نرحّب بجميع محبي الشعر في صفحتهم ملفى القصيد، ستجدون بإذن الله التنوّع في الطرح وحرصنا على رسمكم أجمل اللوحات الشعرية والتي تمنح الجمال لملفاكم.. ملفى القصيد. لمراسلة الصفحة: mohdalmanna3i@gmail.com تابعوا مجموعة ملفى القصيد على موقع facebook بادخال عبارة «ملفى القصيد» بمحرك البحث في الموقع ، وعلى تويتر : :malfaelge9eed@ * عشت يا راسي كرامه راشد آل سالمين وإبداع متجدد ومعتاد منه في ملفى القصيد .. الشاعر / راشد آل سالمين اتصدد عن هجومٍ ولا فيه انتصار موجعٍ روحي بروحي ولا ادور نصير عشت يا راسي كرامه ولا اخطيت المسار ويا صدر تكفى تركد بطيشك لا تطير ردتك عن مابك اكبر لا صرت من الكبار والكبير الله وحده ولا غيره كبير يا إبليس الله يلعنك جعل ابرك نهار لا توسوس وسط راسي وانا ماني صغير هيه ياللي في عيوني لكم قدر و وقار ليه ذا التقصير وانا معاكم كنت غير جاهرٍ معكم بطيبي ولا فاد الجهار والمواقف ما تقصر رحاها يستدير اهب يا رجلٍ نصيته يوم ان الوقت جار اشهد انه ما وقف لي وقوفٍ فيه خير * تويتريات شعرية الشاعر / محمد ناصر الشهواني m8_alshahwani@ أموت في وصلك وأموت بغيابك يعني في ذي ميت وفي ذي ميت الشاعر / محمد بن شباب Bin_Shabbab @ ‏بعض العيون بزينها اتجيبك اكتاف ‏تربك حراكاتي و ( تلجم لساني ) ‏‏خصً ليا صار بهدبها تعكاف ‏اروح فاللفه و ( تمحق زماني ) الشاعرة / الأماني alamany2008 @ ‏ياحقيقه كل شيء غيرك كذب غير قلبك ماقدرت اني أحب ياأطهر احساس بحياتي لو تغيب احترق في غيبتك مثل الحطب الشاعر / علي بن محمد الكواري Ali_Alkuwari3 @ ‏البارحه والجفن سهران والنفس شفقـا ولوّامه قمت آتعوّذ من الشيطان خوف آتعلى على هامه * راكب .. اللي ! كعادة عنان الدحابيب ، لا تخطه أقلامه إلا الإبداع على مختلف أنواع الشعر .. نترككم مع بعض إبداعه. الشاعر / عنان الدحابيب راكب اللي ما يورّدها الجميحي ماهي برزريز ولا هي فراري رمزها وشعارها ( راس الوضيحي ) فاخره وتواكب العصر الحضاري في السياحيه ومقعدها مريحي حاجز المقعد على باب الطواري فـ المدرّج مثل دابٍ له فحيحي وفـ السما حرٍ على الهدّات ضاري وارد الايربص والكبتن مسيحي يبخص الكاس المحرّم والمساري يا الله انك لا تعرّضها المطيحي ولا تعرّضها الهبوط الاضطراري لين اخلّص لازمي وانا صحيحي واتغانم فرصتي وارجع دياري يا بري حالي ويا وجدي وويحي كل ما يطري على بالي طواري واهنيّ اللي ضميره مستريحي من وسوم البعد ما جا به مواري * فاطمة متفرّد ومختلف عن أبناء جيله في أسلوبه ، فلا تكاد أن تقرأ له نصًا إلا وأثار إدهاشك .. الشاعر / ناصر الوبير الشمري قل للسنين .. الغياب أحيان يبقى عذر لاصار مانملك الا فالحضور الشتات ! البارحه .. طشت يدين الحياة اش كثر ملامح وجيه ضاقت في عيون الجهات ! مريت صبح يتهجا للمغيب القدر وعودت مكسي سواد وخطوتي للممات ! ناديت بستان عمري عن بقايا ثمر مر الخريف بـ/يباس ولابقى الا فتات! العمر مثل السحاب اللي علينا يمر أحيان فيه الامل واحيان مابه غناة ! يافاطمه صدّقيني ما ذبحت الصبر إلا بعد طار من غصن الليال الثبات ! ماكنت عايش عشان اترك لعمري أثر أصلاً بقابي رحيل وماتت الذكريات ! ياليتني طفل لامنّي وطيت الجمر قالوا طفل مادرى به يحسب انه رفات ! يافاطمه واذكريني مع ملوك الفقر ياصار حلم المدينه من حصير أمنيات ! انا أول اللي صحى من نايمين الفجر وانا أخر اللي وقف بالصف لجل الصلاة ! أنا أصدق الحزن لاغاب بخبايا عمر منسي عن الناس لكن مانسته الحياة ! يافاطمه شاعرك .. تاريخ ميّت قهر مدري نسته السنين او ضيّعوه الرواة ! يافاطمة صدّقيني ماكرهت الشعر إلا بعد مارموا غصن الشعور بحصاة ! عيبي .. تركت الوصيه لليال العسر وعيب الليال العسيره ماتحفظ الوصاة ! لو أكثر الحب لدروب الحقيقه عبر ماعاش صوت الفراق بداخل الاغنيات ! قم غن حزن الكلام لعاشقين السهر هذي هي دموعنا بين الخلايق عرات ! الفرحه وجيتّك مايوم جن بعمر مع انهن في عيون الوقت عاشن خوات ! قم .. لاتقول الغياب أحيان ماهو عذر باكر مع حضورهم بتعرف معنى الشتات ! * يا صاحبي شاعر متميز ، يدفعه حبه للشعر فقط لصياغة المفردات بحروف الذهب .. إنه طلال الحارثي فتابعوه معنا. الشاعر / طلال حسين الحارثي يا صاحبي لا تنتهج لك علامه الموت حاصل والعرب ما نشدها وان كان لك بالذل مجد وعلامه فالذل حرمه ما تواسي ولدها وان كان تنشدني وتبغى السلامه افهم بيوتي يالخوي و اعتمدها المغني الله لا يغرّك حرامه ولا تزرع اذنوبك ويكثر عددها النفس أمّاره بَسوء وندامه احرم هوى نفسك وكبّر جلدها واكسب رضاء ربك بزين الخدامه وخلك مع ?لليّ سجدته لاسجدها الوقت يمشي بك ليوم القيامه يوم النفوس بتنتزع عن جسدها