نرحّب بجميع محبي الشعر في صفحتهم ملفى القصيد، ستجدون بإذن الله التنوّع في الطرح وحرصنا على رسمكم أجمل اللوحات الشعرية والتي تمنح الجمال لملفاكم.. ملفى القصيد. لمراسلة الصفحة: mohdalmanna3i@gmail.com تابعوا مجموعة ملفى القصيد على موقع facebook بادخال عبارة «ملفى القصيد» وين .. انت ! الشاعر / ناصر القحطاني وين انت ياقضاي حاجات الاجواد ياخي لنا حاجه ولااحدٍ قضاها ابطى الحيا بوجيهنا بس ما فاد كثرت رسايلنا ولااحدٍ قراها قل للكبار العايشه عيشة اسياد ان الصغار موصله منتهاها قل ياعرب لحقت على الشرب والزاد والناس تمسي ما تحصل عشاها ياهل الترف والمال والجاه وش عاد ياهل القصور اللي يذري ذراها يا عالم ابطيتوا تنمون الاعداد ما هكذا وصى هل المال طاها حسوا بنا ياللي نعد انكم سناد لا تتركون احوالنا في شقاها جادت شيمنا لكن الحظ ما جاد مااعظم من انفسنا ومااصغرمناها حسوا عشان نحس في طعم الاعياد حسوا عشان الشمس نعشق ضياها حسوا عشان نعلم الحب الاولاد حسوا عشان الارض ينبت ثراها حسوا عشان نعيش ونغيض حساد حسوا عشان المزنه تصب ماها حسوا عشان الخير والطيب يزداد حسوا عشان الام ينمو ضناها حسوا عشان يغيب صوت ابن شداد حسوا عشان تضم ليلى فتاها حسوا عشان الناس ما تصبح اضداد حسوا عشان النار نسلم لظاها خلو لنا معكم على الجم ميراد حتى النفوس يصد منها غثاها لو انكم لجروحنا صرتوا ضماد قلناابشروا بالحب لحظة دواها العز للانسان لا عاش ببلاد كل اغنياها تلتفت لفقراها مدري متى بنموت بس التعب زاد الله على الراحه من اللي لقاها لو ما خذينا لقمة العيش بجهاد جانا من ادنى ربعنا من خذاها هذا زمن بيع الكلاوي والاكباد والله علم باكر وش اللي وراها بيض الجباه وسمر الايدي والاجساد عياالعرق والكد يقطع ضماها مع كل مطلع شمس ياكثر الانكاد بقعا على الاحرار تدرج رحاها ندفع فواتير انتهاكات الاوغاد وندفدف اعمارٍ قصير مداها لو الحياة امرار والعمر ينعاد قلنا بدل هالمره اللي قفاها ناس على اللقمة ذبحهاالتوجاد وناسٍ من التخمة تسوم اخوياها يالله بكم متر مربع للاحفاد لو ما ننول الاالقبر من ثراها العيشه بخيمه من خيام الاجداد اكرم لاجاويد تكرم لحاها قولوا لمن قفى بلحظات الاسعاد والرعب بثه في النفوس وملاها يا فقر لو قمنا جماعات وافراد تبشر ملايين الضعوف بهناها كم كانت الاقوام في شرك والحاد لين ارسل الله بالصحيح انبياها والشعر لو ما جاله اثار و ابعاد عيبٍ على راعيه فيه يتباها حنايا .. الروح الشاعر / عبدالعزيز الباكر يا وردةٍ في حنايا الروح مزروعه جذورها بـ الوفا والود زارعها محروسةً وبخفايا القلب موضوعه رفيعة القدر فوق الراس واضعها حروفها في زوايا العين مطبوعه أغلى حروفٍ وبـ الوجدان طابعها من زينها والحلايا دوم متبوعه ما هي بمغرورةٍ والكل يتبعها ما هي بمنصوبةً بـ الحب مرفوعه من بد كل البشر بـ القلب رافعها جادل بكل الحلا والغنج دلوعه انا اشهد إنه أبوها حيل دلعها الشمس من وجهها بـ النور مقطوعه تحجب سنا نورها خصله وتقطعها لا هي طويله ولا هي جد مربوعه معتدلة الطول وبـ الخافق مرابعها من حسنها ضعت بين السبت وربوعه بـ المرتبة الأوّله..ما جات رابعها الروح في بعدّها بالصد مفجوعه تشتاق للوصل وطاري البعد يفجعها قصيةً ما جناها اللاش وتروعه صعيبة الصيد ولا به حد روعها لعيونها الروح بـ الأشواق مجروعه بـ الحب وأشواقها قلبي تجرعها بهمسها تشفي الخافق من اللوعه لراحتي ماشكت وقتٍ يلوعها أحبها والمحبة دوم..