نرحّب بجميع محبي الشعر في صفحتهم ملفى القصيد، ستجدون بإذن الله التنوّع في الطرح وحرصنا على رسمكم أجمل اللوحات الشعرية والتي تمنح الجمال لملفاكم.. ملفى القصيد. لمراسلة الصفحة: mohdalmanna3i@gmail.com تابعوا مجموعة ملفى القصيد على موقع facebook بادخال عبارة «ملفى القصيد» بمحرك البحث في الموقع * تويتريات.. شعرية @fahadaafet1 أنفاسك و كلّ وردٍ زار بستاني .. ‏لا بد احد قبل احد مشى بهذا الطريق ‏‏ ‏ ? ? ? ? ? ? ? ? ? ? ‏أسأل من اللي سرق عطره من الثاني .. ‏و يجاوب الصبح : لا هذا توارد رحيق ! فهد عافت @bnkrroz لو كل من هو فقد له واحداً غالي للي تكن الضلوع يبطل ازراره ‏ ‏ ? ? ? ? ? ? ? ? ? ? كم واحداً في حشاه ايحس بالصالي ونقالة الهرج ماتدري عن اسراره زايد بن كروز @jassimbinhammam من علم البرد ... ارتجاف المدينه ومن علم الغياب دايم يرحلون ‏ ‏ ? ? ? ? ? ? ? ? ? ? وين الذي في اول العمر .. وين !! اللي سكن في داخل عيوني ... عيون جاسم بن همام * اوجيه المقاصير! الشاعر / الهيلم زايد المويس لاحت بروق الشعر ياجعلها خير قبل طلوع اسهيل برقه وكادي ماهو اسهيل اللي يبشر به الطير هذا سهيل الشعر حسب اعتقادي برقٍ بوجه السحب ويقول لاتحير السحب سحبك وانت بالخير بادي تزفها ريح الهجوس المباكير لارض الفؤاد اللي رعاها الجرادي ابارها ما عاد باقي ولا بير جفت وغادي لسّراب الطرادي ماعاد فيها الاعجاج ومعاصير بالصيف والافي افصول البرادي ومن لاح براق المزون المزابير نبتت صحاريٍ ممحله في فؤادي وتصافحت فيها اجداد النواوير لها تشد الحاضره والبوادي من قبل غيثٍ في اظهور المحادير قدام لا يسقِ الوعر و الحمادي ربع فؤادٍ مانحنى للاعاصير لو امحلتبه كن هالوضع عادي عنده يقينٍ في جواري المقادير مايردها الا اللي عليه اعتمادي لعل يسقيه الشعر صبح وعصير و يسج عن دنياٍ بها الغث زادي يلقى دروبٍ ما وطتها الشواعير بارض بكر فيها المعاني اجدادي اخير من شوفة اوجيه المقاصير اللي عن الواجب اقصار الايادي اطيبهم ايدينه تعدى ورى النير ذراعه طويلٍ في افعول السوادي بدرب الرياء يبذل اكثار الدنانير والا عن الواجب مقيد اقيادي ومشكلته اللي مالها أيات تفسير فالمجتمع يعد روحه قيادي ماللفعول الطيبه أي تقدير عند الوجيه الجاهله بالمبادي تجاربٍ تعطي بن آدم تقارير المتعظ ماهو عن الدرب غادي * من .. العام ! الشاعر / محمد بن اسلوم حالي مـن العام يـبـعـدنـي ويـدنـيـني قـل الـجـدى بي ونـفـسـي فيه طماعه منساه لـو سلـوتي في باقي اسنيني طبع الـوفـى لا تـمـكـن يصعـب اقناعه يـذبحني الصمت والأشواق تحيـيـني وانـا ادري ان الــذي قـد لاعـنـي لاعه يصده الجـور غصب ما هو بأيديـني وانظر بصيص الأمل يلهمني ارجاعه عساه يـجـزى ورب البـيـت يـجـزيـنـي جِـرب بـنـا من نـكـال الـوقـت بأنـواعه لــو المـسـافـــه بـعـيـده بـيـنـه وبـيـنـي اقـلـوبـنـا في فـضـا الـعـشـاق جماعه دنى مـشـيـبـي ولاح المـوت في عيني والــروح تـطـلـب فـرص لامــاه جـزاعه يـبـكـيـه فـقـدي وفـقـده صـار يـبكيني لـيـت الأمـاني تجي بالـكـيـف مطواعه لأخـتـار بد الـخـلايـق قـرب مضنـيـني حـيـثـه ضماد الـنـيـا وامسكن اوجاعه حـبـه عـزلـتــه عـن القاصي والأدنيني خـوفـي مـن الـعـذل لـو ماني بسماعه ابـيـه صـافي على خبري وتـيـقـيـنـي انــه صـفـى مــقــلــةٍ لـلــفــرح دمـاعه وداعــت الله ويـبـقـى مــا يـسـلـيـنــي ذكـرى قديمه اجـددهـا عـن اضـيـاعه * مرثية جفران رثاء من الشاعر المبدع راشد الكبيده للشاعر والمنشد جفران المري رحمه الله وادخله فسيح جناته .. الشاعر / راشد الكبيده بعض العرب يحزنون الناس من موته لا طروا الطيب ولا عذب الاصواتي لا والله الا غدت الاخبار مثبوته جفران ليلة الاحد في حساب الامواتي يا حي من يطرب العاقل على صوته الصوت ما مات ولا صاحبه ماتي تلفاز بيتك الى فريت ريموته سمعت صوته على كل القنواتي ومن باب سلوى الى نجران وبيوته لا بد تسمع لحونه في المحطاتي يالله ياللى فرضت الفرضووقوته انزله في جنةٍ عرض السماواتي ويا ربع جفران والاعمار مووقوته الله يحسن عزاكم واختم ابياتي * تامر أمر ! الشاعر/ مدغم أبو شيبه ياصاحبي لاتباطيتـك وقـلـبـي حـزيـن رحت أنشد الدالهين اللي عليهم تمر يامعشر اللي على ضو القمر ساهرين مامرّكم عود موزٍ فــي عـلـوّه ثمـر ؟! الحب مثل العباده و أنفس المؤمنين أشرّهـا مانـفر .. وآخيرها ما أستمر ياليت روحي على روحك تذوب وتلين وأنـا اتكـوّن سحابه وأنهمر .. وأنهمر ! بقى من اللي خذيته قلب بين أصبعين وأن قلت : هاته من عيوني وتامر امر وأن قلت لي موقعي من عالم الحسن وين بعـد الثلاثيـن كــان الله عطـانـي عمر ؟! اقول : مزيون وأشباهك ماهيب أربعين أشباهك أثنين يا أمّـا شمس والا قمر !! يكفي بأنّك ظبْي ياخذ من الصقـر عين ومــن الـذلـول العمانـيّـه هيام وضمر معنّقـك شـبر فوق متونك وقفلتـيـن وايديك منجم ذهب وشفاك حانة خمر! مدري وش اللي خذا الله منْك وأعطاك زين ما لا عطا فارعات الطول بيض وسمر !! ماشفت هالوردتين وشفت هالجمرتين لـهـن ثلاثـيـن عــام ولايـزالـنّ حـمــر