نرحّب بجميع محبي الشعر في صفحتهم ملفى القصيد، ستجدون بإذن الله التنوّع في الطرح وحرصنا على رسمكم أجمل اللوحات الشعرية والتي تمنح الجمال لملفاكم.. ملفى القصيد. إعداد: محمد راشد المناعي لمراسلة الصفحة: mohdalmanna3i@gmail.com تابعوا مجموعة ملفى القصيد على موقع facebook بادخال عبارة «ملفى القصيد» بمحرك البحث في الموقع ، وعلى twitter: malfaelge9eed@
الـقـلايـل !

الشاعر / الشيخ سحيم بن احمد آل ثاني

تحزمو ياربعنا بـ المغاتير
تخيرو من كل نادر وقرناس
اللي تظهرها ولوهي مخامير
من بعد طلعه ناقله جاه وسواس
من بينكم خوة وحشمه وتقدير
ابنا خليج وعرقنا منبعه ساس
من طيب قايدكم زبون المسافير
شهمٍ تخير بين نشمي ونبراس
وصا الكبير وقال بكرة على خير
المنزل المنزل وتكفى ياعساس
واصبح وصلاء وانتهض كنه الزير
وافرد وخذله بن يقعد خوى الراس
واختار منزاله جنوب المخاضير
بين الوعر والعرق والوضع حساس
وعود وقال ان قاله الله تياسير
اقصر عشى طيرك وانا اضمنلك الكأس
والصبح بان وبكروا للتباشير
بني المثولث بـ الهمم وقته اقياس
على الاصايل والسبايا مداوير
 ولا لحقهم من تعبهم تعوماس
بين العريق وبين حزم المغاوير
اثريها مابين صبحي ودراس
داجو وشاف الطير من قبل لا أطير
واطلب ورددها وسموه حباس
بين النفل وأطراف روض ونواوير
زين المضحا فيه من عقب مرواس
وعقب المضحا خمس وأربع تقارير
وحباس قيل انه تسمى بدواس
والليل كلٍ يذكر الصيد والطير
واخر قرار الربع سموة نوماس
واستانسوا من غير شرٍ وتكدير
والظبي له رمحٍ مثل رمح جساس
يسلم سليل المجد زبن المخاسير
في فكرته ذرب الفعل شيخ مقباس
موروثنا نحييه بالطيب والخير
 ابنا خليج وعرقنا منبعه ساس

محد على حد مجبور

الشاعر / محمد مذكر أبن قحاف القحطاني
الشاعر المبدع محمد بن مذكر القحطاني يتحفنا بمصافحته الأولى التي خص فيها ملفى القصيد..
البارحه بيحت ماكان مذخور
فتحت بيبان العتب والمشاريه
من عقب فنجالً مقند ومسمور
أدوت على قلب المعنى طواريه
سريت بالهاجس قبل فجت النور
الهاجس اللي ماتفشل مساريه
حضر لي بيوته على الباب طابور
يسمو معي قدام تسمو معانيه
أحوم به جو الفضاء وأعبر أبحور
وأترجم المكنون ويبين خافيه
صدري له أعوامً وله عدت أشهور
ضايق ولحظات السعاده تجافيه
صدرً حزين من قسى الهجر مقهور
قضاء حياته والنكاده تخاويه
سبة وليفً كان فالقلب مذكور
والحين مدري وين تذكر حراويه
ياصاحبي فالهجر منته بمعذور
فعلك شنيعً والبشر ما  تحييه
أثرك على قطع العلاقات دكتور
هذا مجالك وانت لك خبرةً فيه
روح ترى محداً على حد مجبور
كلن على دربه يدرج خطاويه
بتلقى الذي يجعلك رايق ومسرور
توهمه في حبك وبكره تخليه
ونا بدور من له الحب دستور
أبيع عشره منك وأروح شاريه
لو يطلب فوادي لعيناه مقدور
سلم الهوى ماخاب من كان بانيه
ولا انت لا تحمد ولا انته بمشكور
والسين يا حبً وهذي تواليه

