نرحّب بجميع محبي الشعر في صفحتهم ملفى القصيد، ستجدون بإذن الله التنوّع في الطرح وحرصنا على رسمكم أجمل اللوحات الشعرية والتي تمنح الجمال لملفاكم.. ملفى القصيد. لمراسلة الصفحة: mohdalmanna3i@gmail.com تابعوا مجموعة ملفى القصيد على موقع facebook بادخال عبارة «ملفى القصيد» بمحرك البحث في الموقع ، وعلى تويتر : :malfaelge9eed@ * مسابقة أكمل القصيدة بالتعاون مع قروب انكسار المشاعر في البلاك بيري قمنا بعمل مسابقة أكمل القصيدة، للبيتين التاليين للشاعر المرحوم بديوي الوقداني: المال يحيي رجالٍ لا حياة بها كالسيل يحيي الهشيم الدمدم البالي نفسي تبي العز والحاجات تغصبها ترمي بها بين أجاويدٍ وأنذالي نعلن عن الفائزين بأجمل القصائد(بدون ترتيب) وهم أصحاب المشاركات : بإدارة الشاعر بندر الرشيدي PIN:29179619 • الشاعر: علي جابر الرميحي ((المال يحيي رجالٍ لا حياة بها كالسيل يحيي الهشيم الدمدم البالي نفسي تبي العز والحاجات تغصبها ترمي بها بين أجاويدٍ وأنذالي)) حلو التماثيل من معناي كاتبها جريت من صوتي المبحوح موالي .. في غربتي شفت فـ الدنيا غرايبها وانا عليها معلق خالي امالي .. في ديرةٍ عزتي للي يعيش ابها فيها غضب خالقي .. رحماك يالوالي وانا سببها كؤوس المر شاربها ما ذقت فيها زلال الشرب والحالي دنيا رمتني وانا عايش تجاربها تدعيك عقب الصداره مرتبٍ تالي دنيا حدتني ومدت لي مخالبها وازيت من صرفها مفجوع باهوالي قد رييت منها كبارٍ من عجايبها الناس ما عاد تبغي الماكر العالي المرجله واللـّه ان حطت نصايبها ماتت وراحت عوايدنا والرجالي ناسٍ تردت وانا واللـّه مجربها والتجربه خير برهانٍ فكل حالي الدار تستر خفاياهم وجانبها لاسفار تكشف لنا من كان محتالي والنعم .. عسرٍ على الرديان تكسبها تنقال للي بجوده ماله امثالي .. • الشاعر: عبدالله الغالي ((المال يحيي رجالٍ لا حياة بها كالسيل يحيي الهشيم الدمدم البالي نفسي تبي العز والحاجات تغصبها ترمي بها بين أجاويدٍ وأنذالي)) مايعرف الجمره الا من يجرّبها من ذاقها حطّها عبره للاجيالي والحلق لو كبّر اللقمه يغصّ بها ماعاد ينفعه شرب المشرب الحالي والناس في الوقت تفرقها مذاهبها المذهب الاولي والمذهب التالي ناسن على الطيبه تتعب ركايبها وتسوق فيها حلال المال والحالي رفرف علمها مع رفّة شواربها فالنايف المعتلي من روس الاقذالي وناسن تنثّى عصبها دون واجبها تتعب على الرخص ماتتعب على الغالي ماتضحك سنونها للي يطالبها وانا على بيرها مانزّل حبالي طيور شلوى تعشّيها مخالبها ماهي سواة الطيور اللي على بالي اللي تدوّر على الحيّه وتجلبها وتحطّها في جيوب العم والخالي - نبارك للفائزين ونشكر جميع من شارك معنا وجارى قصيدة الحكمة للشاعر الكبير المرحوم بديوي الوقداني * عـكـــس النــظـــام أهدانا الشاعر المبدع عبدالله الخالدي هذه القصيدة الجزلة التي خص بها جمهوره في ملفى القصيد .. الشاعر / عبدالله خالد الخالدي يا بير جيتك معاي اسرار كثر الكلام ودي ابوح ببعض مابي ولا انت اجنبي جيتك بعد قفت احلامي وخفت الملام وزرعي على طارف الوجدان ساقه عبي الحب مثل الفصول يمرنا كل عام وانا عشقت الربيع وصار لي مذهبي شميت ورده وجبت اقصاه برد وسلام الين جانا الخريف ويبس اللي نبي ومن حل صيف المفارق قمت اجهز خيام ومع انها ما امطرت لكني بمركبي يا بير جيتك مثل يوسف عليه السلام واخواني اوفى من اخوانه ولاني نبي جيت اشرب من الحنين وجيت اسولف وانام ويمكن اذا الله كتب لي عمر قلت طْلبي ضرايب الحب تجريح وسهر وانعدام تدفع من اعمارنا وتروح لجله جبي