نرحّب بجميع محبي الشعر في صفحتهم ملفى القصيد، ستجدون بإذن الله التنوّع في الطرح
وحرصنا على رسمكم أجمل اللوحات الشعرية والتي تمنح الجمال لملفاكم.. ملفى القصيد.
لمراسلة الصفحة: mohdalmanna3i@gmail.com
تابعوا مجموعة ملفى القصيد على موقع facebook بادخال عبارة «ملفى القصيد» بمحرك البحث في الموقع ، وعلى twitter:
الله .. يرحمك !
الشاعرة / فتاة تهامة
الـسـنـين تــمـر والـوقـت مــا تـرحـم عـصـاه
كـــل يــوم يـمـر يـاخـذ مــن الـعـمر الـكـثير
الـحـظـوظ تـبـور والـحـلم مــا يـصـدق نـبـاه
والـنـفـوس تـعـيـش بــيـن الـتـوهـم والـمـصير
وان تـواجـهـنا مـــع الـصـبـر يـعـطينا قـفـاه
وان سـكـتـنا وقــعّ الـكـي فـالـظلع الـقـصير
والـخـطايا مـالـها عــذر فــي ركــب الـحـياه
غـيـر بـامر الله وحـكمه يـصير الـلي يـصير
الأســـاور طــهـر قـلـبـي وشـــرع الله عـبـاه
والـطـعام الـذكـر والـشـرب تـهذيب الـضمير
والـعـلاج الـمصحف وسـتر جـرحي بـالصلاه
والـصـيـام الـغـسـل لـلـذنـب والـدنـيـا بـخـير
رحــمـة الله واســعـه واطـلـبـه وافـــر رضــاه
يــمـحـو الــزلـه ويـمـنـحني الـخـيـر الـوفـيـر
اقـبـل الـشـهر الـكـريم وخـفـوقي فـي حـراه
لأجـل اطـهر خـافقي مـن غـثا الـوقت الـمثير
يـاالـهـي بــلـغ امــتـك شــهـرك فـــي رخــاه
وأســدل الأمــن وتـيـاسير مـن خـيرك بـشير
يـالـهـي كـــل مــؤمـن عــلـى عــفـوك رجـــاه
وانـــت مـــال الـعـبـد عـنّـك مـفـر ولا مـطـير
اسـألـك وارجـيـك وأخـضـع نـدم واقـول آه
مــن خـطـايا غـفـلتي يـا سـميع ويـا بـصير
وأنـــك تـهـيء لــي الـصـبر لا ظـلّـم سـمـاه
كل ما أذكر كاسب الطيب والسيف الشطير
روحّـــت عـشـريـن عــام ودمـوعـي مــن وراه
لا هـــدى بــالـي ولا شــفـت بـالـدنيا نـظـير
آه يـــــا ابــويــه خــذتــك الـمـنـايـا والــوفــاه
كــسـرّت حـيـلـي وخــلـت عـيـونـي تـسـتـثير
الــفـراق الــمـر يـــا ابــوي ويــن الـقـى دواه
رحـت عـني واصـبح الـقلب من بعدك كسير
اســــــأل الله يــرحــمـك ويـــتــولاك بـــــذراه
وتـسكن الـجنه وتـلبس مـن الـسندس حـرير
مـــا يـهـيـن الـقـلـب ويـعـوّر الـخـافق شـبـاه
غـير فـرقا الـموت والـحزن يـصبح لـك خشير
شهر .. كريم
الشاعرة / بشرى الحضرمي
هل شهر كريم أفرحوا يوم هل
شهر بالخير جانا يزورنا ف السنه
أفرشوا له قلوب وأصلحوا بالعمل
نظفوا القلب لجله وأربطوا ا?لسنه
ساهموا بفعل خير وزودوا بالفضل
?نه فيه أنخفاض الذل والمسكنه
وفيه زود العباده وبه تجدد أمل
تحس بالقلب مشرق والفرح يعلنه
كلها الناس تفرح يوم جانا يطل
