نرحّب بجميع محبي الشعر في صفحتهم ملفى القصيد، ستجدون بإذن الله التنوّع في الطرح وحرصنا على رسمكم أجمل اللوحات الشعرية والتي تمنح الجمال لملفاكم.. ملفى القصيد. لمراسلة الصفحة: mohdalmanna3i@gmail.com تابعوا مجموعة ملفى القصيد على موقع facebook بادخال عبارة «ملفى القصيد» بمحرك البحث في الموقع ، وعلى تويتر : :malfaelge9eed@ * مسابقة أكمل القصيدة بالتعاون مع قروب انكسار المشاعر في البلاك بيري بإدارة الشاعر بندر الرشيدي PIN:29179619 ، قمنا بعمل مسابقة أكمل القصيدة للبيت التالي : الروس تدعم سـوريا بالصـواريخ وحكامنا ترسل حليــب وملابس ! نعلن عن الفائزين بأجمل القصائد (بدون ترتيب) هم أصحاب المشاركات : - الشاعر / محمد عبدالهادي الغامدي أمجاد الأمة في كتابك يا تاريخ يوم أنّ وجه الظلم صاغر وعابس يوم السيوف تسطّر المجد يا شيخ دمّ الكُفُرْ في شذرة السيف يابس يا أُمّتي وارْكاب عزّك مناويخ وزند البطوله ماقبس منْه قابس عالم تموت وردّة الفعل توبيخ وأكبر هممْكم في صحون المكابس أمّ الشهيد العُرْب أذاني مصاميخ والمعتصم قد مات يا أهل المحابس متى نرزّ النصر فوق الشواميخ والى متى والذلّ يا عُرْب كابس بيتٍ سمعته سوف يبقى يا تاريخ دام الضمير اليعربي وجْه عابس ( الروس تدعم سوريا بالصواريخ وحكامنا ترسل حليـب وملابس ! ) - الشاعر / عبدالله الأحمد ( الروس تدعم سوريا بالصواريخ وحكامنا ترسل حليب وملابس ! ) بصمات عار مسجله في التواريخ وجه الزمن من فعلهم صار عابس كم صاح طفل وكم عفيفه وكم شيخ كم مسلمٍ حلقه من الضيم يابس وين الجبال الراسيات الشواميخ تزيح همٍ فوق الاضلاع كابس وين الرجال المومنين المطانيخ مايعرفون الخوف وقت المقابس ماهم من اللي في الشدايد مناويخ الفرق واضح ماجهلنا التلابس ذول اشبعوا ذل ومهونه وتوبيخ حتى غدوا بيدين الاعدا محابس - الشاعر / محمد الحيص يالله ضعنا .. ما ورانا مطانيخ الحق في وجه المعادين نابس تلقفونا لقفة الطنب بـ الصيخ الصيخ ولّا والعرب ما تكابس عزاهم الماضي لو إن فيه تاريخ واليوم أصبح وجه الأيام عابس روس النشاما اليوم تحتاج تفخيخ والدين ما يحتاج عشرين حابس كل شي واضح ماهي بـ فود تصريخ دام انكشف لـ أصل القضيّه تلابس وش عاد نرجي من ورا كلمة «الشيخ» ما أظن نلقى لـ المعادين كابس ( الروس تدعم سوريا بالصواريخ وحكامنا ترسل حليب وملابس ! ) - نبارك للفائزين ونشكر جميع من شارك ويكفينا ويكفيهم شرفا مساندتهم لإخوانهم السوريين وندعو لهم بالأمن والتوفيق والسلام * لو .. تدرين ! يصافحنا عزيز السباعي لأول مره بهذه القصيدة الجميلة ، ونتمنى منه استمرار التواصل معنا في صفحته ملفى القصيد .. الشاعر / عزيز بن عامر السباعي آَه لو تدرين يا هذا بمغليك! كيف عايش دنيته من دون وصلك؟! وكيف اضحى في ضلام الليل يشكيك ويرتجي ربه لدربه يسوق رجلك انا ذكرى وعين ولهى دوم تبكيك ودمعتي من حسرتي هي كلْ ما املك وانا من اسقيت حبك لأجل اجنيك وما جنيتك غير فرقا وصبر محلك عايش بوحده على درب المهاليك وما بقالي منك إلا جرح نصلك يا حبيبي استجب لقول داعيك ما وجد من صدكم للوصل مسلك اغتنم وصلي ما دام الوصل بيديك ورّحمي حالي قبلْ ما الروح تهلك حبك فقلبي ما يقبل اي تشكيك مثل ما اقبل