نرحّب بجميع محبي الشعر في صفحتهم ملفى القصيد، ستجدون بإذن الله التنوّع في الطرح وحرصنا على رسمكم أجمل اللوحات الشعرية والتي تمنح الجمال لملفاكم.. ملفى القصيد. لمراسلة الصفحة: mohdalmanna3i@gmail.com تابعوا مجموعة ملفى القصيد على موقع facebook بادخال عبارة «ملفى القصيد» بمحرك البحث في الموقع ، وعلى تويتر : :malfaelge9eed@ * راحة .. البال ! الشاعر / محمد جارالله السهلي راحة البال الغناه ان كان فـ الدنيا غناه علم اللي .. يعبد الدينار ويعبد الوجيه ! لا يحسبني تبيعٍ له وعايش في رجاه والله ان آموت قدام اتبعه ولاّ ارتجيه ! صاحبي لا تحرث الفايت ولا تبحث خفاه الحظيظ اللي كسب .. دينه وطاعة والديه شرهة الرجال .. ما تاجب على كل اخوياه تعرف الرجل العروف وتسفه الرجل السفيه حطّها في جمجمة راسك وجوّدها وصاه واحدٍ يشره على ادنى شي لاتشره عليه علمتني .. دورة الايام ودروس الحياه ماتهقوى في رفيقي حاجةٍ ماهيب فيه ! تنبي الأفعال .. عن عزيمة الرجل و مداه وتنبي الأقوال عن وجاهة الراي الوجيه إن تردّى وافي الجدّين .. يوجعني رداه وان تردّى هافي الجد ابتسم من غير ليه ؟! خابرٍ مجنا المعرّب عن ردى الفعل يحداه وخابرٍ طبع المهجّن لـ الردى دوم يحديه نشري الطيّب ونتعب في مساعيه ورضاه ونتباشر لا حصل واجبْه .. ونقدّر ذويه الردي .. نسحب عليه وينقلع منا وراه ما نجامل فـ الحقوق ولو يبينا ما نبيه ! كل رجل وله مقام وكل رجل ومستواه وكلٍ يقلّط على فعله وما حاشت يديه * لك .. الله ! الشاعر / محمد بن علوش الخنفري لك الله ياضميرٍ كل ماهب الهوى تنهار طرى لك صاحبٍ مايعرفك ياكود له عازه تهل دموع عيني والجفا سمه بعرقي سار نصحته من قبل صده يجنّب همز همازه اذب الرجم و اردف ونه بونه على ماصار اون وخاطري شفقٍ على شوفه ولا حازه على اللي تل قلبي يومه اقفى تالي المشوار ولا ينفعني الدكتور لا طبه ولا جهازه شفوقٍ مثل مايشفق سجينٍ يبغي المظهار ومثل شفق الموظف للربيع و? له اجازه ومثل مايشفق العود لحياته باول الاعمار ولا يحتال يمشي خطوةٍ من دون معكازه وجودي وجد من مازح رفيقه بالسلاح وثار توفى صاحبٍ له في علوم الطيب عنازه ولا له عذر وش عذره لو انها تنفع الاعذار وشو له عذر دام انه توفى واصبح جنازه تصدد وانهمل دمعه وكبده كن فيها نار غدى سبة مزوح بحالةٍ ماهيب ممتازه نصوه اهل الفقيد وقصدهم طلابةٍ للثار نصوه و عبرته من حالته للدمع كزازه توجادي على لاماك وايدين الوصال قصار جفاك اركى طعونه والمفارق دق مركازه على كف القدر نمشي مادام ان الفلك دوار وحكم الاقدار كل الخلق مابه شك تجتازه تصبر ياضميري من عذاب البعد لا تنهار عسى الله يقطع الفرقى ويقطع جية العازه * كذبة زمان الحب الشاعر / طلال حسين