نرحّب بجميع محبي الشعر في صفحتهم ملفى القصيد، ستجدون بإذن الله التنوّع في الطرح وحرصنا على رسمكم أجمل اللوحات الشعرية والتي تمنح الجمال لملفاكم.. ملفى القصيد. إعداد: محمد راشد المناعي لمراسلة الصفحة: mohdalmanna3i@gmail.com تابعوا مجموعة ملفى القصيد على موقع facebook بادخال عبارة «ملفى القصيد» بمحرك البحث في الموقع ، وعلى twitter: malfaelge9eed@
عيت عيوني
الشاعر/ عبدالله بن ابراهيم المهنا النعيمي
يبث لنا الشاعر المبدع عبدالله النعيمي بعضًا من مشاعره في تحفة فنية تفيض بالحكمة وتجارب الحياة، نتتركم معها ..

عــيــت عــيـونـي عــــن مـنـامـي وهـالـهـا
دنــيــا تــقـلـب فــــي ســيـرهـا وحـوالـهـا
الا ادلـــهــم الــلــيـل مـــاذاقــت الــكــرى
تـــنــثــر عــبــايــرهـا مــــمـــا جـــرالــهــا
عـلى لـحن ورقـا نـاحت الـعصر وانكشت
جــــروح مــبـطـي عـــن فـــوادي زوالــهـا
قــمـريـة نــاحـت مـــع الـعـصـر وابـلـغـت
بـكـت وابـكت الـلي بـالمسامع صـغى لـها
عــفــت الــغـفـى ومــقـارب الـــزاد والــمـلا
والــكـبـد عــافــت شــربـهـا مـــن زلالــهـا
ضـليع الـهوى والـشوق فـالقلب مـا هـجد
وعـــــزاه يـــــا نـــفــس بــلاهــا طــرالـهـا
طرالي بعض شوقي من عرض ما مضى
طــيــف زمــــا لـلـعـيـن وطــــر مـضـالـهـا
ثــم عــاد لــي مــا امـضـيت دهـر اجـنبه
يــجـدد عــلـى الـنـفس الـحـزينه عـظـالها
نـظـمـت الـفـرايـد وانـصـتوا لـجـلها الـمـلا
مــــزن تـنـشـص روســهـا فـــي خـيـالـها
احــــب الـمـثـايـل جــمـلـة وانــتـحـي لــهـا
اقــطــع وعــرهــا قــبـل قـطـعـة سـهـالـها
وهـــي فــرجـة تـخـلـف خـبـيـر درى بـهـا
غـــــدراً عــتـيـمٍ مــــا يــســادي هــلالـهـا
وهـــــي لــجــةٍ غــــرقٍ غــزيــرٍ بــحـورهـا
ولا كــــــل غـــطـــاس ســبــرهـا ونــالــهـا
وهــــي نــايــف يــهـلـك طـلـيـبـه الا رقـــا
جــــــروف ووديــــــان تـــفــارع جــبـالـهـا
سـود الـلـيـالـي كـــــم شــنـانـا نـصـيـبـها
ذا طــبـعـهـا الــمــكـار وهـــــذي خــلالـهـا
الـصـبر ثــم الـصـبر يــا نـفـس واقـنـعي
عـسـى الله يـحـل الـلي عـقد مـن حـبالها
الــصـبـر مــفـتـاح الــفــرج قــالــه الـمـثـل
دروس لـــنــا الايـــــام تــضــرب مـثـالـهـا
لايـــــام حــبــلـى بـالـمـقـاديـر واضــمــرت
صـــروف تـغـتـر الـخـلق مـشـاريع فـالـها
شــحــت وجــــادت بـالـعـطـايا وسـلـمـهـا
الــغـدر فـــي مـــن رامـهـا وانـتـحى لـهـا
الــــوقـــت لا تـــامـــن شـــنـــاه وتــقــلـبـه
مــــن يــامـن الـدنـيـا ويـكـفـا ارتـحـالـها؟
الــفـقـر عــقــب الــعــز صـعـيـب تـحـمـله
يــعـقـل الــقــروم الــلــي كــريـم سـبـالـها
كـــــم خـــيــر دنــيــاه ضــــدده ظـلـمـهـا
وكـــم غــصـة فـالـجـوف تـحـمـل وشـالـها
الـكـيـس الــلـي صــام عــن عـالـم الـفـنا
نـــوى الـجـنة الـديـموم يـسـكن بـ عـالـها
انــا يــوم اغـنـي مـن غـثا شـي صـابني
عـسى الـروح تـسلى عـن بلى سم حالها
دعــيــت الله الــرحـمـن بــصــادق الــرجـا
يــــكـــف نــــوبـــاتٍ تـــتــالــى وبـــالــهــا
ويـــكــف دنـــيــا فــالـمـلازيـم مـانـصـفـت
تـسـقـي الـشـمـردل مـن زعـايـف نـكـالـهـا

