نرحّب بجميع محبي الشعر في صفحتهم ملفى القصيد، ستجدون بإذن الله التنوّع في الطرح وحرصنا على رسمكم أجمل اللوحات الشعرية والتي تمنح الجمال لملفاكم.. ملفى القصيد. لمراسلة الصفحة: mohdalmanna3i@gmail.com تابعوا مجموعة ملفى القصيد على موقع facebook بادخال عبارة «ملفى القصيد» بمحرك البحث في الموقع ، وعلى تويتر : :malfaelge9eed@ * كلنا شعب وبلد الشاعر / حمد الطير العذبه لجل ابو مشعل نوقف ونرفع له عقال وانتعزوا باسمه اليوم والله العظيم كلنا شعب وبلد من جنوبه للشمال ومن شروقه لاغروبه ويفهمها الفهيم ابهر العالم بفعله ويضرب به مثال وسلم زمام الامور وتسلمها تميم وان تنحى فالتنحي بلا شك وجدال خطوةٍ اقدم عليها وضربه فالصميم يبغي العالم يدرس فعوله للعيال والله انه قايد محنك ورجلٍ حليم ياتميم اليوم حنا ولانا مايزال مايغيره الزمن من جديد ومن قديم حن ولانا مايبي له اجابه او سؤال من مواطن نبتدي به الين اصغر مقيم * حبنا يسوى كثير الشاعرة / نوف المالكي فالتواضع والكرم هو بالأمام ما تساويه الحواكم أو وزير شيخنا له كل حمد و كل سلام هو حمد عن يا حمد لك ياكبير مايموت الشعب شعبك في غرام والحكاية حبنا يسوى كثير يا أمير الشعب ما حقك كلام في تميم آمالنا و الحب يحير هل نحبك ؟ عشقكم أكبر وسام تنحني أرقابنا بل تستدير بس لحاكمنا تمنينا مرام إن يعيش الوطر لا ماله خشير اي نبضنا في وطنا له مهام الوطن في يد تميم العز يسير نجتمع لك يا وطن شوق و عزام لإنتقالك يا حكم ؟ مانستخير * الشبل من ذاك (الحمد) الشاعر / خالد علي الكثيري ألا يا فرحة حلـّت , معــاها النور به ألوان وتشــرق شمس بالدوحة تغطي كل الأكــواني وجانا اليوم فارسنا تبختر فوق ظهر حصان مبارك يا تميم العز أنت الكوكب الداني هذاك الشهم ذاك اللي تفزّ لأجله العربان كريم الساس وعلومه فخر في كل الأعياني لأنه طيّب السيرة كريم النفس والإحسان وله بين البشر ميزة وشانٍ ياعلا الشاني تـربىّ للمكــارم والمثل في سيرته رنـّــان هذاك الشبل من ذاك (الحمد) أنعم بهم ثاني ابــوه المنزلٍ العالي وحوّل ديرته لجنان ( حمد ) لا ما توفيه الوصوف بكل قيفـــاني وهم من نسل فرسانٍ شهــامتهم لنا عنوان لهم وســـم الكرم والمرجلة وبكل الألــواني رجــالٍ كل سيرتهم مثــل عذقٍ به الرمان لهم ذكْرٍ مثــل عـودٍ يفوح بخــور وادهـاني ومبروك لقطر شيخ الفخر لا مامثيله كان (تميم) أللي معا شعبه مثل خاتم سليماني لفا ديرة قطر مثل الزهور بدوحة البستان وقام يزيدها كنــزٍ ( ذهب لولو و مرجـاني) وشعبه له سند وسيوف ودرعٍ دايم الأزمان وشعبه بإختصار القول مثل الحدّ شامـاني ألا مبروك ثم مبروك غيثٍ في قطر هتّان نثــرنـاها ورودٍ ثم عطــرٍ مســـك وريحاني * نهج الكبار الشاعر / محمدبن ناصر الشهواني تمشي على نهج الكبار دولة قطر عون الجوير الخير عم بكل دار يصير ولا ما يصير ؟ إلا يصير وذا جهار بقيادة اللي فيه خير حمد حميد الراي سار في درب ما يمشيه غير إلا الذي يملك قرار وينفذه عقلٍ بصير الشيخ أبو مشعل شعار لأهل قطر عود وصغير ترجل وداره عمار والشعب في خيرٍ وفير ماشي تميمٍ عالمسار سيفٍ وبالشدة شطير وأقول شطرٍ بأختصار أمير سلمها لأمير * التميمي الشاعر / ذياب بن عبدالله النعيمي ياحمدنا ووالله لك شعبٍ وفي مانسينا ودنا مهما حصل واشهدي لي ياقطر ثم رفرفي بالبيارق والله أَنْ مالك بدل ياحمدنا لك مَعَزه متخفي الامل على جبينك له امل ياملكنا لك صفة نجم الجدي ماتغير في مكانه وما نزل لو حصل مهما حصل فأنت أبي انت شمعه انورت كل الدول وياقطرنا احفلي ثم العبي قدّمج شيخج حمد حق الفحل حق تميم استبشري لاتحزني قايدٍ فذٍ على العليا نزل البسي له ياقطر كل الحلي واخضعي له بالولا يومه وصل ياملكنا حنْ جنودك مانعصي نسقيك من ماء العيون الزلل كل شعبك لا نخيته يرعدي تحت امرك ياملكنا للعدل حنْ جنودٍ تحت أمرتك تعدي فوق سرج الخيل وشداد الّجمل تعتزي الفحول واللاش يهبي نلبس الاكفان وللموت انعجل شوف شعبك صادقٍ صعب يهذي للوطن ترخص معاميل الرجل ومن نشدني ويش حالك ياصبي قلت حالي للتميمي يعتدل