نرحّب بجميع محبي الشعر في صفحتهم ملفى القصيد، ستجدون بإذن الله التنوّع في الطرح وحرصنا على رسمكم أجمل اللوحات الشعرية والتي تمنح الجمال لملفاكم.. ملفى القصيد. لمراسلة الصفحة: mohdalmanna3i@gmail.com تابعوا مجموعة ملفى القصيد على موقع facebook بادخال عبارة «ملفى القصيد» بمحرك البحث في الموقع ، وعلى تويتر : :malfaelge9eed@ * على .. طول ! قصيدة غنائية حصرية من الشاعر المبدع عايض بن غيده، يهديها لمحبيه في ملفى القصيد .. الشاعر / عايض بن غيده القحطاني من عاد قلبك معي صافي وعافي وانتا علي مغرور تهوى التجافي ما دمت لي وافي فلا يخفاك خافي لكن تخون الود ماهو معي مقبول مرفوض حبك على طول ..... ماظن انك يوم ترثي لحالي انا على لفراق مرتاح سالي ولا خيالك طرالي ولا حنيني شكى لي مادام ظلمك علي معني ومدبول مرفوض حبك على طول ..... صبرت قبلك بس طال اصطباري والدمع من الاعيان مسفوح جاري لا حي بالجرح داري الا النجوم السواري ما ابشع الحب اذا غدا كذب معسول مرفوض حبك على طول ! * سألتيني ! الشاعر / مهند الحمادي سـألتيـني عــن اللـي قـلـبــي يحـبّـه فضـوليّــة .. إذا مـا قـلـت خمّـنـتـي تجيبـي إسـم مـا قــد عقـل فـكّـر بـه ما بـيـن الكــل إسمك إنتـي ما قلتـي يَـأَول حــبّ فـي قلـبــي رسـم دربـه وأجمـل عشـق فـي دنيـاي وآخرتـي مـا بيــن الكـل قلـبـك راحـتـي قربـه وراحـت راحتي مـن يــوم روّحتـي ما شفتي شاعرك وش سوّا فالغربـه من اشواقـه رسـم صوره بها زنتـي تحتـهـا خـطّ لــك أبـيـات مــن قـلـبـه شرح وش كثر حبه في هواك إنتي أحبـك حــبّ مثـلـه مـا حــداً حــبّـــه ومــا تلـقـيـن مـثله لـوّ دوّرتــي واذا شعري عجز يوصف من أحبّـه بوقف كل قصيدي واكتفـي بصمتـي ولـكـن يـا حـيـاتـي طـالـبـك طلـبــه مابـيـهـا تـرد مهـمـا صـار لا هنتـي مـا ابـيـهـا تـرد مهـمـا كـانـت السبّـه خـذي مـنّـي الطـلـب كانك تـفـضّلــتــي مـابي تقولي: «من اللي قلبك يحبّه؟» يمـوت القـلـب لـو ما تسكـنـيـه إنتـي ! * البارحة .. ! أهدانا عبدالعزيز البيشي قصيدة جميلة يجاري بها الشاعر المرحوم نمر بن عدوان .. الشاعر / عبدالعزيز البيشي البارحه ونيت ونت يتاما في عز ضيقي جاني العيد محزون يا سامعين الصوت ردوا سلاما خلٍ جريحٍ جاكم اليوم مطعون يابن الكرام الحب يجهل غلاما كَسر طريق المجد واللي يلبون مرحوم ياللي ما تنفس غراما يا قو صبرك والغلا فيك مديون واليوم أشوف الليل بدل ظلاما حكم القدر لبى على صدر مجنون جاريت شعرك والعواذل نياما وكلن على صدر الزمن يرضع لحون وأنا شموخي يفتخر بالنشاما والشوق في قلبي من العام مسجون يالله يا خالق جميع العظاما ياللي بأمرك تآمر الشي ويكون مرحوم من شعره يسبّق كلاما دام العواذل عذربوا كل قانون وصلوا على طه رفيع المقاما عدد سهام الموت فيدين صهيون * الرياضة.. ضراوة ! الشاعر / سلطان حمود لا تخلقون من الرياضة .. ضراوة ! روح الرياضة تقول : لا تقتلوني خل النقاش بطيب نفس و هداوه ديني ايحلف لي بإنهم ( يكرهوني ) و لك في صدور الغرب [ بغض و عداوة ] تبي الصحيح ؟؟ اقرا تصاريح Rooney يقول هالانسان و بكل قساوة : ( لـما لَعِبْتَ اذ هم سيشاهدوني ) مااقول لاتحيي بحماس و فداوة شجع .. لكن لا ترتمي من عيوني ان فزت ، مبروك اخذ هذي الحلاوة هذا انت مدريدي وانا برشلوني * سرقة الشاعرة / بسمة الخالدي في داخلي عصفور يسعـد بطاريـك يشدو لحن فارق، و يرقص فرحْ لـك مـَ يهمه العالم ليا صار بيديك حــتى و لو زليت حبه دمـح لك تحس نبضه رقْص خلف الشبابيك لا سـمْع صوتك فز كله طمح لك يطير في بستان حبـك حواليك مـا بـين ورد اشواقه و بين نحلك و يطير لك فوق الغمامة ، يناديك و بصوت أشبه بالاغاني صدح لك إن جيت ما تسمع سوى همس لبيك و ان رحت تسعى للمعالي فرح لك لانه يحبك حب ما فيه تشكيك لو هي عليه يكون من ضمن رحلك أمطرته بـ حب و أماني بأغانيك و أخضرّ صدرٍ من غلاتك فتحْ لـك أبواب شرّعها «على شـان يحويـك» .في سرقته بالله منهو سمح لك ؟! * لاقيتها البارح الشاعر / محمد عبدالمجيد لاقيتها البارح ، وأنا كلّي أشواق ومن فرحتي .. ضيعت حتى كلامي وتبعثِرت في داخلي «كل الأوراق» والدم يجري بين العروق حامي .! فزّيت من نومي وفالخاطر عناق ولحضنَها صدري وهالجوف ضامي هذا الوليف اللي له القلب توّاق يتوق قلبي له .. وأنا في منامي ! أصبح وانا في شوفته حيل مشتاق وأمسي وانا غارق بحب وهيامي اهو لـ عمري نور شمسي والإشراق وبعده عن عيوني يسبب حطامي يا رب .. يا وهاب تأتي بالأرزاق هبني وصال اللي محلّي غرامي هو المطر يسقي ويشفي لي أعواق حتى .. ولو ونيت من جرح دامي ! ** مساجلة.. شعرية! محاورة نارية بين الشاعرين مشعل بن عنان وعلي الدحابيب... • علي الدحابيب سلامي سلام من ألفها إلى الياء سلام يضم حروفنا الأبجديه يامشعل يأكثر أصحابك وكثر الأعداء بعد مارميت الشد فوق المطيه • مشعل بن عنان هلا مرحبا والنون مايسبق التاء حروف اللغه مني وجاتك عطيه على البئر يالوراد وأشرب من الماء سحبت الدلو وعضود متني قويه • علي الدحابيب أنا خائف انك ترتكب بعض الأخطاء وبعده تقول أنا حظوظي رديه ماباقي لك إلا الختم من عقب الأمضاء عسى يوم عيدك قبل عيد الضحيه • مشعل بن عنان كتاب الإماره ياعلي تحت الإنشاء وأنا مسلمً ماحب فيك الخطيه جُملك الجميله عابها ضعف الإملاء وهذا الختم مني وهو لك هديه • علي الدحابيب يجي بكره اسمك مختفي بين الأسماء ويأتون باسم ماتداني سميه بعد ماخذيت دروس في فن الأغواء تبا تطرب آليا دقو السمسميه • مشعل بن عنان احط الأسامي كلها تحت الأضواء وهذي عليهم نكسةً عالميه فنون الحياه أتعلمك فن الإغراء وتطرب ليا غنو لك السامريه • علي الدحابيب فقاعات صابون ودعايه وضوضاء وتفكير جهل الناس فالجاهليه عروض العساكر غير عن عرض الأزياء ياليتك تفرق بين ذيه وذيه • مشعل بن عنان يحطون من لإشيء شغلات وأشياء وهبت بها العربان من طيب نيه على ذكر موتاها يعيشون الاحياء وخذ منها حسنه ولو جتك سيه • علي الدحابيب يقولون بأوساط البلد منتشر داء ولابه دوا للداء فالصيدليه جميع البشر من نسل آدم وحواء ولاتاخذك في ربعك العنجهيه • مشعل بن عنان تفشى ومنه الناس مرضان واعياء وياليت من صابه تجيه المنيه أسدد برأيي واستمع كل الارياء واحارب هل التمييز والعنصريه • علي الدحابيب قلوب العرب صارت كما حال الأجواء تغير لأهبت ريحها الموسميه سمعنا صدى صوتك وصارت له أصداء من اليوم خل أخطاك تمشي جريه • مشعل بن عنان تدابير رب الكون للناس ماشاء وهذي طبيعة حطها فالبريه سمعته وجاك الصوت من كل الأرجاء وأنا من فضل ربي كفوفي نديه