يزيد أشعاع نوره بجمع ها?مكنه
يا إلهي رجيتك غيركم ما نسل
تبعد الشر عنا و قلب المفتنه
ياكريم طلبتك بالهدايه نظل
نخزي أبليس عنا نحقره ونلعنه
هل شهر التسامح ياهلا يوم حل
ندعي فيه بخفى ولساننا نلقنه
دار .. جدانه
الشاعر / عايد مرزوق العويس
يقولونـها عايد نسى دار جـــدّانه
سكن وسط برلين و غدا يرطن الماني
و انا اقول لا والله اذا ان الزمن عانه
ذهب والذهب يبقى ذهب طول الازماني
طوال السنين اللي تغرّب عن اخوانه
لسانه فلا مره نسى كلمة اخـــــــواني
كما البلسم الشافي لربعه و خلاّنـــه
و علقم ب حلق اللاّش قاصيه و الدّانـــي
فلا غيّر الملبس ولا شدّق إلسانه
يصيّح بعلو الصوت يا ابليس قومــــــــاني
شعوره و احاسيسه و طبعه و عنوانه
بداوه بداوه تسري ب دم شرياني
حنينه ل دار ٍ حُبّها وسط وجدانـــــــه
اذا يـــوزن بـيرجـح على كل ميــزاني
يالله .. يا المعبود
الشاعر / متعب عايض الزنغوب
بديت باسم منزل الملك تنزيل
خالق جميع الناس محصي عددها
يالله يالمعبود منك التساهيل
ياواحدن نعمتك كلن حمدها
يارب منك العون مافي يدي حيل
ولاينفع العربان قوه جهدها
مافيه لاطيب ولا فيه حلحيل
رحمتك محدن قادرن يفتقدها
قعدت أفكر يا فهد تالي الليل
يوم أتذكر بالحياة وبعدها
وهلت آدموعي مثل وبل المخاييل
وقامت تهل ادموعها من وحدها
نركض مع الأيام ونحط ونشيل
والموت لابده الروحي وعدها
الموت ماخلى الرجال المشاكيل
زار الرجال الطيبين وحصدها
المشكله في يوم وزن المكاييل
يوم الصحف تكشف وش اللي وردها
يومن كبير ويذهل الناس تذهيل
وكلن يحل العقده اللي عقده
دون مركب
الشاعر / مانع الوشاحي
رحـلتي والعنا مغـروس فيني
انا اللي حـاني بـظـهري حـنيني
وسـمعي مابـقاله غير كلمه
اذا ناديت قلتي !! ماتبـيني
اسافر والاماني دون مركب
تغـادر بـي الكرامه وتحـتويني
الاياصـبـح مالليل حـاجـه
اخـاف اسـري ونجمي مايبـيني
اخـاف سـهيل لامن سـرت دربـي
يتوهني على يسـار ويميني
اضيع والجدي ماهو فـ مساره
خفت نجم الشمال وقلت ويني
يجاوبني عن الخاطر شعوري
يصـيح القلب لا ماطاح ديني
وش اللي مابقاله حق عندي
سـوا احداقي سقاها ماي عـيني
اذا عيني تقول الجفن جافي
الا يا احـزان وقتي زمليني
بـعد عـهد التصافي والموده
كذا بـكف السعاده تودعيني
انا ماشـفت فـ وداعـك ندامه
عشان اعاتب ايامي وسنيني
عسالي ذنب وانا ماحسبته
عسا لضنون ساعه تحتريني
تعـالي شـككي فيني وقولي
ترا الفراق من سبة يديني
انا قابـل وعـذري الف مره
تعـالي لوميني وعاتبـيني
لكن القول ما مثـل الحـقيقه
ولو ناديت تكفي اجـهليني
انا لاجـيت ادور عالاجـابـه
رحلتي ليش قلتي ماتبـيني ؟