مشروعه وأبواب قلبي من الخاطر مشرعها حمام.. الدوحه الشاعر / علي بن محمد الجهام الكواري جزى الـله منك ما جرى ياحمام الدوح نهيتك ووصيتك عن النوح وتنوحي من النوح وش لك ياحمام الشقا مصلوح مغير ايتنقض ما تلملم من جروحي عساني بيوم اجيك واعيّنك مذبوح بـ كف اشقرٍ مع ضربته طحت مذبوحي ولا عاد تشقيني بنوحك ولا بـانوح ولا عاد تدمع عين والصدر مشروحي ترى اغناك طرا بـ الفـكر صورة المملوح وليف اذا من راح وش حاجة الروحي انا ويش اسوي لاهجرني وليف الروح مغير اتصبر واكتم الهم والنوحي احاول اخفي ضيقتي حالفٍ ماابوح معاالناس كاتم وان تفردت مطروحي ولاادري بعـد فرقٍـاالمحبين وين اروح لكن عارفٍ وضعي ولا عنــّه انزوحي عيونٍ بتسهر له وكبدٍ عليه اتفوح ووجهِ غشيمٍ بـ الوناسه والمزوحي غلطت وحسبت المساله ضحك وياامزوح ولا كنت اظن انها معاناة مجروحي ولا كنت انااسمع نصح ربعي واناالمنصوح ويا بلوة اللـّي ما سمع قول ناصوحي الا يا حمام الدوح حديتني عـ البوح ولو كان ما يسعف ردى حالي البوحي درب المعالي الشاعر / ذياب بن عبدالله النعيمي ماني من اللي يظهر شوي ويغيب ولاني من اللي يحتفل في شبابه انا من اللي يرتجل للمواجيب ويوجّب العالم وينسى وجابه اشوم وارقا واتنحى العذاريب واجنّب الناقص ولاسمع عتابه اطيب لامنّه عوى الذيب للذيب وِلعتلا حسّه تزيد الطرابه اكيّف الخاطر قبل ياتي الشيب واسوق روحي له ولحدٍ درابه باب الكرم مادنّسه غشٍ وريب كل العلوم الطيبه في حسابه يفداه منهو خالط العز بالعيب ومجلسه زاهي ولا فك بابه لو عشنا ما عشنا ترا نجهل الغيب والغيب علمه عند ربي نشابه درب المعالي دايمٍ فيه تعذيب وان جا عذابه قلت لبى عذابه اسوق مادوني ولالي مطاليب اصغر مطاليبي لحلمي تشابه ولا قلت ياراسي كفانا من الطيب يقول تكفى لا يشاف الردى به الـلـيـل الشاعر / فهد العتيبي الليل يا ماجد على صاحبك طال والليل بابٍ للاماني الدفينه ياقف عليه الحلم تبّكِيه الاطلال والدمع واسم من قهر وجنتينه يبغى يعذل العين لكن لازال يجمع دموعه وسط راحت يدينه يرجع وقلبه من عناالهم مكتال اتقول فاقد له حدا والدينه ويصور احداثه على جر موال ابيات شعرٍ غاوياتَ سمينه منهو سمعها قال يا طولة البال ؤش مقصده هي جايراتَ سنينه ؟ ( الله من قلبٍ غدا فيه ولوال ) جمر الغضى في معّلقه مكتوينه والله من جاشَ عليه الدهر مال واليا ضواه الليل يسّمَع حنينه في صدر منهو للطويلات يختال ومن لا يحوش الطيب تبدت يمينه عزيز مايشكي على الناس للحال وهمومه اللي دون صدره سجينه المرجله عدٍّ مواريده زّلال وياقل من قرهودها واردينه ياكم منهو نال ثم نال ثم نال ولاجيت للصملات فعله يهينه اترك كلام الشخص وانظر للافعال الرجل جزلات الفعايل تبينه سلم على اللي للثقيلات يشتال للمعضله في حلها ذاخرينه العز مدهاله من سهول وجبال وعزومه اللي للعلا ماتلينه للطيبه يشتاق ويصيبه خبال خبال طيبَ بالنعر قارنينه لو مات في فعله يعدون الامثال الحي ذكره والجسد فاقدينه والاالردي لو مات خايب ومحتال يفقده ورعانه ويحزن ظنينه والادمي يلقى حصيله ولو قال كل الدعاوي بامر ربي رهينه واختامها صلوا عدد كل همال على نبيَ بالهدى تابعينه