نرحّب بجميع محبي الشعر في صفحتهم ملفى القصيد، ستجدون بإذن الله التنوّع في الطرح وحرصنا على رسمكم أجمل اللوحات الشعرية والتي تمنح الجمال لملفاكم.. ملفى القصيد. لمراسلة الصفحة: mohdalmanna3i@gmail.com تابعوا مجموعة ملفى القصيد على موقع facebook بادخال عبارة «ملفى القصيد» بمحرك البحث في الموقع ، وعلى تويتر : :malfaelge9eed@ * وضح .. النقا الشاعر / محمد بن علوش الخنفري انا على وضح النقا مانيب فالشده بليد يوم ان غيري غاديً فالطوش مانيب اغدي في لازم الصاحب قريبً منه والهقوه بعيد واللي سواتي والله انه فاللوازم مسندي نخاوي اللي في مجالسهم نفيد ونستفيد ماندخل فمجالسً يقلط بها لاش وردي انا حفيد الشايب اللي عزه يعز الحفيد وجمايل الوالد عساي اشوفها عند ولدي والحاجه المستعصيه يقلط لها رجلٍ عنيد يطلع لها لو انها فسهيل ولا فالجدي احب رجلٍ فعله ينومس وماقاله سديد يوم ان غيره ماوصل للطيب هو وصله عدي كساب قولة والنعم والمجد والعز التليد وشرواه لاصحت فلزومٍ بشروني بسعدي انشهد انه ماكذب من قال خوتهم رصيد لا والله الا راس مالٍ جعلهم والله بعدي واللي مخالف سلمهم يالله جعله مايصيد لو هو يطيع الشور من لبس الرجل لايرتدي * راس مـالـي الشاعر / عبدالله خالد الخالدي قال الذي قاس بحياته فتوقها خلا هزلها عاش يبغي صدوقها ما جرته دنياه والنفس والبشر أو راح يمشي في مساوي طروقها ترى الغنا بالدين والخلق والرضا والفقر جهل الرجل لا جا يحوقها يا طايح(ن) في بير شهواتك إتعظ ربك على ما تخفي النفس فوقها ما أوحيت وسط النار صوت الحطب ترى هذي عظامك والكباير تحوقها وما شفت للنار الفراشه تطايرت هذي فتن دنياك ما هو بذوقها والكلمه اللي بالصدر دوم طيبه لين السما تاصل وتثبت عروقها إحرص عليها لو زمانك تغافلك خلها زهابك وآخر العمر سوقها واللي تشيلك ما لعينك تهاونت كره ووهن من بطنها لين موقها من تحت رجليها ترى الجنه أصبحت أمك يا جعلك دوم فدوة خفوقها أمك وأبوك عيون والكحل برهم قم عظم حقوقه وعظم حقوقها ودور على خوة صديق(ن) كما الحدب وقت الرخا جنبك وللحرب شوقها إغنم صداقه وإترك الكره والزعل حتى السعاده من يد الحزن بوقها القلب يشبه للسحابه وغيثها حبك وضحكاتك بشاير بروقها إزرع من البسمات وإرضى بواقعك وإقطف زهر دنياك ثم دوج سوقها إصدق مع ربك ونفسك ومن ترى الصدق نخله والمواقف عذوقها وإبعد عن الغيبه ولا تقرب الحسد وخل النفيله قريتك وأنت طوقها العمر يشبه لأشرقت شمس وإنتبه أسرع مسير الشمس حزة شروقها * عزي .. لمن ! الشاعر / ماجد النهاق عزي لمن همه يذوقه الامرار عاف الكرى والنوم ما يهتني فيه يجرله ونه على وقت الاسحار ويردف بهاالونات من حر مافيه خمته ( بقعا ) والليالي والاقدار من وين ماوجهه