mohdalmanna3i@gmail.com تابعوا مجموعة ملفى القصيد على موقع facebook بادخال عبارة "ملفى القصيد" بمحرك البحث في الموقع نرحّب بجميع محبي الشعر في صفحتهم ملفى القصيد ، ستجدون باذن الله التنوّع في الطرح ، وحرصنا على رسمكم اجمل اللوحات الشعرية ، والتي تمنح الجمال لملفاكم .. ملفى القصيد. شاعر المعنى 3 شهدت الحلقة الختامية من برنامج شاعر المعنى إعلان الفائز بلقب وسيف شاعر المعنى في نسخته الثالثة والذي فاز بها الشاعر مرزوق الفهمي ليحل الشاعر عيضة الشلوي ثانياً والشاعر عوض السلمي ثالثً والشاعر متعب الحارثي في المركز الرابع ثم الشاعر خالد العصيمي والشاعر خالد الهذلي في المركزين الخامس والسادس على التوالي ، وقد عاش الشعراء الستة لحظات الترقب والقلق في انتظار نتائج الحلقة ، ولحظات الفوز . وقد عبّر شاعر المعنى مرزوق الفهمي أن سعادته لا توصف بتحقيق لقب الفوز. ____________________________________________ _________________ تويتريات شعرية الشاعر والإعلامي / عادل عبدالله @adelalhajaji : مساحة الليل .. ماكانت تكفينا كنا نسولف ثـواني والفجر يطلع والحين عقب المفارق صار يمدينا نشبع هواجيس من وحده ألين اربـع الشاعر / حمد البريدي @hamad_albraidi : طيبك المبذول في بعض الوجيه ربك اعلـم .. ويـن علمـه ينتحي اتقي شر الذي .. تحسـن اليـه اكثـر وجيـه العـرب مـا تستحـي الشاعر / مشاري المري @Mshari_Almarri : إطلع من المسجد وغمّـض عيونـك وركـزّ بتفكـيـرك بصـوت الخطـاوي الصـوت هـذا عـقـب مـا يدفنـونـك بتسمعـه فـي قبـر مظلـم وخـاوي! الشاعر / خليفة الكبيسي @KhalifaBinEssa : ياويل عين اللي عيونك تولّاه ماشاف في حسنك ولا هو بشايف والله يا لولا المخافه من الله لـ نصير في سلم المحبّه ولايف __________________________________________________________ بوح الصورة انتهت مسابقة بوح صورة من إعداد قروب انكسار المشاعر على البلاك بيري بإدارة الشاعر بندر الرشيدي PIN:29179619 ونضع لكم المشاركات والمراكز حسب التصويت 1 - دعاء أمّي وطن يا وحشة المنفى وضحكتها معالم جنّتي فيها لذا من عادتي دايم قبل لا اغفى أرتّب أمنياتي عند رجليها .. لـ الشاعر حسام عبدالله 2 - على امّي قناديل الطهاره وفحواها تطيح العمايم دونها والفنى سنّه اوقّف لها واطيح واموت لـ رضاها وادنّق ما دامٍ تحت رجلينها الجنّه لـ الشاعر مهند الشدادي 3 - يازين طلاتها .. نبرة حكاويها ياجعلها ماتذوق الحزن والونة .. يقلون أنا مرتخي وآحب رجليها وآقول أنا مرتخي وآقبّل الجنة ! لـ الشاعر رامي عايض 4 - ياما بـ هالعمر ، حطّيتي علىَ يديـني ! سعـة يـدينك ليا من : ضاق مجلاسي رضـاك يـمّه عـن الباقيـن ، يكفيـني ! و الجنّه اللي تحت رجليـك ، يا انفاسي لـ الشاعر عبدالمجيد الدوكه 5 - أحني الراس وانا مفتخر بالخضوع واحتياجي لحضنك كل ماكْبر .. كبر جعل ماتحت اقدامك .. لشوفك تجوع ولو لعمري هدايا .. فدوتك هالعمر ..! لـ الشاعر سهو فهاد 6 - يمه واذا نبع الغلا جاك كله تستاهلينه