز عمدانه
ورْجعت بي الذاكره في كان ياما كانا
قمت افكّر كم فقدنا من عزيز  وغالي
كم  على  غالي  نحبهّ ياعرب  صلانا
كم  فقدنا  واحد ٍ ضاق  الفضا  بغيابه
من حدا الاصحاب والا من حدا الاخوانا
كم مشى معنا  كفو  للمقبره  ويعزي
ثم دخل بعدين لكن من  على  الامتانا
العرب تبكي الرجال اللي بقى طاريها
كم. نثرنا  تربة  الفرقى  على  الخلانا
الرجال اهل الوفا والدين واهل الغيره
فقدهم  موجع   وقاسي  هزّنا  وابكانا
فقدهم هزّ  الضمير  وزلزل  الوجداني
الله   اكبر  كيف   نقوا  دفنهم   بيدانا
كم  وعدنا   صاحبٍ   بانه   يجينا   زاير
لين   زاره  هادم   اللذات  ماقد  جانا
كم  عزيزٍ   كلّ   ماقلنا   نجيك   زياره
انشغلنا   والتهينا   عنه   في   دنيانا
لين  حلّ  مفرق  الخلان  قبل  نزوره
ما دخلنا   بيته   الا   يوم   ما  عزانا
طالبك ياللي  نويت  تزورنا  قم  زرنا
خاف من  يومٍ  تجي  زاير  ولا  تلقانا
اعترف  مالي على نظم  القصايد نيّه
ولاني َ بشفقٍ  لحبك الوزن  والقيفانا
والله ان ماهمنا  نظم  القصيد  وغيره
همّنا  فقد  الرجال  وهدّنا  وأعيانا
مقتنع بان  الغرابه  فالزمن  موجوده
لكن اني مالقيت  اغرب  من  الانسانا
ننشغل عن من نحبّ وضامنين  فراقه
ونفقده  ونقول  كان   البارحه  وايانا
نتعب ونركض ورا الدنيا على أيّة حاجه
ننجرف خلف الهوا واللعب والشيطانا
نسلك  دروب  الغوايه  ما  علينا  منها
ونتعذر  بانه   ابليس   الرجيم  اغوانا
نحسب ان العمر باقي والممات مطوّل
ما  درينا   بان   سهمه   خلفنا  يقفانا
غافلينٍ ما  حسبنا  للممات  حسابه
والله ان الموت لو ننساه ماينسانا
اصح  يا غافل  ترا  لك  ساعةٍ  حتميه
ليه   ما  تكفيك   بالله  دمعة  اليتمانا
تدري انّ الموت ما ميّز صغير وشايب
ياخذ  الشيبان والشبّان  والشيخانا
انتبه  يالغافل   وعوّد   بقرب  احبابك
قبل قول ان الفراق وموعده  قد حانا
كلنا  نفس   الخطا   يالله   فالغفراني
كم. قطعنا  فالاقارب  واقرب  الجيرانا
كم  نجرّح  في  بعضنا  بالكلام  الجارح
كم   ظلمنا   بعضنا   بالظلم   والبهتانا
كم كذبنا كم. عصينا  كم  وكم  من  زله
لين   صرنا  نجازي الاحسان بالخذلانا
كم  سعينا  في.  ملذات  الحياه وضعنا
وان   دعانا  داعي  ٍ للآخره   ما امدانا
نسلك دروب الضياع  وعارفين  اتلاها
وننظر  دروب   الهدايه   كننا  عميانا
نبني   قصورٍ   لنا   وآمالنا   مكثرها
ونسكن القبر المخيف  ونترك  البنيانا
ماعلى الدنيا  ضمان  وما عليها  زايل
استعدّوا  للفراق   وساعة   الفقدانا
اصفحوا لله واسعوا في رضا  مولاكم
وجازوا الزلات  بالغفران  والسمحانا
واقطعوا بالوصل حبل البعد والهجراني
خلّوا الرحمه  من  الله  تنزل  وتغشانا
ودنا   بالخير   يكثر   فالحياه   ويبقى
ربي احسن لي وللي  يسمع  الختمانا
واطلبك ياللي نعود  ونرتجي  غفرانك
ياعسانا  في  جنان  الخلد   والرضوانا