اشك ف أصل اهلك كان ودك تمتحني عاد يكفيك راعي قول الناس في اصلك وفصلك انت عمري والحياه اشوفا فيك ويعلم الله في البشر ما شفت مثلك * شاعر المعنى 3 يشارك الليلة في مسابقة شاعر المعنى 3 الشاعر القطري بدر العتيبي في حلقة حماسية مع بقية المتنافسين ودعواتنا وتمنياتنا له بالتوفيق والنجاح. علما أن الحلقة الأولى تحصل فيها الشاعر القطري علي الدحابيب على الشاعر الذهبي وتأهل عن طريق لجنة التحكيم. * هنا .. ! الشاعر / فهد عافت هنا نجلس أحسن أو هنا؟ وين ماتبغين أنا أحب هذا الركن لكن على أية حال هنا أحسن، ارمي معطف الفرو للتخمين وفيه تعرفين إني أنا أحب هذا الشال علامك، علامك ساكته، ليه ماتحكين ؟! تبين أبتدي ؟ حاضر، على أمرك براحة بال على نفس هذي الطاولة، من ثلاث سنين رمت بنت دبلتها الذهب وانكسر رجال ! تمسك بها حاول وحاول وحاول لين بلا لين كان يحاول ب كافّة الأشكال !! وشدّت إيديها، وارتفع صوتها: وبعدين ؟ أنا لازم أمشي، وأنت يكفيك لعب عيال ! على حر من قلب، انهدم حاول المسكين وعلى قل من مهل الندم، باعدت تختال هنا، مات حب و يبس قلب و تملت عين من الملح واندفنت حكاية فرح وآمال ! وجيتي تبين انرجع اللي مضى هالحين ؟! أنا من ثلاث سنين بطّلت لعب عيال !! * صفحات الآهات الشاعر الجزل عايض بن غيده لا تخط أقلامه غير الجزالة وقوة الكلمة بالإضافة إلى الإبداع .. الشاعر / عايض ين غيده خليه يملا منك صفحات الاهات الين تنفد من شعوره حروفه لو يوصف اشكال الهوى عشر مرات عن رسمتي للشوق تقصر وصوفه للشعر اداه وللرسومات ادوات وانا كفرت بريشته قبل اشوفه في صفحتي بحرً ولا له نهايات حتى سفينة نوح تعجز تطوفه اعطاني الله في حياتي كرامات واكبر فضايلها كرامة ضيوفه وعطاني الله فالزمان اختبارات نجحت واجهود الكرام امخلوفه وفضّلت لي دانه على عشر دانات منها سجد قلبي بحزنه وخوفه حتى احتوت كل الصور والعبارات وخذت مساحة ما بقى من رفوفه فيها الهنا فيها الفرح والمسرات فيها سهر عينه وفركة كفوفه خوفه عليها من ثلاث اتجاهات والرابعه جنّب بنفسٍ عزوفه حتى غدت كابوس في بعض الاوقات من كثر ما صارت تغير ظروفه فالناس فارق والجمال اختلافات ومتغيرات احصا الجمال امعروفه الا بعض الارقام له عشر خانات اذا دخل جدول يلخبط صفوفه وكم ترفةً فيها من الريم شارات يذمها اللي ما توافق شفوفه الاذواق لونها سوى كان مأسات كان الجميله كل يوم امخطوفه لكن ربك حط للعبد نظرات شيء يزيّن له وشي يعوفه في جنة النسيان نعمه وراحات تطفي كبودٍ باللهيب امحفوفه ولولا التذكر كان ما عاش من مات على النقيض الجور ولا المروفه اللي يوزع كل صبح ابتسامات يجوز ذا تعبير عن حر جوفه ماهوب شرط تصح كل الدلالات طلة سحاب الصيف معنى نكوفة * أروى الشاعر / عبدالله سلمان العُمري أروى بعيني كل مامر طرياك صفرا من الخيل الأصايل تنومس والله يابنت العمومه فيزهاك شعري ونظمي في قصيدٍ يحمس أسرح بطيفك كل ماجات ذكراك وأنسى مكاني والربع واتعومس ماهو همس من ضعف ياعل يفداك ناس تظن الحب نوعٍ من المَس لكن عمس لشواق بالقلب ينخاك ويهس لشوفك دوم يالغالية همس أصبر وأزود الصبر كله لعيناك وأنا أدري الثنتين ماهي كما الخمس لكن بعني كل مامر طرياك كنّك كحيلة خيل صفراً تنومس