نرحّب بجميع محبي الشعر في صفحتهم ملفى القصيد، ستجدون بإذن الله التنوّع في الطرح وحرصنا على رسمكم أجمل اللوحات الشعرية والتي تمنح الجمال لملفاكم.. ملفى القصيد. لمراسلة الصفحة: mohdalmanna3i@gmail.com تابعوا مجموعة ملفى القصيد على موقع facebook بادخال عبارة «ملفى القصيد» بمحرك البحث في الموقع ، وعلى تويتر : :malfaelge9eed@ * ما قلتلي شي؟ الشاعر القدير/ متعب التركي ما قلت لي شيّ .. وش خليت ما قلته ؟ اسكت .. وخل الكلام لـ جرحي الدامي ! ولو غيرك اللي ؟ .. يسولف ما تحمّلته ! لكن ! على شان عينك .. هانت الامي ! ( لـ الحبّ مفهوم ) .. عمرك ما تخيلته ! ما اظن يستوعبه .. ( تفكيرك السامي ) هذا : الفراق الطويل ! .. وهذي اسئلته وهذا : حصاد السنين .. ( وهذي ايامي ) ياما ، وياما .. عليك البال .. ( طولته ) !! والعمر عدى .. وانا عايش على اوهامي حتى ( طريق الفراق ) .. اللـي تساهلته لقيته اصعب على نفسي .. من اقدامي اصبر لي .. شويّ لو : ( دمي تثاقلته ) ! بحاول ( استوعب ) .. اللي صار قدامي الحلم : ( ضحكة ) بـ عينك بس ما طلته عمرك بهالكون شفت ابسط من احلامي القلب لو ما خفق لك ؟ .. كان ما شلته ولو منت ملهم قصيدي جفت اقلامي هذا قصيدي .. بــ عينك لو .. ( تجاهلته ) ينزف على شان يروي .. قلبك الضامي العام .. ( طاري غيابك ) .. مـا تقبلته !! واليوم .. حرماني اصبح : مصدر الهامي لا تعتذر لي .. وبـ انسى .. كل ما قلته ! وش ينفع العذر ؟ .. لا من ضاعت ايامي * تلميحة الفرقا الشاعرة/ قمره تلميحة الفرقا مثل ضربة الموت لكن روّح سيدي لا تحاتي احس روحي كنها وسط تابوت والريح تقسمني وتذري شتاتي واللي مروّح ما يعوّد به الصوت ولا مجاذب ونتي وعبراتي لو انت تغنيني عن الشرب والقوت وشوفتك ترسم فرحتي وامنياتي ما ينفع الموجوع لي فاته الفوت ولا خضوعي يندرج من صفاتي واللي منجي روح ( يونس ) من الحوت انك عذوبة هاجسي واغنياتي وانك بعرش القلب والغير مزتوت لوخنتني كثرت عليك اظلاماتي * طوّل .. الفكر! الشاعر/ الهيلم زايد المويس لا والله إلا طوّل الفكر مسراه الله يعينك يالعيون السهيره فكرٍ ليا جته الحواسيس تنخاه رفع لها الرايه وولَّع سعيره يفزع مثل فزعات هايف على اعداه مرجح الميزان بعد الكسيره معدَّل الطابور في حد شلفاه لوتكبر القاله تعوَّد صغيره يمنىً على جدع الجماجم مضرَّاه وْلا تحوَّل إلا بالشيوخ الكبيره في جنة الفردوس لعل مثواه شيخٍ تفاخر فيه كل العشيره وارجع على موضوعنا اللي ذكرناه لي فيه شف وسجةٍ وتعميره نبي نسج الرجل باقصاه وادناه حواسٍ جتني سواة المغيره اللي يحس البال ودي بفرقاه ولااقدر اطفي هاجسٍ بالسريره إلا بعد ما خذ من الشَّعر مشهاه ومعاسر الابيات ترجع يسيره ننقى البيوت الشارده والمصفاه اللي تعجب اهل الوجيه السفيره واشره على اللي تكسب الطيب يمناه اللي يعرف المبصره والضّريره وإلاالردي ماواخذه في خطاياه على قدر ماقال ماهي كثيره لو ان هرجه نسمعه ماسمعناه نشوم عن كل الوجيه الحقيره ولاحدٍ تهقوى يحطنا وسط مخباه في شارد الاشعار وإلا بغيره * الدمع طايح الشاعر/ طارق الهنداس عندي طلب وَ الحزن باين على عيني ابيك لا تذكريني .. و[ الدَمع طايح ] اخاف لا يجرح اخدودك سبب ويني ؟ هذا سؤالك حبيبي ( والكحل سايح ) يرسم على وجنتك غربة عناويني وكل المسافات تسال وين انا رايح ؟ رايح .. مع صوتي المُحزن يسليني ويفضح ملامح ونيني صوتي النايح حتى تعطرت جرحي .. مِن ظلمتيني ؟ وَمن كثر مَاخاف عطري صار لي فايح حرام يجرحني اغيابك وَ [ ناسيني ] فتحت لك قلبي ... الموطن تجي سايح هذا جزا .. قلبي الوافي [ تخونيني ] ( الله يسامحك ) .. ياحبي وَ انا شايح مَا تشوف جرحي مِن غيابك يخاويني لا تعتذر عن .. غيابك والدمع طايح * حلم إبليس بالجنة الشاعر/ وليد الناصر وشلون ابنساك ياللي شاغلٍ بالي تبيني انساك حلم ابليس بالجنه دامك بحلي مرافقني وترحالي وشلون قلبي بحبك يختلف ظنه اهواك انا يا حبيب القلب يالغالي هواك لو بعتني ما اغتني عنه احن واشتاقلك من خوف عذالي تبعدك عني ويصير القرب بالمنه لولاك غالي ترى ما كثرت امالي نفسي على لقاك يا محبوبي امحنه يا عل من لام قلبي اول وتالي نفس الليالي على فرحه يلومنه وشلون ابنساك وانت شاغلٍ بالي وان قلت بنساك حلم ابليس بالجنه * ساحات الحرية شاعر الثورة/ مياد أبو الشايب معرة النعمان - إدلب يا كاتب التاريخ سجل قصتي إني لشعب ثائر مغوار حطمت وجه الصمت ذا في ثورتي فغدا ظلام القادمات نهار ورسمت وجه الحق ذا في ريشتي إن الزمان بطبعه دوار وقطعت رأس الظلم بعد مصيبتي بمهند في حكمه بتار ياكاتب التاريخ لاتنسى الدما فدم الشهيد بقصتي إعصار غال على قلبي كما الذكر الذي اهداه رب واحد قهار ياكاتب التاريخ عرج نحونا نمضي معا كي ينتهي المشوار نمضي الى ساحات عز ضمنها نهتف معا فليسقط الجزار فليسقط النذل الذي اهدى الورى حزنا مريرا دمعه مطار وليسقط السفاح بعد هزيمة في ساحة يمضي لها الاحرار ياكاتب التاريخ سجل اننا نمضي الى ساحاتنا ثوار النصر آت يارفاقي فافرحوا ننهي الطغاة ويسقط الفجار النصرآت يارفاقي فازحفوا هيا معي نحو المدى نختار نختار موطن دون كلب ظالم نحيا به دوما به اصرار نختار موطن لايهان عزيزه نحيا به ويقتل الكفار نسمو به نحو المعالي نرتقي نشرك برسم بنائه الابرار نختار موطن لا لصوصا بيننا يحيوا هم ‏‎ ‎ويذبح الاخيار نختار موطن رائعا دون الورى نحيى به وليقتل االجزار ياكاتب التاريخ عرج نحونا نمضي معا كي ينتهي المشوار ياكاتب التاريخ لاتنسى الدما فدم الشهيد بثورتي اعصار * مساجلة.. شعرية! محاورة نارية بين الشاعرين المبدعين سعد بن وسام وعبدالله الغالي • سعد بن وسام سلام رديةً مثل العلم في قمة طويق مايوصله من رجال العرف غير اللي عنى له عبدالله اليوم من زود الغبن والهم والضيق لو قالوا الارض تبلع شخص راح يزّم حاله • عبد الله الغالي يامرحبا والكلام الزين تبقى له مواثيق وان ماورثه الولد من عمّه يورّثه خاله لا تعترض للبعير ان شفت مسراحه على الريق اخاف يزعل ويقطع قيده ويرخي عقاله • سعد بن وسام عليك شرهه يابوراشد من ارجالً مطاليق والشرهه اثقل من اثقل قاع مرسيةً جباله كثر الزلازل تبيّن كثرة ذنوب المخاليق سبحان ربً موّثق سلطته جلَ جلاله ! • عبد الله الغالي علي شرهه ولا ادري صدق ولا جات تلفيق لكنّ ابصبر على التاجر يالين اعرف مجاله قلوب بعض الاوادم دوب تمسكها المعاليق واللي يجنّب عن الاسلام غصب يضيق باله • سعد بن وسام انا ماجبت الك شرهات المهبّل والمطافيق جبت الك شرهات قومً تحتمي في كلّ قاله يالمتّهم بكره الضبّاط تعمل معك تحقيق وتروح في قبو ماتعرف يمينه من شماله ! • عبد الله الغالي شرهاتك اللي من البارح تفوّح فالاباريق اتصبّها مير ماتملى ولو ربع البياله القطب لو ذاب ثلجه ماتعيش به البطاريق لكن خلّه يابن وسّام فالدنيا لحاله • سعد بن وسام ماصحت لك لين حمّلني زماني فوق ماطيق والياك قاعد على الكرسي ومتريّح وداله يبدو لي ان خمعتك فـ السيل من قلّ التوافيق والوفق عند الله اللي لا ظلال الا ظلاله ! • عبد الله الغالي الله يعين الطيور اللي تجوّدها المسابيق ماغير تكفخ على صوت المقهوي مع دلاله الظاهر انّه حصل من بعد كثر الجمع تفريق الكل ودّه يفلّي فـاسفل الوادي حلاله