نرحّب بجميع محبي الشعر في صفحتهم ملفى القصيد، ستجدون بإذن الله التنوّع في الطرح وحرصنا على رسمكم أجمل اللوحات الشعرية والتي تمنح الجمال لملفاكم.. ملفى القصيد. إعداد: محمد راشد المناعي لمراسلة الصفحة: mohdalmanna3i@gmail.com تابعوا مجموعة ملفى القصيد على موقع facebook بادخال عبارة «ملفى القصيد» بمحرك البحث في الموقع ، وعلى twitter: malfaelge9eed@
شامخه طول الزمن

الشاعرة / سراب الوقت
ماطلبت من البشر مدات عون
ولاطلبت الصبح فزعه للمسا
شامخه طول الزمن مهما يكون
مير هذا الكون وراني الاسى
مابغيت من الحياه إلا اكون
ومابغضت بها الحياه إلا عسى
والزمن دايم مسوي بي يمون
واطلبه تكفى ولكنه قسى
ليش كل اللي حواليني يخون
وليش بالي مايذوق إلا اسى
من هذاك الوقت والصدر مغبون
كل يوم اقول بكره تنتسى
اه ياجرح الليالي من تكون
وليش عشقك لي باوقات المسا

ابتسم لك
الشاعر / سحيم بن أحمد آل ثاني

ابتسملك لو على الشاشه وأضيق
واتغزل فيك لو قلبي حطام
عشقي اللي ماحصله ما يليق
من ظروف الوقت واحلام الغرام
ذكريات الحب واشواقٍ تويق
لحنت لك بالوفى جزل الكلام
ياحبيبي عاد باقيلي طريق
قلبي اللي يعشقك ماهو يلام
لا تعاتبني ترا جرحي عميق
لو نويت البعد في بعدي سلام
لو فوادي في بحر حبك غريق
النهار يبين من عقب الضلام
القلوب اللي نحسب انها تفيق
صامتة عن حبها بين الانام
لا تعاتبني وانا مالي طريق
غير بعدك لان في بعدك سلام

ماشي على وين
الشاعر المرحوم / رشيد الزلامي
يا متعب الأقدام ماشي على وين
مـع جَـرّةٍ جاهـا العجـاج ودفنهـا
أرجع وعـدّ خطـاك وحـده وثنتيـن
واكبح جماح النفس والزم رسنهـا
لاتامن الدنيا تـرى وضعهـا شيـن
ماعـاد بـه دنـيـا صحـيـح بدنـهـا
لاصاروا العقّـال مثـل المجانيـن
واصبح ردي العرف يامر وينهـى
أنا مجـرّب والتجـارب براهـيـن
أراهـن الأيـام وأكـسـب رهنـهـا
منها عرفت الفرق بين الفريقين
سبحان من صاغ العقول ووزنهـا
وان كان صح ان التجارب براهين
ضمنتهـا إن كـان ربـي ضمنـهـا
رفقة ردي المعرفـة بعتهـا ديـن
على زبـونٍ ضمّـهـا واحتضنـهـا
بغى يجيني بالثمن قلت بعدين
امسك فلوسك لين ننشـدك عنها
مابعتك الاّ سلعةٍ يا أحمر العيـن
ابيعـهـا وابـيــع حـتــى ثمـنـهـا

التباريح
الشاعر / عبدالله عوجان
لو صاحبي ما ولّعتْه التباريح
ما كان يرجي جيّتي عند بيته
وْلو جيّتي بتضايقه كان مايسيح
دمعه إلى قفّيت عنْه وْبكيته
وْلو انّ دمعه مثل دمع التماسيح
ما كان طار مْن الفرح يوم جيته
وْلو فرحته كذبه ماقام أصلاً يصيح
ويقول تكفى خذ حبيبٍ هويته
هذا الذي مايبيح سرّي ولا ابيح
سرّه .. ولا ينساني وْلا نسيته
من كثر ما احبه عشقت المراويح
كم ليل لاجل احضى بشوفه سريته

سكة الخوف
الشاعرة / ديمة عبدالله

اواه يا قلبٍ تعنّى علـــى ماش
للصاحب اللي ماثمر فيه معروف
ابكى خفوقي واصبح النبض منّاش
من حزن لاياوي ولا يرحم ظروف
مليت اداري غاير الجرح بالشاش
ومليت احايل ثاير الهم بالجوف
ومليت اقابل صاحب القسط بالكاش
في دربه اللي ماعرف للوصل نوف
واواه من عينن لــــه لحــاف وفراش
مالـــدت ال غيره ولا كنها اتشوف
تسهر علــى طيفه وتطرب ليـــا شاش
صوت الشعر لا جر قافه على الاوف
يسري صداه مْن الغسق لين مغباش
من ضاحية عرعر إلى آخر الجوف
ثم اشرقت شمس الجفا وانطوى الجاش
يشكي غرابيله على سكة الخوف
وحتى الطيور اللي لها غصن واعشاش
طارت قبل لا يصبح الريش منتوف
لاذت قبل هطفى الزمن تعطي اللاش
فرصه يعل زنادها طبع مكفوف
وانا بشوف امن العجب كثر ما عاش
قلبي وعيني لاغرب الخلق بتشوف

أقبل العام
الشاعر القدير / راشد شرار
اقبل العام وانته مسكنك في الصميم ..
منزل الحب وانته تعيش به كل عام ..
وانا في كل عامٍ بك متيم أهيم ..
وانت وحدك بقلبي لي تثير الهيام ..
يا جديد المحبه يا المحب القديم ..
يا معلم حبيبك ايش يعني الغرام ..
اعرف انه غرامك في المكان السليم ..
في حناياي حبك ماخذ أسمى مقام ..
يالمحب المكرم يا الوفي يا الكريم ..
يا منتب بأصلك من جذور الكرام ..
يا الوفي يا المنزه يالحبيب الحشيم ..
انت وحدك ابعيني غير كل الأنام ..
كل ما ضاق صدري كنت لي يالنديم ..
بين بسمه ولمسه بلسماً للسقام ..
وكل ما تهت دربي في الطريق العتيم ..
جيتني نور تجلي جنح ذاك الظلام ..
خل ايدك بأيدي في الهوى تستديم ..
يا شريكي حياتي يا الأمل يا المرام ..
كل عامٍ وانته في فوادي مقيم ..
ولك انا حظن دافي يالغلا كل عام ..