قصة العشق
الشاعر / عبدالرحمن سويلم العويمري

ياقصة العشق مايطفي لهب ناري
الا عيون الغزال اللي تمنيته
ياخذني الشوق لدياره من دياري
وكم مرةً مرني طيفه وخاويته
تقودني وحشة المسرى بمشواري
وازريت اميز طريقه وين تاليته
مايجهل الليل غربة قلبي الساري
ومالدّ له صاحبً صارالحشا بيته
ياقرة العين كانك تجهل اخباري
غيبتك طالت ومر البعد قاسيته
فجأه كذا غيبتك مدري وش الطاري
معها فقدت الفرح واخلفت توقيته
تركتني للغياب وجفّت ابياري
بيموت زرع المحبه كان ماسقيته
على لحن حبنا تعزف لك اوتاري
وعلى مبادي عهودك قلبي اغديته
حتى ليانمت ماهي تسلم افكاري
ناديت طيفك وانا غافي وضميته
مفعول حبّك على طول المدى ساري
لوتجرح القلب حبّك ماتناسيته
يامزني وبارقي شحيت بامطاري
وانا رويتك غلا والخافق اضميته
شفت الجفا كيف خلا حبنا عاري
جيتك تكسيه ثوب الستر لاجيته
خايف خريف الجفا يثّر على اشجاري
ويموت حبً على لاماك غذيته

هم السفينه
الشاعر / عبدالله بن خشمان
معزوفة فنية للشاعر المبدع عبدالله بن خشمان يعزف لنا أوتارها في هذه القصيدة الجميلة..

مافيه شيٍ بالعمر مالقى حل
لاضقت خلك بين ربك ودينه
الواحد المعبود رب البشر كل
اسجد له وتشعر بـ طعم السكينه
رفيقك اليا اخطا لسانه واذا زل
ادمح خطاه وخل بينك وبينه
صداقه وخوه ولاتقرب الذل
خوة رفيقٍ فالعمر كاسبينه
ومع الكفو والقرم دايم تجمل
ولاتصبح اخلاقك مع الناس شينه
خلك طليق حجاج للطيب محتل
واملك معاريف الرجال الثمينه
عليك باللي صاير للابته ضل
بالطيب والمعروف يندا جبينه
واخذ الكلام الصح لايدخلك غل
ولاتجعل بقلبك جروحٍ دفينه
واليا تعرض لك ضعيف العقل قل
عمر البحر ماشال هم السفينه

أبشرك
الشاعرة / نورة السبيعي

عندما يجد الإنسان النكران من الآخر فيتعلم درسًا من دروس الحياة ويبثه شعرًا في هذه القصيدة الممتعة..

أبشرك ماعدت أبكي ولا اخاف
ماعاد قلبي يرتجف قال كافي
فيما مضى ياما انتفض هز الأكتاف
واليوم عندي له علاجٍ يشافي
خلاص أيام الهوى ضاعت اجحاف
صارت اطلالٍ ماتحَسْ او تشافي
لبست ثوبك باليٍ جرد شفاف
وثوبي جديدٍ ساترٍ لي وضافي
اسمع ونين القلب يرجيك رجاف
لملم بقايا خافقي يوم تافي
اسمع ترانيم الحزن صارت اضعاف
تنشر خفايا عاشقٍ للطوافي
يحل ويرحل دايم احماله خفاف
يبحث عن الغايب بكل القوافي
ياني غبيه يابشر حبي ارجاف
اسعى برضاه وكنه الورد صافي
ادوره متجاهله كل الأعراف
كأن بحثي عنه سبقٍ صحافي
لكنه اهدالي سكاكينه ضْعَاف
انصحه يجمعها بدرج العوافي
ولا يواجهني ولا يصير خواف
اعطي له سلاحٍ جديد احترافي
من عادته يحجم ولا يمكن يشاف
ولاصار جد الوضع اقفى وعافي
جزيرتي شيدتها شطها ضفاف
نظيفٍ ابيض ينبني به مرافي
فيها ألم فيها فرح حولها اطياف
فيها ثمر ناضج شجرها فيافي
أمسٍ عطيتك داخلي دولة اشراف
بنيتها ديرة بشكلٍ خرافي
شيدت ديره مابها حي ينعاف
سكانها حس وضميرٍ سنافي
كان الولا لك دون خلق الله اسراف
ماكنه الا ينعطى حب وافي
الظاهر ظلوعي بها قلب عراف
يحويه جوفٍ ضم ماكان خافي
ياشينها لاجتك من كل الاطراف
واحترت من يصدق معك وانت وافي
وياشينها لاضاقت وصرت رشاف
مر وشري وغيرك شربها مشافي
تحتار من روحٍ بها عشرة اصناف
رجل و شبابه مع صغيرٍ توافي
أقسم برب منزل الحمد مع قاف
ماعاد تبكيني دموع اعترافي
تضحك بقلبك والعجايب بك تشاف
بفزع لها الرجال ويهج حافي
ابشر بقولة راح ماعنده اخلاف
واضحك ليا قالو تعذب وخافي