يا نظر عين مغليك ابوس رجلينك وانام ابمحله في ظلها ورد الجنان ومماليك لـ الشاعر طلال حمود الأسلمي 7 - مدي رجولك طالبك تقبيله أبي الجنان اللي تحت ماطاها الوالده الله ما أحلى ارجيله تسوى بيوت المال باللي حواها لـ سلطان الفريدي ________________________________________________________________ النجاح ! في أول مصافحة للشاعر المبدع والمتألق دائما أحمد المعمري ، يشارك معنا بهذه القصيدة التي تفيض بالأحاسيس والإبداع .. الشاعر / أحمد المعمري ‏الفشل ما هو من اسباب النجاح هذا انا كم لي فشلت وما نجحت لو يحس الجارح بعمق الجراح كان فكر قبلها بمعنى ( جرحت ) شوفني مثل المطر لا اقبل وطاح رغم قسوة طيحتي لجلك فرحت جيتك بنفسي ولا بيدي سلاح ويا كبرها ان قيل للرجال ( صحت ) غيبتك تذبح ولو كانت مزاح ليتك ل قلبي قبل هجرك ذبحت وليت عطرك يوم مريتك وفاح اسبقتني الريح لاحضانه ورحت ما بقالي غير امال الصباح وما بقالك غير دمعي لو طمحت في يدي عزمي وب أحلامي ( صلاح ) وغير ( قدسك ) يشهد الله ما فتحت ويوم بان الحزن في عينك ولاح لاحت دموعي على خدي وصحت (لا تقول) الجرح يمحيه السماح ما تروح اثار جرحك لا جرحت هذا أنا كلي لأيامك كفاح لا تخيب ظن ( احمد ) لو سمحت انشراح الصدر من بعد الجراح تهدمه ذكرى الليالي وان فرحت مدري عيبك سقتني عكس الرياح ولا عيبي عكسها بحلمي سبحت بس مقيولة مدام العمر راح وش يفيد ان همت باحزانك وطحت اقتنع ب ان الفشل سبة نجاح دامك ب همك وب احزانك نجحت ____________ _______________ _____________________________________ الليل .. والمسباح ! الشاعر المبدع علي المري في أوّل مشاركة له في ملفى القصيد يعطّر سماء الملفى بالإبداع في قصيدته التي نترك لكم متعة قراءتها .. الشاعر / علي المري ماغير الزقاره تالي الليل والمسباح تهون على اللي ضيقته عكرت جوه بعيدً عن اهل الحكي لو كان سدي باح سترني ظلام اليل بالطيب والخوه تخاويت انا واليل لين اقبل المصباح وعطاني اعهود اني عن السر مانوه والي شفت من بين العرب كن دمعي ساح قعدت ابتسم بين اكثر الناس واموه صويب المحبه لا برمحً ولا بسلاح ومن جرب اللي شفت في الناس ياشوه غدا كن قلبي ياجماعه زريق ارماح سبايب وليفً خالفو نوي ونوه انا من ورا قرية وداره جنوب رماح تباعد علي وابعد عن النفس بالقوه ________ ______________________ من بعد فرقاك ! المبدع طلال الحارثي ، يرسم لنا لوحات شعرية حزينة في قصيدة عاطفية .. الشاعر / طلال حسين الحارثي من بعد ما ذقت المرارة بفرقاك ايقنت بأنك زهرةٍ في سنيني تعال واقرب واحضن اللي تمناك وحطك وسط قلبه حبيباً دفيني لاغبت عني قمت اهوجس بطرياك خلاص تكفى لا تعذب حنيني تكفى طلبتك تمحي اللي بذكراك وتعيش باقي العمر في وسط عيني ودي تواعدني بشوفك ولقياك ودي تلاعبني وتمسك يديني ان قلت لك كلمة وماهي بتخفاك ان قلت لك تكفى حبيبي تجيني لن العيون اللي تشوفك و تبغاك واللي خلقني شوفتك تحتويني من بعد ما ذقت المرارة بفرقاك ايقنت بأنك زهرةٍ في سنيني