شقا وضيم يلفيه قلت الدهر قال الدهر دوم غدار قلت البشر قال البشر راح من فيه صون الموده ، وحافظينٍ للاسرار شوف الخمال بشخص بالحيل تغليه لا كثرواالجلاس فيه الزمن دار تبحر به الذكرى بـ حبٍ مصافيه الي هواه سنين من بد الانظار عقب الوداد اليوم جازا بـ تدليه غايب ومده ما سمع عنه اخبار ولحن التجاف اليوم اصبح يغنيه المشكل انه من طويلين الاشبار ما يتبع المقفي ولا شخص يضنيه هذا هو المعروف في سلم الاحرار من يتبع المقفي يجوز ان تعزيه عزه على الشيمه لاغاب التوقار واصبح ذليل تسوقه هناك وهنيه يالله احفظنا من امور واخطار واجعل لنا مخرج من الضيق نمشيه واجعلناالبرزخ محطه للانهار الي تحت جنتك يا واحد ارجيه * زود .. الهموم الشاعر/ علي بن محمد الجهام الكواري علـى الـقلب من زود الهموم لهيـب وعلى الخد دمعـي مـا يكف صـبيـب من الوقـت ولا مــن ولــيفٍ يحدني على الوجـد ولـنوح الحــمام مجيب علي بن محمد شان وقـته ولا لقى من النـاس واحـد عن عناه مثيب زمانه بلاهـ بـ حب مـن لا يـحن به ولـيفٍ وكـنـّه فـي جـفـاهـ حريب تركني وخالفني المثل يومه أرتحل الإفـراج يـاتـي لـلصـبور قــريـب صبرنا ولا فاد الصبر لا جرى القدر حـكمـنا وفـرّق عـن حـبيب حـبيب وأنـا لو عرف بعض الملا سر بلوتي يـقـولـون أمـركـ يـا فـلان عــجيـب وهم ما دروا بـ اللي جرالي وصابني يشوفون جرحٍ فـ الفواد عـطيـب ولكـن يـظـنـون الـبلا صـدق ظنهم وسري فـ بحرٍ عـ الـغـويص غبـيب يبطي يعرفه من بغى اللوم والعذل سرٍ على كل العباد صعيـب يا كون الذي لا ضقت بيـّحت ماخفى له العلم كلهـّ ذاك أعز صحيـب لا هوب يعذلني ولا هو يلومني واذا صحت ما غيـره عـلي يجيب سلامي عليه أعداد ما لاح فـ السما بــرقٍ ومــا هـل الـسـحاب سـكيب وعداد مــا غـنيـت بأول قصيـدتي على القلب من زود الهموم لهيب * يا .. بنت الشاعر / عزيز السباعي يـــا بنت انـــا انسان ابلاه حبه.. فيك,,وصبح يشكي من الحب حوفه سلم لــك الامر وخضــع للمحبه يشيل روحه لـك براحــة كفوفه يمشي ولا يدري الى وين دربه؟ هل للهلاك؟ ام شيء(ن) يسر شوفه هذا انـــا ,,,وكل الذي استحبه وصلك, اذا صار الجفا منه خوفه لي قلب عاشق ما درى ويش ذنبه؟ يحمـل ثقـل حبـك وعيت كتوفه ما شاف من حبك سواة المضبه ولا شاف من حظه سواة الحسوفه من تعصره لمواج في وسط غبه غير الذي موج البحر ما يلوفه ومن كلف العاشق يخاوي مهبه؟! غير الذي فاق الخيال بوصوفه اليل يحمس شوق قلبي ويصبه ويمد لي فنجال ضيق بطروفه وراضي بوضعي لو ما اقدر اطبه لو طال ليلي والبدر في كسوفه يابنت كلن لـــه نتائج وسبه لا تحرميني منك مدي بروفه شاعر يحبك عالم(ن) فيه ربه عليه لا تقسي ,,تكفي ضروفه صنف جميع الناس برفوف قلبه وخلى مكانك فوق اعلى رفوفه