نرحّب بجميع محبي الشعر في صفحتهم ملفى القصيد، ستجدون بإذن الله التنوّع في الطرح وحرصنا على رسمكم أجمل اللوحات الشعرية والتي تمنح الجمال لملفاكم.. ملفى القصيد. لمراسلة الصفحة: mohdalmanna3i@gmail.com تابعوا مجموعة ملفى القصيد على موقع facebook بادخال عبارة «ملفى القصيد» بمحرك البحث في الموقع ، وعلى تويتر : :malfaelge9eed@ * تويتريات شعرية زايد آل زايد المري @AlmarriZayed على مدى التاريخ مازار غزه قبله زعيم ٍ من ولاة العروبه الله يحفّظ الشيخ والله يعزه والله يسهل لبو مشعل دروبه الشاعر / محمد جارالله السهلي @M_Jarallah العطر .. آخـر هداياك النبيله وفيه مايغنيك عن باقي كلامي ! اشتري نفس العطر وبكل ليله رشّي طيوفي وضمّيها ونامي ! الشاعر / عادل الكلدي @Aalkaladi الحب وامواج البحر وا?غاني والليل والقمرا وهمس الشفايف والشوق يبحر بي وصدره مواني واغوص في الغبه و?ني بخايف الشاعر والاعلامي / خالد المويهان @k_m_2020 من دُون شرح وفلسفَه وكثْر تفصيل: ما كانَت الدنيا يهمّك خبَرها أنا الصّباح وْأنت شَمسي كَتحليل سماي من غيرك ، تحدّد قدَرها الشاعر / سالم بن أحمد المناعي تكرار» نفس الكلمة» فبيت شعري ثلاث و? أربع او خمس مرّات .. موضه قديمه ، ماهي بْشي حصري و? تشد المستمع باي وقفات ،، الشاعرة والاعلامية / أصيله السهيلي @aseelah_009 يرتعد هذا الحزن بي راس مال! كل شي فيني فقير إلا الحزن قاصره هذا اليدين وهي طوال! ضاميه فيها العروق ولا تحن يمه ضميني معك تحت الرمال! من يسليني عقب ‹فرقاك من!؟ * شاركنا حمد البريدي بقصائد يهديها إلى صاحب السمو الشيخ حمد بن خليفة آل ثاني أمير دولة قطر بمناسبة زيارته التاريخية إلى قطاع غزة كأول حاكم عربي يقوم بهذه الزيارة من عام 1967 علاوة على دعمه اللا محدود لإخواننا الفلسطينيين. الشاعر / حمد عبدالله البريدي الحاكم .. اللي غيرته تستفزه ورقى بدين الله من اربع جهاته يواكب الأحداث في كل حزه يوم ان غيره ما درى ويش فاته من عادته درب المعالي يقزه تعلموا واخذوا محاسن صفاته سجل يا تاريخ الفخر كل فزه وسجل يا تاريخ الامم معطياته الله يديمك يا الامير المنزه !! من قول دعوة شايب في صلاته رفع يده ثم قال : يا رب عزه ومن هول ما يبكيه طاحت عصاته سياسي .. وسقط الحكي ما يهزه ينجز وتحكي الارض عن طيب ذاته صنع لنا فخر وفعايل وعزه وبنى لنا جسر الولا من غلاته رز العلم يا سيد الجيل .. رزه يا من امانينا .. تعد امنياته لله درك .. يا امير المعزه يا من لحب الناس وظف حياته كسر حصار وسار ف تراب غزه منهو من الحكام .. سوى سواته * قولي معي الشاعر / حمزة الهاشمي قولي معي ملعون من يترك الدين من شان دنيا ما تسر الخواطر .. ليه العرب عن سكة الدين لاهين يا غافلٍ بالله بس ويش ناطر !! .. يا نفس توبي عن هوى النفس تكفين م انتي ببيع الدين حمل المخاطر .. ادري يغرك تجمعين الملايين وادري بحبك للنسا و القناطر .. يا نفس خلي همتك حدها وين يوم الهمم ما هيب حاجة خواطر ادري يجيك ايام فيها تملين ايام تقلب همة القلب فاطر .. ما هيب سهله كان يا نفس تدرين درب الهدايه درب بين المساطر .. عادي بعض مرات يا نفس تخطين لاكن خذيها مثل غلطات شاطر .. يا نفس هالدنيا تغر المساكين بيت المعزب فيه حنا خطاطر .. لا بد ما يا نفس يومٍ تموتين اما بنومك او بحد الشواطر .. تكفين ودي موتتك ترفع الدين موتة شرف يسعد بها كل خاطر .. فالشام وللا عند قبة فلسطين حتى تذوق الذل ذيك الاباطر .. اما كذا وللا بذلك تموتين و الدم يا جمد او ايسيل عاطر .. يا نفس واشري سكة الدين تكفين م انتي ببيع الدين حمل المخاطر .. * علاقات الغلا الشاعرة / هلالة الحمداني كن الزمن كابوس وأنفاسي عذاب وكن الليالي قوس وفراقك نبل وكن الخدود القاع وعيوني سحاب وكن الجفن مرزاب ودموعي وبل وكن الظروف سهول والملقى سراب وكن الضلوع مراح وهمومي إبل أنا سهرتك والعنا ليل العتاب ترنيمة الخلان ماصول وطبل يا هل ترى إلى متى هذا الغياب تقطعت بي عن مواصلك السبل ما للغلا بعدك مع العالم حساب يا أطهر علاقات الغلا بعد وقبل يا مسند الإيضاح جليت الضباب حبل وصلني في غلاك أغلى حبل - الشاعر / طالب البطين ياناس انا قلبي من العام مجروح جرحه نزيفه طيلة العام صباب كله سبايب كامل الزين مملوح غروٍ غرامه شيبْ بعقلي وغاب قفا وخلا الوصل فالقلب مذبوح ومن الهجر قلبي مريضٍ ولا طاب عليه كبدي من شقا وقتي اتفوح ودمع العيون بـ غيبته مابعد ذاب حبه زرعته بالوفا داخل الروح وانا احسبٍ بجني كمثرا واعنْاب واللي زرعته يثمر الغبن والنوح والاحي الورقا من افراق الاحباب لايحسب انه في تغليه مسموح من يوم بطل فالتغلي 100 باب