نرحّب بجميع محبي الشعر في صفحتهم ملفى القصيد ، ستجدون بإذن الله التنوّع في الطرح وحرصنا على رسمكم أجمل اللوحات الشعرية والتي تمنح الجمال لملفاكم .. ملفى القصيد. لمراسلة الصفحة: mohdalmanna3i@gmail.com تابعوا مجموعة ملفى القصيد على موقع facebook بادخال عبارة «ملفى القصيد» بمحرك البحث في الموقع * أشعار رمضانية شهر العبادة الشاعر / محمد آل مبارك شهر العبادة بعد طيلة غيابه عاد يا حي منهو لأحبابه تعنى وعاد لو خل باطي عليّ .. باقول انا وش عاد الشهر هذا يحبه من لربه هوى شهر التراضي وشهر العابد اللي هوى ساجد لرب الملا .. راضي بما قد هوى والله يغفر لعبده لو لربه عاد إلى بعض الصائمين الشاعر/ خالد علي الكثيري صام لاياكل ولايشرب وكبرّها وسايد عد كل المسألة جوعٍ ولافكّر يزيد ابتدا بعد الفطور العربدة , والشّر زايد واحتمى ناره , وصارت كل زلاته تعيد وان حسبته في صيامه خير صوّامٍ وعابد قال هذا طاش , باب الحارة وكل ماتريد والليالي كلها بالسوق في خلف الطرايد في قفا بنتٍ عسى تنطل له الرقم السعيد راح في شبْكه يبشرنا تراني اليوم صايد والشباك الليّ على رجلينه الي ماتصيد؟ في الشوارع موتره غنى على رابح وراشد والمساجد كبرت لله يارب العبيد وان حكى ماغير سبّابٍ ولعّانٍ وطارد وان سكت يسكت ولكن داخله جمرٍ وقيد كاد في قوله وناسي ربنا فوقه وكايد وين تهذيب الصيام وجنة و نار و وعيد؟ * راس المال الشاعر/ حمد بن علي الهدفه ابوسيف هالدنيا تلعوزت وياها فمر تحداني او مر آتحداها فلأهي على هالكيف ديم ابطايعه تعاند ولكن عزة النفس تاطاها فلاني بطاوعها على كل مابغت ابوسيف نفسي بعض الأشياء تحاشاها ابوسيف راس المال نفس عزيره إذا مادرينا عرضها من بيدراها أحافظ عليها لا تجيها ملامه و عن المال وأهل المال غيرت مجراها فلا المال نزلها ولا المال عزها أرى المال هو غربال للنفس إليا جاها إذا زاد مال الرجل عن سد حاجه فلا وا عذاب النفس بالمال مشقاها فلا بد من دربين فيها تخير على الخير ولا الشر يامر وينهاها فلا واعذاب إللي كسب مال وانفقه على العربده وحقوق الإسلام مداها ولا واعذاب إللي سرق مال شعبه و على سويسرا زود الملايين وداها ولا واهني إللي من المال مكسبه حلال زكاته صوب الأدنيين وداها وانفق على المسكين و واصل به الرحم ترى ذاك نفسه ربك إللي بيجزاها فياليت من مثله وياليت من قدر على صون نفسٍ كاثراتٍ خطاياها مرٍ يجاهدها و مر تجاهده و عسى الله يكفي رغبة النفس مقواها تحملت منها بأول العمر ما كفى و عسى الله يكون ابتالي العمر وياها عسى الله يكون ابعون نفس ضعيفه تحدى الليالي والليالي تحداها * مسابقة أجمل الخواطر إعداد / أروى خليل الكبيسي هذه مسابقة جديدة يطرحها لكم «ملفى القصيد» لعشاق النثر والكاتبات النثرية وهي مسابقة لأجمل خاطرة من تأليفكم مع الالتزام بالموضوع والشروط. يُتوقع من المتسابقين استخدام خيالهم في وصاف الموضوع بطريقة بيانية جميلة وابتكار تعبيرات وصور خيالية من إبداعاتهم الشخصية . الموضوع: «لذة العبادة !» الشروط : 1 - وضوح الفكرة والابتعاد عن الرمزية المفرطة. 