نرحّب بجميع محبي الشعر في صفحتهم ملفى القصيد، ستجدون بإذن الله التنوّع في الطرح وحرصنا على رسمكم أجمل اللوحات الشعرية والتي تمنح الجمال لملفاكم.. ملفى القصيد. لمراسلة الصفحة: mohdalmanna3i@gmail.com تابعوا مجموعة ملفى القصيد على موقع facebook بادخال عبارة «ملفى القصيد» بمحرك البحث في الموقع ، وعلى twitter: malfaelge9eed@ * سوء تنظيم الأمسيات الكاتب والشاعر / حمد الدليهي مازال سوء تنظيم الأماسي الشعرية يشكّل حالة دائمة، ومتكررة في كل محفل ومناسبة تقام فيها هذهِ الأمسيات. سوء التنظيم هذا تسبب في انعكاسات سلبية على أداء وحضور الشعراء والجمهور معاً، وعلى قيمة ورونق الأمسيات الشعرية بشكل عام. قبل أن أتحدث عن تنظيم الآمسات الشعرية يجب أن أشير هنا الى أن الأمسيات الشعرية نوعان، فهناك “الأمسية الثابتة” و”الأمسية المنبرية”. الأمسية الثابتة هي التي يشارك فيها اكثر من شاعر، وهم ثابتو الجلوس على الطاولة، أما الأمسية المنبرية فهي التي يشارك فيها عدة شعراء بقصيدة واحدة وقوفا على المنبر. وعندما نبحث عن الأسباب التي تُعيق وبشكل مستمر تطور هذه الأمسيات والارتقاء بها، فلابد ان نجد هناك الكثير من الحلول التي لو عملنا عليها، فمن الممكن من خلالها انتشال روح الأمسيات من استمرارية المعاناة وحالة الضياع التي تعيشها الآن. لابد أن هناك الكثير من الحلول التي لو عملنا عليها، فمن الممكن من خلالها انتشال روح الأمسيات من استمرارية المعاناة وحالة الضياع التي تعيشها الآن في البداية من الضروري جدا أن يتم اختيار الشخص المناسب في المكان المناسب، فهو احد الركائز المبدئية والأساسية لوضع لبنة النجاح، فالشخص الذي يتمتع بالفنيات والمهارات الإدارية والأدبية، هو الذي يستطيع وحسب ترتيب واضح وشفاف ان يجعل بداية تُنتظر ونهاية تُرتقب، عالقة بِذاكرة من حضرها مباشرة وشاهدها. وللمكان والزمان دور فعال ومهم في ارتفاع وهبوط مستوى الأمسية، فالإعلان منذ وقت مبكر عن اقامة الأمسية وتحديد مكانها وزمانها واسماء شعرائها، يعبّر من آلية تنظيمية جيدة، بالاضافة الى اختيار موقع استراتيجي وحيادي يأخذ حيزاً من الارتفاع في مكان المناسبة، فهو من النقاط المترتبة على نجاحها ايضاً. ومن الأمور المهمة التي أود أن أشير لها هنا أن لمدير او عريف الأمسية دورا بما يُملى لغوياً وعدم تجنب الواقع عن سيرة الشعراء، إضافة إلى الرسائل التنويهية لهدوء من يخرج عن سرب اصغاء وانسجام الجمهور، في القاعة دور ايضاً في النجاح، وكما لتصفية وجودة اجهزة الصوتيات عامل مهم لوضوح الصوت، اخيرا وليس آخرا الفوضى والمعوقات التي ما زالت تعانق تنظيم الأمسيات نتمنى ان تؤخذ حلولها بعين الاعتبار، هذه ببساطة بعض الحلول للتغلب على سوء تنظيم الأمسيات. خاتمة عندي على بعض العلاقات تشطيب بعض اصدقاي اللي تغيّر شطبته من لاحسبني في كبار المواجيب طال الزمن والا قصر ماحسبته * الأمل ما فقدته الشاعر / مانع الوشاحي ايضيق وقتي والامل مافقدته مادامني في موقفي ثابت وحي لومات زرع الشوق بس ماهملته يمكن يرد ايعيش ان عاد له الري صحيح مر اسبوع ماعد زرته ماهو جفى لكن به خاطري شي شهرا فضيل وعادني يوم صمته حرمت شوف اللي لها خافقي غي حرمت شي ن ع فوادي دمنته صبرت قلب ن ما تعود على ذي لكن حقي من جنابه ضمنته لي حق عنده وله حقوقه موفي لكن حق اسلامنا ما هضمته الحق حق بحكمة الله ربي هاذا وعد مني.واقول ان فطرته استغفر الله ان قلت ريقك ترا المي * ريق السما الشاعر / طارق الهنداس ريق السما يمطر على جرح الاحباب ويبــلل اكتـــوف الالــم ، ريق ثانـي ويشع نور الشمس في وجهـنا اغياب عَشان ينشف جـرح واعزف .. ثواني و اكسر هدايا ذكرياتك على .. الباب حــتى تلملم مابـقى مــن .. معانــي ويبقى من غيابك جروحك والعتـاب واكتـب تفاصيـل التعب .. فـ الاغاني انفض فُراقك يبكي الجرح مرتـاب ثم فسر احروف الحكـي باحتضـاني يُحكى بان الناس اقـترحت .. اعتاب حتى تفارقنا وهمك .. غـشاني هذا السؤال اللي جرحني يا الاغراب كيف انكـسر خاطـر وكـيف انتمـاني ما اعظم الحيره .. تـورد لي اسـباب و تنقح اعـــذارك ، وتــغري حـنانــي !! * عشر بنود الشاعر / عبدالله آل عفيفه للطيب عـشر أبنود يا مدور الطيب ولـلـطـيب عزّه ما سهى الفكر عنها بــقــولــهــا وأدزّها بــا الـمكـاتـيـب والـمستـمـع يـفـطـن لـهـا ويـعـلنـها الأولـه يـسـعـى قـبـل مطلع الشيب ويـجـوّد خـيـول الـعـزم مـن رسـنها والـثـانـيـه يـبـعـد عن الشك والريب ويـتـرك ديـاٍر عـافـهـا مـن سـكـنـها والـثـالـثـه يـدرى خـويـه عـن العيب ويـجـنـّبـه غـبـر الـسـنـيـن وحـزنـها والـرابـعـه لا مـن لـفـوه الـمـعازيب رحّـب وسـهـّل والـسـمـيـنـه طعنها والخامسه لا من عوى الذيب للذيب يـقـبـل وإلـى شـاف العوايق طحنها والـسـادسـه يبعد عن أهل العذاريب وزلــة رفـيـقـه لا لــفــت يـحـتضنها والـسـابـعـه لا مـن جفوه الأصاحيب يـصـبـر ونـفـسـه لا يـبـّيـن غـبـنـهـا والـثـامـنـه حـذراه من شحة الجيب والـنـفـس لـلـمحـتـاج يرخص ثمنها والتاسعه فـي جـاره الظن لا يخيب لا صـكـتـه بـقـعـا وبــانــت أمـحنها والـعـاشـره فـي بـر شيبانه أيصيب ولـرضـاهـم الـدنـيـا يـجـنـّب عفنها ويـبـشـر بـفزعة خالقه فالمناشيب وظـروفـه لـيـا ضـاق وأحـتّـر مـنهـا هذي عشر والناس ما تعرف الغيب ومـحـدٍ عـلـى الـدنـيـا حياته ضمنها والعاقل الـلـي شـاف هم وتعاجيب يـلـزم صـلاتـه والـفـروض وسـننها ** صوت و صدى - صوت الشاعر / محمد بن فطيس الضيقه اللي دايماً تالي عصير وش حيلتي واردّها لا تجيني لاطال ظل العود حزة عشى الطير كنها على سجن الحديد تحديني يضيق صدري كل ما جات واسير ولا يخفف سوج رجلي حنيني لاحولنا مشراف ولا اقدر اطير يالله قسمة خير لا تبتليني وعقارب الساعه توقف عن السير ولاكن في الدوحه سواتي حزيني والعبره اللي تاصل الحلق وتحير ياقربها لو قيل لي ياعوينـي امل شوف الناس وردْ و مصادير واللي يقول اشفيك كنْه يهجيني يعني على ماقيل من باب تصوير لاحدٍ ابي قربـه ولا احـدٍ يبيني اروح ادوّر خط ما به دواوير وادوّر اللي هادهـا تهتديني واخذ مع الهاجوس سجه وتفكير واراجع اللي فات بيني وبيني واحسّب ذنوبي وادوّر لتكفير وعساي ماقصرت في والديني وعساي ماقارنت مـن ينفخ الكير واللي يحمل المسك جعله قريني ويطري علي يوم الحشر واطلب مجير ما اعطى كتابي في شقيقة يميني ويطري عليْ صدقان كثر الدنانير اللي تعاديني الى كثر ديني وراع الهروج اللي سوات المناشير اصـد عنه وادري انه يعنيني الله حسيبه يوم عرض القوارير والله حسبي من صـوابٍ مكيني والى طرالي واحد ٍ كانه صغير اما اصغر بيومين ولا سنيني دريت وش قومي وعينت تفسير للضيقه اللي من زمن تعتريني حبه بصدري سالفة سر في بير وكن الفواد يقول هذا زبيني اشفق على علم ٍ يجي منه من غير مايسمع اللي سولفوا به ونيني العام اجيهم من حساب المسايير واليوم حال عداي وينه وويني ياكثرهم غيره ولكن خبر خير ماغير شوفه في الوجود يهنيني رايي كذا ياعاشقين الغنادير ماله على وجه البسيطه وزيني خطاي تعليق الامل في المدابير إلين راح وشفت حقري بعيني صبر جميل وخابر انها مقادير والله على تخفيف حزني عويني ذي حالتي لين اتغبا الشمس واصير معطى صراحي عقب ما انا سجيني والى امتلا جوف الشجر بالعصافير طلبت من رب العباد يهديني يعتقني المذن عقب ضيقة عصير اللي على سجن الفراق تحديني - صـدى الشاعر / عادل النزال الضيقه اللي مرتك تالي عصير لاشك يابن فطيس والله فيني يومي ذكرت الترف سيد الغنادير اللي غلاته وسط قلبي وعيني هليت دمعي يوم ذكراه بالخير يومه يجي ويحط أيده بايديني يقول ياعادل بلايا تفاسير ترا ظروف الوقت بينك وبيني حل الفراق ومالنا عنه تغيير الله يسامح من نوي بالمشيني هذي سنه مابين هم وتفاكير ارقب رجوعه والأمل محتويني أسال عليه اللي يجونه مسايير عساه متهني ويذكر سنيني عساه مرتاح بحياته مع الغير عساه يذكرني مع المقبليني لاشتقت له اسج واقول ياطير ود السلام وشوق فيني دفيني قله كفايه غياب مامن معاذير عود طلبتك لاتزود انيني حرام نترك حبنا للمقادير دامي ابيك وانت ايضا تبيني حرام نترك حب من يومه كبير من وين مالد النظر يحتويني الضيقه اللي مرتك تالي عصير لاشك مرتني وربي يعيني