الحارثي هاذي حياتي بالهواء حيل مشتاق ! ابكي واشكي من ليالي زمـانـي بالحب صـارت دنيتي كلها أفـراق وايقنت بان الحب كاذب عـمـانـي اي والله اني بالهواء خاطري فاق ! واعلنت بانك شخص كاذب أنـانـي مـنت بعلى خبري بتنعش بالاعماق انـتـه لعين الحب وانسان ثـانـي مصبر على كذبة وماهي بـتنطـاق كذبة ومافي الحب غير المـعـانـي هاذي بيوت الشعر تنزف بالاوراق تنزف حـزن تنزف بماضي رمانـي وهاذي عيوني والهدب يعلن أفراق وهاذي دموعي نازفه بالمحاني وهاذي حياتي بالهواء حيل مشتاق ابـكـي واشكي من ليالي زمـانـي * محطات الغرام الشاعر / عبدالعزيز الباكر خذاني الغرام ابرحلةٍ في محطاته وناوي يوصلني لشوقك ولدروبك بقربك تبسم حظي وطابت أوقاته ويابخت الخفوق اللي غدا بيوم محبوبك بكل لطف ثغر الحب يروي حكاياته ويوصف حلا زينك وذوقك وأسلوبك مشاعر خفوقٍ مندفع لك بحالاته تجي ترسم أشواق العيون اللي هلوبك يا اغلى هجوس الفكر حلمي وهقواته فداك العمر واحلى احاسيس مصيوبك سكنت بمعاليق الحشا..صرت نبضاته سرى حبك بوسط العروق وتغذوبك ولك قلب كنه نجم يجري بمداراته يهيم بفضاء حبك شمالك مع جنوبك قصيدي نزف حبره من دموع عبراته ومعنى المحبة هي حروفك ومكتوبك خذاني الغرام ابرحلةً في قطاراته وجيتك وأنا طرقي من الشوق لدروبك * هوى لندن الشاعر / عايض ين غيده تذكرت وقتٍ فات يا طيبين الذات علي لاطرى وقتٍ مضى لا تعدونه انا لا طرى قمت أسجع الليل با الونّات كما اللي فطيمٍ من رضاعه يلدونه كفيتوا و وفيتوا و زدتوا على الكيّات قديم الطعون اللي عفى الوقت من دونه ابزهم شجاعٍ خوته مابها شكّات رفيقٍ ونفسي من حسانيه مرهونه وابقول يامحمد تراني ورى التنهات أسير القفص مثل البزر لا تخلونه عشقتوا هوى لندن و راحت علوم وجات خويً بخط بقيق بالله تمرّونه * يقولون ! الشاعر / طالب محمد البطين يـقـولـون شعـرك بالغزل منتحي واديه لكن مادروا باللي وسط صدري اشقاني مـحـبـة ولـيـفٍ كـل شـيء نـزيـهٍ فـيـه لـكـن الـتـواصـل حـدنـا مـنــه حرماني وقـلـبـي بـريـدٍ مـاوقـف لحظـةٍ ساعيه عـلـى سكته عزمي مـن الشوق وداني احـب الغـزل لجله والابيات من طاريه تـوافـد عـلـي احـروف الابـداع تنخـاني ولـيـفـك يـزيـد ابـداعـنـا جـوهر ونبغيه يـعـزز حـروف الـبـدع فـينا بالاحساني لأنـه جـمـالـه يـوسـفـي والدلـع زاهييه رومنسـي رومنسـي يا إلهـي لاتـبلانـي صـغـيـرٍ بـسَـنـه لاكـنٍ قـدره امعـليه احـبـه ولا اهتـمـيـت مـن كـثر ما اعياني خطا اللي سواته يندمـح دون مانجزيه ومتـحـمـلٍ مـنـه مـن الـضـيـم ماجاني سـهـوم الـمـحـبـه تـرتـفع لجله ومغليه ولا يـخـطـر فـ بالي مـن الـغـدر خـذلانـي احـبـه مـحـبـة مـخـلـصٍ بـالـوفا شاريه ولايـرخـصـه قـلـبـي ودمـي وشـريـاني