2 - أن لا يزيد طول الخاطرة عن 10 أسطر 3 - الالتزام بتسليم الخاطرة خلال المدة المحددة 4 - أن تكون الخاطرة مكتوبة باللغة العربية الفصحى والفائزون الثلاثة الأوائل ستنشر مشاركاتهم تباعاً حسب المرتبة في صفحة ملفى القصيد بجريدة العرب يرجى إرسال الخاطرة إلى الايميل التالي arwa18khalil@yahoo.com خلال مدة أقصاها حتى يوم الأربعاء الموافق 10 أغسطس 2011 بالتوفيق لجميع المشاركين -قديمك نديمك شيلة عرضه حي شهر الصوم يا مرحبًا يا حيّ شهر الصوم  شهرٍ به الطاعه مع الغفران نرجي نصومه كلّ عامٍ دوم  ابقدرة الله طاعة الرّحمان ثلاثين يومٍ قد عداك اللوم  يا صايمه نلت الأجر وإحسان عقبه هلال العيد أبرك يوم  انهنّي القربه مع الخلاّن فيه التهاني والفرح به دوم  فرح عميل اموفّي الدّيان للشاعر المرحوم / راشد بن عبدالله الكبيسي - السواليف الشاعر/ مـبـَآركْ بـنْ عـِيسَـىَ آلْ بـنْ عـَلـِيْ منِي القّصيدْ و منكّ بـَآقي السوَآليف و اللِيلْ يمضِـي بينْ ذيّه وْ ذيـّه ! لآ يَآ بعدْ كل الرَبـع وّ الموَآليف ، جيتكّ عّندي مـآتقدّر بـ جيـهْ .. أعنّ لــكْ عَنةْ هـَلْ الكِيـف لَـ الكِيـف ْ , و آتـوقّ لكْ تـُوق العَـرب لـَ الحميّة ! وَ أفـرحْ بـ شُوفـك فرحَـة البـَدو لـَ الضِيف , يقبـْل و يـَقفِـي و نَـآرهم دوم حَيـّة ! يـآصفـَآ منْ غيُـوم السمَآ لآقبـّل الصِيـفْ ! وَ أرقْ مـنْ نسمَـةْ مسـَآك العَذيـّة , مَآشفتْ مثلّك بــّ الحَـلآ و التّوَآصـيفْ ! كنّ الـقـمَر لآطــلّ أخـذ منـكْ ضَيـّه ! أبـطِيتْ و عيـُوني جّيـَآعٍ مـَلآهيـِف ! فـِي بعدكْ آحـَسبْ الثمَـآنينْ ميـّة , كنّ السَهَـر لـمَت جـروحْ و مـَرآهيفْ , و كـنْ الصـبـّر شيـخٍ يّديـنَه خليـّه !! وّ إليـَآ أنشـدُونِي عـنكْ نـَآسٍ مَلآقيفْ ! أعـّز نـَفسـِي عنْ نـفُـوسٍ ردِيـّه , و إنْ سـُولفُـوآ عـنكْ بـ كَذب و تخـَآريفْ , أجـّر كيـَه و أزفـرْ ألفــِينْ كَيــّه ! نَـآسٍ تـّحبْ تـعِيد وْ تشـِيل و تضـِيف ! و تمـُوووتْ في فــَرقآ الخويّ عَن خوّيـَه , يـَآجعلهّم فّـدوةْ عيُـونكْ و يَآ حِـيف ! للــِي عطَآهـم قَـدرٍ وّ أولـوِيـّةْ , مَـآآيعرفونْ إنـِي لـُو تعِيف مـَآ عِيفْ ! ولـُو عـَآفت ضعـَآفْ النفـُوسْ العـَطِيـَةْ ، وْ إن الهـَوىَ ضـَربَة مثّـل ضربَة السِـيـفْ ! تْبـقَـىَ طّـعُونَـه لـُو مَآجـَآب المنيـّة , فـإن كَآن مَليـِت الشّعْـر وَ آلسّوَآلـِيفْ , و مَـآعآدْ عنـدّكْ لـَ الوَصلْ أي نيـّةْ ! فـأنــَآ علـَى ( عـَهّـديْ ) مَــآحسبْ التكآلِيـفْ ! مـَآبيعْ لـُو كـلّ العربْ مشتّـريّة , و عّـنديْ كَلآم مَـآبه أي غـَش اوْ زيـِفْ , ودِيْ أقــُوله دَآم بــِي مقـْدريــّةْ ! مَـنْ مَآيجـي بالكِيـفْ مَآ جَآبـهْ السـِيفْ , أمــَآ كـذآ أوْ مَـآنبي منـكّ جَيـّهْ ! * تعال بالاحضان الشاعر/ فلاح بن طارق العبسي يا من جرى دمعك على خدّك وسال كحل العيون ، وخالط الصبح بالليل إصبر ، ابجمع كلّ دمعك بفنجال حرام هذا الدّمع يشربه منديل تعال،، فضفض كل الأحزان والحال تعال واسمع دقّة القلب : تهليل سولف عن الحاضر وعن كل الآمال عن وادي الأحزان وأزمان هالسيل وابني على صدري من الهم تمثال ساسه تناهيدك وزخرفته الويل وإسكن حنايا صدر من حَب بهبال لك فيه في وسط الحنايا مداهيل تهدي ضلوعي حزنك الحب سلسال وتْلبسّه من عطفها الْعشق تفصيل ويمْطر غرامي فوق الأحزان : همّال تنبت قرنفل وسطها زهرة الذيل تعال وانسى كلّ همٍ وغربال واحصد ثمار العشق واستنفذ الكيل