نرحّب بجميع محبي الشعر في صفحتهم ملفى القصيد، ستجدون بإذن الله التنوّع في الطرح وحرصنا على رسمكم أجمل اللوحات الشعرية والتي تمنح الجمال لملفاكم.. ملفى القصيد. لمراسلة الصفحة: mohdalmanna3i@gmail.com تابعوا مجموعة ملفى القصيد على موقع facebook بادخال عبارة «ملفى القصيد» بمحرك البحث في الموقع ، وعلى تويتر : :malfaelge9eed@ * تويتريات شعرية الشاعر / الشيخ محمد بن فهد آل ثاني@MFM_Althani : عمر الدمع لا طاح ما يرتقي فوق و عمر الصبر ما يمهل الوقت لا ملّ لا هزت الفرقى صبر دمعة الموق بيهز قلبي و داعاها .. و باتحمل الشاعر القدير / أحمد بن معلاي الكبيسي@ahmedbinm3lay : قولوا معي تكفون لي صرت مدفون قفّت رمـوز الحـب وآخـر فقدنـاه كتبوا على حد القبر بيت مـوزون من دش بحر الحـب هـذي سوايـاه الشاعر / زايد آل زايد @AlmarriZayed : ماطاب لي بعدك منام ٍ ولاعيش أنا بنفسي مأعّرف شلون عايش أمسي ضمر وأنا كثير المحاويش والقلب طير ٍ بين فكين هايش الشاعر / مبارك آل خليفة @Mubarak_abdulla : يالله ياربي برزقٍ ما حسبنا له حساب اكبر من التفكير وقعه فالضماير ما جرى يصك له ميتين باب وينفتح مليار باب ويعطي مجالٍ للتصرف صح ويرد البرى * دلال.. القيل ! فهد المسلم لا يطرق الا الصعب ولا يكتب إلا الجزل ، يشارك معنا بقصيدة بها روح الأصالة وتراث الاجداد .. الشاعر / فهد بن محمد المسلم قلت المثايل والنشيد جزيل من هاجسٍ وسط الضمير عميل .. فاحت دلال القيل من واهجٍ لضى مهيلاتٍ للضيوف سبيل .. ياهيه من قلت المثايل و جدتها ابخص بقولي للعلوم تخيل .. كثرت بلاوي بقعةٍ ماتيسرت والقلب من سم الصدوف عليل .. في غربتٍ فيها الهقاوي تبعثرت ازيت من حال البعاد نحيل .. عن من غدى وسط الضماير من الورى غروٍ على حسن الزهور جميل .. وعن داري اللي في المعاليق حبها ... من بعد داري في الخفوق غليل .. دار الوفى ساس الندى منبع الكرم دارٍ لها وسط العيون حصيل .. دار المبادي و المناعير بالفخر دارٍ لنا يوم الزمان محيل .. لاد النفيعي مسندٍ لي وعزوتي عن كل شرٍ من ضديد هبيل .. وسامة المشغار كسابة الثنا ظل وذرا يوم الرفيق دخيل .. وانا على قومٍ اذا الكون قد بدا زلزال قاعٍ للهبيل تشيل .. من لابةٍ يوم الشقا ماتخلفت .. مسلّميه بالفعول دليل .. جبالٍ على صفق الهوا ماتحركت ولاهز من حيد الطوال رذيل .. يا جعل يسقي دارهم لايح الحيـا وتخضر ارضٍ من مزون تهيل .. سيلٍ على الريضان يخضّر قاعها وحلو الزهور من الهبوب تميل .. وا ويل حالٍ ما شبعت من نديمها وضيمٍ لفى وسط الضلوع نزيل .. الغي منهج كل عاشق من الورى والغي بابٍ ما شكاه دخيل .. وحنا شبعنا من عناهم على اللقى ودموع من موق العيون هميل .. واللّه لو قلت الدواوين للورى في وصف خلٍ ماجداه قليل .. خمسٍ مع خمسين يومٍ تفرقت واربع سنين من الغرام جميل .. تلقى عذابي يارفيقي خلالها من كان في وسط الخفوق خليل .. وختامها ياللي سمعتوا فصلوا على محمد اللي بـ الوصوف فضيل .. * الليل