نرحّب بجميع محبي الشعر في صفحتهم ملفى القصيد، ستجدون بإذن الله التنوّع في الطرح وحرصنا على رسمكم أجمل اللوحات الشعرية والتي تمنح الجمال لملفاكم.. ملفى القصيد. لمراسلة الصفحة: mohdalmanna3i@gmail.com تابعوا مجموعة ملفى القصيد على موقع facebook بادخال عبارة «ملفى القصيد» بمحرك البحث في الموقع ، وعلى تويتر : :malfaelge9eed@ * الليلة الرابعة لمهرجان أهل القصيد الثامن تقيم اللجنة المنظمة العليا لمهرجان أهل القصيد الشعري الثامن الليلة الرابعة من ليالي المهرجان ( وا محمداه ) وذلك يوم الخميس الموافق 17/1/2013 الساعة الـ 8 مساءاً وذلك بمملكة البحرين مجمع السيف – سينما السيف 1 – قاعة 14 والتي ستجمع كل من الشعراء ( الشيخ / خالد بن عيسى آل خليفة – حمد بن فطيس ) ويديرها الإعلامي / حسين العامري والدعوة عامة ومجانية . • وقد خصصت اللجنة المنظمة العليا للمهرجان وسائل التواصل الاجتماعي التالية للجماهير الكريمة: الموقع الخاص بالمهرجان : www.groupind.net Facebook : /ahalalqaseed Twitter : @ahalalqaseed Instagram : @ahalalqaseed YouTube : ahal alqaseed BlackBerry : PIN : 213F89A0 أهل _ القصيد # ask.fm/ahalalqaseed sayat.me/ahalalqaseed او يمكنكم الاتصال على الارقام التالية ( 0097339606897 – 0096565107778 ) * عقد القران الشاعر/ عبدالله بن سلمان العُمري عقد القران اليوم ياغلى البشر صار وازف لك أجمل تهاني لساني مبروك يامعشوقة القلب مليار مبروك قربك يا سعادة زماني قربك فخر و سعاد قلبٍ لك اختار بالشوق وهجوس اللقاء جاك عاني أشكر و احمد الله رجى كل محتار حقق منى قلبي و العز داني لفى بقرب اللي سمت بين الأخيار بين البنات تفوز باعذب معاني سليلة المجد و هدف كل مختار والله كتبها لي و نور مكاني أعذب من النسمة و شمسٍ وسط دار والعقل كامل بنت ليثٍ حصاني أروى فرحت بقربك اليوم و انهار سد البعاد اللي جفاك و جفاني والفضل لله عقب جهدي و الاصرار جابك لي و صرتي بوسط المحاني رضاي فرحة والدي شيخ الأبرار و رضاي فرح أمي كنوز الحناني أوصيك في دينك ولو صار ما صار و فزي لفرضك ?سمعتي الاذاني و كوني لي العون بصلاتي ولو جار وقتي و وقتك عقب علوه طماني كتبت بعض اللي بصدري من أشعار من فرحتي بأروى سعادة زماني عقد القران اليوم بأروى لنا صار أزف به أجمل تهاني لساني * النظم و القلطه ! الشاعر / تركي الميزاني سلامي سلام مودعٍ مايبي فرقاك ولاله على شوفتك قدره ولاسلطه يشوفك بعد مااقفيت وانته تجر اخطاك وكنه صويب معطبينه هل البلطه تهشم خفوقه يوم لوحت له بيداك يناديك ودموعه على الخد مختلطه يبي منك نظره والتفاته لكن ماامداك تحرر معاليقه من السحر والخلطه ملكته بحبك وامتلكته وقال فداك و جنبت فكره عن هل النظم والقلطه مدخلك بالله ياحبيبي ومن رباك تعود علي لاتلحق الغلطه الغلطه وإن كان ودك تبتعد لجل ذاك وذاك عسى الله يبيحك كان سببتلي جلطه * افتتاحيّة شاعر المعنى 3 هذه الليلة ستكون افتتاحية شاعر المعنى 3 ويشارك في هذه النسخة شاعرين قطريين من مجلس المحاورة القطري وهما علي بن حمد الدحابيب و بدر العتيبي ونتمنى لهما التوفيق وإحراز اللقب. مع العلم أنه سيحضر وفد قطري من وزارة الثقافة برئاسة الشاعر مشعل بن عنان. * بوح صورة انتهت مسابقة بوح صورة من إعداد قروب انكسار المشاعر على البلاك بيري، بإدارة بندر الرشيدي PIN:29179619 ونضع لكم المشاركات والمراكز حسب التصويت. صورة المسابقة: النتائج بأعلى الأصوات 1 ما اقدر أخون الود .. يا خاين الود أبـ اعتذر .. ! بـ اللى تبي يـ إناني ؟ جيتك .. أشيل الورد و آلاعب الورد و شفتك تلاعب يد محبوب ثاني لـ الشاعر سرور السند 2 خلّيتني .. و أقفَت عيونك تباكن قلت : الظروف وقلت : هذا مصيري عادي انتفارق و انتوادع و لكن مو عادي آشوفك مع إنسان غيري ! لـ الشاعر محمد الحيص 3 كيف تطعني .. و انا ميّت عليك و اللـه انـي ، مـا تقاويـت النظر قلت أشوفك و أقطف الورد و أجيك و انكسر وردي مع القلب الخضر لـ الشاعر تركي الشمراني 4 جيتـك وورد القلب يرعى مراعيك ورجعت في قلبي من الجرح خانه كانـك لقيت اللي يوافق مساعيك مانيب حاسبها لك أكـبر خيانه لـ الشاعر مشعل بن دعيرم 5 عقب ما الغربة خذت منه أكثره جا يدور في اللقاء حلم السنين شاف منظر بشع و إنقص أظهره هالسوايا مو سوايا عااشقين لـ الشاعر حامد العبدلي 6 جايب لك الورد وانته ماخذك غيري خسـارة العـشق وأيـام الـغلا والحنين أبعتذر لك على صـدي وتـقصيري ولا انت مشكور تارك لي جروح السنين لـ الشاعر عبدالعزيز الديحاني 7 شفتي يَ دنيا ؟! هذا هو! الصادق بحبه غريق في اللحظة اللي جسّدت معنى الخيانه واذهلت والورده اللي جبتها بعلن بها حبّي العتيق؟؟ لا مَ اقْدرت تتحمّل الموقف وقفّت ،، واذبَلَت لـ الشاعر فلاح العساف 8 ‏ تمــنّيـت ان ايـاديـه بـ يدينــــي بــدال اللـي قهرني وْفي مكانــه كسرت الورده اللي في يمينـي عقـب ما شفت من خلي الخيانـه لـ الشاعر عبدالله الأحمد