تلميذتي .. في الحب !
الشاعر / سالم بن جخير

لو اني على قولك على راحتي ماكان
سرا ليلي البارح وانا ادور الراحه
ياتلميذتي فالحب شكرًا على الخذلان
بعد ماتفقنا نطرد الهجر واشباحه
مشينا الطريق وكل خطوه لها عنوان
والاحلام سبوره والأقدار مساحه
هقينا ولكن الهقاوي بعض الاحيان
تسيطر على واقع زمنا وتجتاحه
يقولون من جازاك بالصد والهجران
تجازيه بسيوف المفارق وبرماحه
وأقول ان بدت الاحزان ولا انتهت الاحزان
انا كيف احارب وأحدن دمعه اسلاحه
تجارب زماني علمتني اكون انسان
يداوي جروح الناس لو زادوا جراحه
غراني غلاك وقلت أشرع لك البيبان
وسلمت لك قلبي وقفله ومفتاحه
ترا القلب مثل الطير يكفخ بلا جنحان
والى من جزع ماعاد يرجع لملواحه
انا لك علي ماتطلبينه عدا النسيان
وانا لي عليك انك تروحين مرتاحه
خذي كل شي الا الوفا وأجزل القيفان
ابي من وفاي اذكرك واثري بك الساحه

سراب ومهمهيه
الشاعرة / الريم

الشاعرة المبدعة الريم ، تسعدنا بمصافحتها الاولى بصفحتها ملفى القصيد ، مرحباً بك وبإبداعك..

مرحبا والقاف نوخ لك مطيه
ياشبيه الحر في راس العلايا
شوفتك مثل المطر لـ ارض السنيه
ياسلاله قوم حكام  السرايا
إن وردت العد عاد الشمس حيه
فـْ أسق ذودي وارده هلكه ضمايا
وإن كتمت الشوق في صدري لظيه
قم توٓقّ القلب لاشفته شظايا
أطرد أحلامي سراب ومهمهيه
لين خلتك نوض ياشوق الصبايا
لكن اتعب في خفوق العامريه
تل قلب الشوق من خلف الحنايا

دخيل .. عينك !
الشاعر / عبدالرحمن الملا الحمادي

دخيل عينك خف تكفى دخيلك
استغفر الله منت عادي ولانسان
نظرات عينك خشها في جديلك
كل شي يغري فيك بالحيل فتان
كل ماسهيت شوي واثري اخيلك
اقول صاحي ولا انا فيك سرحان
احب وصلك واللقا يوم اجي لك
واموت في شوقك وكثر التحنان
تدري عشقت خطاك دربك سبيلك
ليت الذي قبلك ولا صار او كان
لا بي  احد غيرك ولا ابي بديلك
فيك اكتفيت وعايشٍ فيك فرحان
لاشوف دمعة حزن تكفى دخيلك
حملني اللي فيك من هم واحزان
ليت السعاده تنشرا واشتريلك
فرحة طفل ماشاف بلوه وحرمان

سلمي على سلمك

الشاعر / راشد بن محسن ال نابت المري

تقهويت فنجالين من دلة الرسلان
وطار العماس وغيرها مايقهويني
اهوجس بعض الاحيان وادله بعض الاحيان
واجنب عن علوم  المخاليق ويجيني
لاشك القصيد إلى نظمته على الألحان
عن الناس وهموم المقادير ينسيني
شوارد بيوت الشعر تمشي بها الركبان
مثل بيت شعر قد سمعته من سنيني
ولا للرفيق الاّ رفيقه وانا بن حصان
الى من تردى عاد طيبه بياتيني
سمعته قبل عشرين عام من الشيبان
ولاشك مابرقت به كون ذا الحيني
أﻷ يارفيقن  شرهتك تطرق البيبان
ارحب بمشروهك على الراس والعيني
لوانك وزنت العلم كله على ميزان
توضح لك الصوره كفوف الموازيني
انا ماني بغلطان ون قلت لي غلطان
ابرضيك واكسب خاطرك عاد يمديني
مدامك على ظروف الزمن محزم مليان
ابزعل لاشفتك ضقت ورضاك يرضيني
انا وانت مثل الخشم والعين مهما كان
و سلمي على سلمك ودينك على ديني