والمسباح ! الشاعر المبدع علي المري في أوّل مشاركة له في ملفى القصيد يعطّر سماء الملفى بالإبداع في قصيدته التي نترك لكم متعة قراءتها .. الشاعر / علي المري ماغير الزقاره تالي الليل والمسباح تهون على اللي ضيقته عكرت جوه بعيدً عن اهل الحكي لو كان سدي باح سترني ظلام اليل بالطيب والخوه تخاويت انا واليل لين اقبل المصباح وعطاني اعهود اني عن السر مانوه والي شفت من بين العرب كن دمعي ساح قعدت ابتسم بين اكثر الناس واموه صويب المحبه لا برمحً ولا بسلاح ومن جرب اللي شفت في الناس ياشوه غدا كن قلبي ياجماعه زريق ارماح سبايب وليفً خالفو نوي ونوه انا من ورا قرية وداره جنوب رماح تباعد علي وابعد عن النفس بالقوه * يا .. ليلي ! المبدع فلاح العساف ، يرسم لنا لوحات شعرية حزينة في قصيدة عاطفية .. الشاعر / فلاح العساف ياليلي .. ادري مـا هـي بيديك الاقـدار لكـن وش الحيلة ..واصدّق ..واقفّي؟؟ ياليلي اتعبني السهر .. ما هو اضرار؟؟ واللي سهرتـه بالهـوى .. مـا يكـفـي؟؟ خـلاص بـستسلم .. لـو الـواقع امـرار و ان الفـراق اولـى بـطعنـي و ضفّـي اربـع سـنـيـن بـدونـها .. صـدق منهار حتـى الـرسـالـة بـاقـية فـوق رفّي عـنـوانـها: (بـغيـب لـو صـار مـا صـار) وكـانـت مـعـاها ورود .. ذبْـلت بـ كفّي وقت الرحيل الفت .. وانا جـانب الـدار تـقـول ودّي .. بـس مـاجـتْ بـ شـفّـي وانا .. مَ ودّي تـشـوف دمـعـي وتـحتار قـدّرتـها .... ولوّحـــت وانـا مـقـفّـي * بوح الصورة انتهت مسابقة بوح صورة من إعداد قروب انكسار المشاعر على البلاك بيري بإدارة الشاعر بندر الرشيدي PIN:29179619 ونضع لكم المشاركات والمراكز حسب التصويت 1 اضحك و خل التعب يا دنيتي فيني لو شاب شعري ترا ما شيّب احساسي ماهو فضل يوم ادفك يا بعد عيني لو كان بي حيل حطيتك على راسي لـ الشاعر فيصل بن محمد خضير 2 الصوره اللي هزت قلوب الاحباب !! تشرح عن دروس الوفا للحبايب ! شوف الوفا باقي مع الوقت ما شاب !! عجوز ضحت با العمر للجل شايب ! لـ الشاعر خالد مناور الرشيدي 3 متخاشرين العمُر واحساسهم عاقل شوف انحناء الوفا فيهم غدا هيبة والدمعة اللي تسير بحزن متثاقل تسحب وراها اماني هالقدر ، طيبة لـ الشاعر عبدالله الاسمري 4 يا كيفَ مشهَـد حبهـم قطـع وريدي والعروق روعة وفاها شايله شيبٍ على كرسي ذبول زلزل غـلاهم جيلنـا وترعد سماها له بــروق تمطر شقاته بالوفى وتقضي مطاليبه قبــول لـ الشاعر خالد الغامدي 5 الحب ماله عمر ، و حدود ، و ديانه خل البشر يا حبيبي تضحك و تشره ابسحبك و الوفا قلبي لكم صانه بتعب لجل خدمتك و لروعة العشره لـ الشاعر قرناس العتيبي 6 لـو العمـر يمضـي ويـذبـل زمـانـي غـلاك تبقـى في خفـوقـي موانيـــه مهما ظمـاك الـوقـت ولا ظمـانــي الحـب ثـابـت لو تشـيّب مبـانيـــــه لـ الشاعر عبدالعزيز الباكر 7 اللي هواها عيد و وصالها عيد يكّبر معانا الحب من يومَنا صغار واليوم اعايرها بكثر التجاعيد وهي تناديني من الشيب : «ختيار» لـ الشاعر علي العضلي