أوّلك رحمه واوْسطك غفران والتالي نجاه

اللي ما يجرح صومه و يحفظ مواقيت الصلاه

و في الآخره نطلبك جنّاتك وفي الدنيا الغناه

وفي الصيف والا في الشتا وبكل فصلٍ في الحياه

تدري بعبدك وش يقول و وش عمل واللي نواه

أمرٍ ما تقبله العقول و تستحي منه الرواه

و كلٍ علينا تجمح خيوله وتضربنا عصاه

واللي يذبحنا ويدّبنا نحبه ونحماه

وشيباننا ورجالنا واطفالنا مثل الرعاه

والرجل ما له حيله و ما عاد للعالم سواه

ويوخذ حلاله ثم يطرد لين يذبح فالصفاه

في كل بقعه من لقا له مسلمٍ يلعن ثواه

اللي قبض دينه مثل من يقبض الجمر بيداه

و كلام واضح ما يبي تفسير من فسّر هواه

صلّى الله و سلّم على محمد و من سبّه فداه

والكون كله ما يشوّه سمعته والا نباه

ويقول حسن الموعظه والحكمه أسلوب الدعاه

والسيف ما قال ارفعوه الا على روس الغزاه

واللي يقول احذر تغير الأرض واسق الزرع ماه

تلمع بنور و صدق ما تلمع بتحريف الولاه

واعز من يتبعْه واحفظ دينه و ذل العداه

ثم رحمتك ثم العن الشيطان والعن من وراه