من عاش عالي مقام يموت عالي مقام ومن غشّه الحب مره ما يسمى غبي غروٍ يغنّي على ليلاه عكس النظام والمشكله كثروا اتباعه وطاح عتبي طيرت لجله حمام وما رجع لي حمام اثره مـهو زاجل يعوّد على منكبي كذا بقى بيت واحد قبل يخلص الكلام من قبل انادي همومي أرحبي أرحبي حبك مثل جو بحرين الغلا بالتمام متقلب وحبها يسبي المشاعر سبي * بلعة الريق ! الشاعر / عبدالرحمن آل مْغني تخنقني العبره .. على بلعة الريق وينك .. ترى غيابك ليا الحين ما لاق؟! اتنفسه شهقه .. وأحس انه يريق دمعي .. وقدك اتشوف بللت الأوراق! في ذمتك .. ما جاء على بالك اتفيق؟! العمر .. ولى شوف ... ماعاد له باق!! الهجر مثل الجرح .. ماهو لك يليق شف طعنتك فاقت على كل الآفاق! يريضيك فيني؟! .. خابرك منت بطيق! اشلون زدت الطاق من بعده الطاق..؟ شفني .. وأنا أخلق لك مية عذر تلفيق مع كل عذر .. أحس بالدمع ينساق..!! شرهات عين امحمله فوق ما أطيق وعتاب قلبن .. من عنى الهجر منضاق! امسامحك .. يومك املبسني الضيق..! امعاتبك .. من دافع احتاج وأشتاق اشتاق حلمك بس لو دون تحقيق! اشتاقه يمثل لي .. اطيوفك ..عناق وأصحى من أحلامي على واقع يعيق واروق الخفاق .. لو كان ما راق..!! واصبر العبره .. على بلعة الريق..! واعيشه غيابك ... ولو كان .. ما لاق * مدريدي وبرشلوني ناصر آل جمعان يعبّر عن ما يجول في فكر الكثير من العرب والمسلمين بهذه القصيدة الإبداعية .. الشاعر / ناصر بن محسن آل جمعان ماني بمدريدي ولا برشلوني مسلم موحّد مشغله ضعف الإسلام متعجبٍ لأنهم لنا يبغضوني وحنا لهم ندعي بتحقيق الأحلام وأخوانهم لأخواننا يذبحوني ونشوفهم قدوات ونجوم وإعلام أحدٍ عشقهم عشق حتى الجنوني واحد فزع معهم بصفحات وأقلام لكن مادام انهم لهم يعشقوني ويعلقون أسماء بعضهم والأرقام يا قدس هل الدمع من كل لوني وأصبر على ماجاء من اعداك ياشام وأصبر على كبر الألم والطعوني أمن البراء ماعندنا ملي غرام واختامها وصفه لمن يزعلوني يروى بحر ولا تراضيه الأيام وكان التقدم حبهم سامحوني أبغي التخلف ويش أبي بالتقدّام ؟! * سجن الضلوع الشاعر والإعلامي المبدع راضي الهاجري ، يهدينا قصيدة أخرى من دفاتر الغربة ! الشاعر والإعلامي القدير / راضي_الهاجري - برادفورد (23 / 2 / 2013م) الصدر ولّع والخفوق اعلن عن الفرحة حـداده عقب ما هو فـرحته يبشــر بها من هو وجـدها بضيقةٍ تفتك بفكر اللي احتـوى الهم وسـواده وعزة النـفس اســتبدّت رغم ضيقه ما فقـدهـا كم قد ركزت الرمح في كبد الأمور المستزاده في غــربةٍ فيها قضيت أيّام مانحصي عددها أمشي وأعف بخطوتي عن التفاهة والبــلاده بس البلا لاجاك منهو من على العميا سردها ترى المراجــل للفتـى ما زادهـا كثر الإشاده كنز المراجـل غـارةٍ بالليــل وارواح يحصـدها من دون ماينشر نبا ومن دون مايعطي إفاده روح المراجـل غـالية ما كل من فاز وصـمدها ولا عزّت أبواب العطا ربك من الخيرات زاده ومن زاده الرحمن يبشر بالمعالي لا صعدها ما هو يدوّر هـذرمة شـعّار أو يبغي شـهاده وماهو يدوّر صورةٍ للسجدة اللي ماسجدها انا تعبت من النفاق اللّي جحد أهل الجلاده يسهب على أهل البلاده بكل مايُمدح وأدهى سجن الضلوع اليا حبسني دون تقييد الإراده أتعب زنـازين الحســد قبل يخنـقها في مهدها لكن حلـفت إنّي باخـالف كل من يعـلن حيـاده لين تعـرف مـوؤودة الشــام الفقـيــدة من وأدها الموت يرقص رقصته والناس تكسيها السعاده وبرد الشــتا وقــلوبنا من بردها قام يحسـدها بس الخـلاصـة مهــزلة والمهـزلة تبغي الإعاده قالوا الإعادة تنفع (الشـاطر) إلى منّه جحدها